Foto: muftyat.kz
Qazaqstan musylmandary dini basqarmasynyń tóraǵasy, Bas múfti Naýryzbai qajy Taǵanuly orazaǵa orai BAQ ókilderiniń qatysýymen ótken baspasóz máslihatynda kásipkerlerge úndeý jasady, dep habarlaidy "Ult aqparat" muftyat.kz saityna silteme jasap.
«Osy rette kásipker azamattardy, saýda ortalyqtarynyń basshylaryn qasietti aidyń qurmeti úshin halqymyzdyń turmys jaǵdaiyn eskerip, áleýmettik mańyzy bar taýarlar men azyq-túlik baǵasyn múmkindiginshe 10 paiyzǵa deiin tómendetip, jeńildik jasaýǵa úndeimin. Jaqsy amaldaryńyz ózderińizge eselep jaqsylyq bolyp qaitatynynda kúmán joq. Mundaida halqymyz: «Qaiyrymdylyq jasasań, qaiyryn óziń kóresiń» demei me?! Paiǵambarymyz Muhammed (oǵan Allanyń salaýaty men sálemi bolsyn): «Kimde-kim baýyrynyń qajetin ótese, Alla onyń qajetinde bolady. Kimde-kim musylmannyń bir qaiǵysyn seiiltse, Alla onyń qaiǵy-qasiretteriniń birin seiiltedi», – degen.
Osy sátti paidalanyp, barsha qaýymǵa qasietti Ramazan aiynda araq-sharap ishilmese jáne dúkenderde satylmasa, múmkindiginshe qudaiy astar keshki aýyzashar ýaqytynda ótkizilse degen tilegimdi jetkizemin. Alla Taǵala Ramazannyń qurmeti úshin jasaǵan jaqsy isimizdiń sebebimen barshamyzdy jaqsylyqqa keneltkei» - dedi Naýryzbai qajy Taǵanuly.
