نيۋ-يوركتەگٸ تايمس-سكۆەردە بولعان پىشاق شابۋىلى سالدارىنان 32 جاستاعى ەرين پياچەنتي قازا تاپتى. ول Bank of America كومپانيياسىنىڭ ۆيتسە-پرەزيدەنتٸ بولعان, دەپ حابارلايدى ult.kz.
وقيعا 31 تامىزدا بولعان. پوليتسييانىڭ مەلٸمەتٸنشە, 49 جاستاعى پامەلا سيسنەروس سٶمكەسٸنەن ەكٸ پىشاق الىپ شىعىپ, الدىمەن 68 جاستاعى ٶتٸپ بارا جاتقان ادامدى ٸشٸنەن جارالاعان. كەيٸن جاقىن ماڭداعى كٶشەدە ەرين پياچەنتيگە شابۋىل جاساپ, وعان ٶلٸمگە ەكەلگەن جاراقات سالعان.
قۇقىق قورعاۋ ورگاندارى كٷدٸكتٸ ەيەلدٸ قارۋىن تاستاۋعا تٶرت مينۋت بويى كٶندٸرۋگە تىرىسقان. الايدا ول پوليتسييا قىزمەتكەرلەرٸنە قوقان-لوقى جاساعان.
ەيەل وفيتسەرلەرگە قاراي قوزعالعان كەزدە پوليتسەيلەر ونى ەلەكتروشوكەرمەن توقتاتۋعا ەرەكەتتەنگەن. الايدا قۇرىلعىلار ٸسكە قوسىلماعان. وسىدان كەيٸن پوليتسييا قىزمەتكەرلەرٸ قارۋ قولدانىپ, سيسنەروستى جارالاعان. ەيەل العان جاراقاتىنان اۋرۋحانادا قايتىس بولدى.
پوليتسييانىڭ مەلٸمەتٸنشە, سيسنەروس پسيحيكالىق بۇزىلىستان زارداپ شەككەن.
Bank of America ٶكٸلدەرٸ ەرين پياچەنتيدٸڭ قازاسىنا بايلانىستى «قاتتى كٷيزەلٸپ, قايعىرىپ وتىرعاندارىن» مەلٸمدەدٸ. كومپانييا مارقۇمدى ۇجىمنىڭ قۇندى مٷشەسٸ رەتٸندە اتاپ, ونىڭ جاقىندارىنا كٶڭٸل ايتتى.
ەرين پياچەنتي فوردحەم ۋنيۆەرسيتەتٸندە بٸلٸم العان. ول بولاشاق كٷيەۋٸمەن دە وسى وقۋ ورنىندا تانىسقان. ۋنيۆەرسيتەت ٶكٸلدەرٸ ونىڭ وتباسىنا كٶڭٸل ايتىپ, قايعىسىنا ورتاقتاستى.
