اقمولا وبلىسىنىڭ ارشالى اۋدانىنداعى ۆولگودونوۆكا اۋىلىندا ٶز قاراجاتىنا بالالار ويىن الاڭىن سالىپ بەرگەن كەسٸپكەر سوت شەشٸمٸمەن 1,25 ميلليون تەڭگە ٶتەماقى تٶلەۋگە مٸندەتتەلدٸ, دەپ حابارلايدى ult.kz.
Halyqstan Telegram ارناسىنىڭ مەلٸمەتٸنشە, كەسٸپكەر 2025 جىلى اۋىلداعى بوس جاتقان جەردٸ اباتتاندىرىپ, بالالارعا ارنالعان ويىن كەشەنٸن, ەتكەنشەكتەر مەن اعاشتان جاسالعان كٷركە ورناتقان. الايدا سول جىلى الاڭدا ويناپ جٷرگەن كٸشكەنتاي قىز سىرعاناقتان قۇلاپ, باسىنان جاراقات العان.
وسىدان كەيٸن بالانىڭ اناسى سوتقا جٷگٸنٸپ, ويىن الاڭى قاۋٸپسٸزدٸك تالاپتارىنا تولىق سەيكەس كەلمەگەنٸن العا تارتقان. ونىڭ ايتۋىنشا, سىرعاناقتىڭ اينالاسىندا ارنايى قاۋٸپسٸزدٸك جابىنى بولماعان.
بٸر جىلعا جۋىق قارالعان ٸستٸڭ قورىتىندىسىندا سوت تالاپ-ارىزدى قاناعاتتاندىرىپ, كەسٸپكەرگە زارداپ شەككەن بالانىڭ وتباسىنا ماتەريالدىق جەنە مورالدىق شىعىن ٷشٸن جالپى 1,25 ميلليون تەڭگە ٶتەماقى تٶلەۋ جٶنٸندە شەشٸم شىعاردى.
كەسٸپكەر بۇل شەشٸممەن كەلٸسپەيتٸنٸن ايتقانىمەن, سوت ٷكٸمٸن ورىندايتىنىن جەتكٸزدٸ.
– بالا ويىن الاڭىندا ەرەسەكتەردٸڭ قاراۋىنسىز جٷرگەن. ال سىرعاناق قاۋٸپسٸزدٸك تالاپتارىنا ساي ارنايى پلاستيكتەن جاسالعان بولاتىن, – دەيدٸ ول.
وقيعادان كەيٸن كەسٸپكەر ويىن الاڭىن تولىقتاي بۇزىپ تاستاعان. ونىڭ ايتۋىنشا, ويىن قۇرىلعىلارى مەن اعاش كٷركە كٶرشٸ اۋدانعا بەرٸلگەن, ال الاڭ ورنالاسقان جەر بۇرىنعى قالپىنا كەلتٸرٸلگەن.
بۇل جاعداي ەلەۋمەتتٸك جەلٸلەردە قىزۋ تالقىلانىپ, كٶپشٸلٸك كەسٸپكەردٸ قولداپ, ٶتەماقى سوماسىن جيناپ بەرۋدٸ ۇسىندى. الايدا ول قارجىلاي كٶمەكتەن باس تارتىپ, سوت شەشٸمٸن ٶز قاراجاتىمەن ورىندايتىنىن مەلٸمدەدٸ.
كەسٸپكەردٸڭ سٶزٸنشە, بالالار يگٸلٸگٸ ٷشٸن سالىنعان ويىن الاڭىن بۇزۋ وڭايعا سوقپاعان. دەگەنمەن وسى وقيعادان كەيٸن مۇنداي جاۋاپكەرشٸلٸكتٸ قايتا موينىنا الۋعا دايىن ەمەس ەكەنٸن ايتتى.
