«اق جول» پارتيياسىنىڭ مٷشەسٸ, مەجٸلٸس دەپۋتاتى دانييا ەسپاەۆا مەملەكەت باسشىسىنىڭ ٶز جولداۋىندا شاعىن جەنە ورتا بيزنەستٸ قولداۋعا باعىتتالعان شارالارىن قولدايتىنىن جەتكٸزدٸ, دەپ حابارلايدى قازاقپارات.
«پرەزيدەنت ٶزٸنٸڭ كەيٸنگٸ جولداۋى ارقىلى شاعىن جەنە ورتا بيزنەس ٶكٸلدەرٸنە ٷلكەن قولداۋ كٶرسەتٸپ وتىر. بۇعان دەيٸن اتالىپ ٶتكەندەي, قازٸر بيزنەس قاراجاتقا تەۋەلدٸ بولىپ تۇر. ەلدە تٶتەنشە جاعداي ەنگٸزٸلگەن كەزدە بٸزدٸڭ پارتييا ٷكٸمەتكە دە, ۇلتتىق بانككە دە سول كەزدە كەسٸپكەرلەرگە كٶرسەتٸلگەن كٶمەكتٸڭ از ەكەنٸن ايتىپ, ساۋال جولداعان بولاتىن. سەبەبٸ ول كەزدە بانكتەردٸڭ بار كٶمەگٸ – نەسيەنٸ كەيٸنگە شەگەرۋ عانا بولدى. الايدا كارانتين بٸتكەنٸمەن كٸرٸس ٶسپەيتٸنٸن بەرٸمٸز بٸلەمٸز. سول سەبەپتٸ بۇل نەسيەلەردٸ جەڭٸلدەتٸلگەن ستاۆكا بويىنشا قايتا قارجىلاندىرۋدى ۇسىندىق. پرەزيدەنتتٸڭ وسى رەتتە ستاۆكانى 6 پايىزعا دەيٸن تٶمەندەتۋ تۋرالى تاپسىرماسى بەرٸلدٸ», - دەدٸ دانييا ەسپاەۆا وكق-دا ٶتكەن باسپاسٶز مەسليحاتىندا.
دەپۋتاتتىڭ ايتۋىنشا قارجى نارىعىن رەتتەۋ جەنە دامىتۋ اگەنتتٸگٸنٸڭ تٶراعاسى مادينا ەبٸلقاسىموۆا قىركٷيەكتٸڭ باسىندا ٶتكەن ٷكٸمەت وتىرىسىندا «قيىن جاعدايدا قالعان شوب بويىنشا قازٸرگٸ ۋاقىتتا جىلدىق ورتاشا ستاۆكا 15 پايىز ەكەنٸن» ايتىپ, ٷكٸمەتكە ەكٸنشٸ دەڭگەيلٸ بانكتەردٸڭ قارىزدارى بويىنشا 20 پايىزبەن قايتا قارجىلاندىرۋدى ۇسىنعان.
«ياعني, بٸز سالىق تٶلەۋشٸلەردٸڭ ەسەبٸنەن بانكتەردٸڭ مەسەلەلەرٸن شەشۋٸمٸز كەرەك ەكەن. ولاي بولماۋ كەرەك. سول ٷشٸن جىلدىق 20 پايىزدىق ورتاشا ستاۆكامەن قارىز بەرگەن بانكتەر جىلدىق ستاۆكانى 14 پايىزعا دەيٸن تٶمەندەتۋ كەرەك. ارتىنشا 6 پايىزعا ازايادى. سول سەبەپتٸ پرەزيدەنتتٸڭ باستاماسىن تولىق قولدايمىن», - دەدٸ ول.
