فوتو: "حابار" تەلەارناسى سيۋجەتٸنٸڭ كادرى
اقتٶبە وبلىسىندا 659 وتباسى 20 جىل بۇرىن اپاتتى دەپ تانىلعان ٷيلەردە تۇرىپ جاتىر. ٶتكەن عاسىردىڭ ورتا تۇسىندا سالىنعان عيماراتتاردىڭ قابىرعاسى سٶگٸلٸپ, ٸرگەتاسى شٶگٸپ بارادى. تۇرعىندار شاتىرى ورتاسىنا تٷسٸپ, جازاتايىم بولامىز با دەپ قاۋٸپتەنەدٸ. بۇل تۋرالى "حابار" ارناسىنىڭ سيۋجەتٸندە ايتىلادى.
زەينەتتەگٸ قالا تۇرعىنى قانييا اجعۇلوۆا ەكٸقاباتتى باسپانانىڭ پەتەر ەتٸپ جاراقتاعان جەرتٶلەسٸن پانالاۋعا مەجبٷر. بۇل عيماراتتا مۇنداي ٷيدٸڭ بٸرنەشەۋٸ بار ەكەن.
20 جىل بۇرىن اپاتتى دەپ تانىلعان نىساننىڭ قابىرعاسى سٶگٸلٸپ, شاتىرى تەسٸلگەن. جىلىتۋ جٷيەسٸ دە ەسكٸرگەندٸكتەن تۇرعىنداردىڭ دەنٸ سىز ٶتٸپ, سىرقاتتى بولعان.
"بالالار اۋىرىپ, كەلٸنٸم دە اۋىرىپ, بالالار – استما. بٸر ٷلكەن بالام 16-داعى مىنا مۇرنىمەن دەمالا المايدى. ەندٸ مٸنە, مەن اۋرۋ بولىپ وتىرمىن. ەندٸ نە ٸستەيمٸز? بيىل قىستى كٶتەرە المايمىز بٸزدەر. مىنا باتارەيدٸ قامىت كيگٸزٸپ وتىرمىز جان-جاقتان بەرٸمٸز دە", - دەيدٸ تەلەارنا تٸلشٸسٸنە بەرگەن سۇحباتىندا جەرگٸلٸكتٸ تۇرعىن.
جەرگٸلٸكتٸ بيلٸك بۇل مەسەلەنٸ شەشۋ ٷشٸن ينۆەستورلارعا يەك ارتقان. 3 جىل بۇرىن قۇرىلىس كومپانيياسىمەن مەموراندۋمعا قول قويىپتى. مەملەكەت قورىنان جەر تەلٸمٸن بەرٸپ, مەردٸگەر كٶپقاباتتى باسپانا تۇرعىزۋعا تيٸس بولاتىن. جاڭا عيماراتتاعى 58 پەتەر اپاتتى ٷي تۇرعىندارىنا ٷلەستٸرٸلۋٸ كەرەك. الايدا قۇرىلىس توقتاپ قالعان.
"قىركٷيەك ايىندا وسى ٷيدٸڭ قابىرعاسىن كٶتەرەمٸز دەپ ۋەدە ەتكەن. ەندٸ الايدا ٶزدەرٸنٸڭ قاراجاتتارىنىڭ تاپشىلىعىنا سەيكەس قاراشا ايىنا دەيٸن ۋاقىت سۇراپ وتىر. ەگەر وسى قاراشا ايىنا دەيٸن ٶز جۇمىستارىن باستاماعان جاعدايدا قالا ەكٸمدٸگٸ بەرٸلگەن وسى 8 گەكتاردى قايتادان قالا قورىنا الادى. جەنە دە باسقا ينۆەستور كومپانييالارمەن قازٸر كەلٸسسٶزدەر جٷرگٸزٸلٸپ جاتىر. سول كومپانيياعا بەرٸلەدٸ", - دەيدٸ قالالىق تۇرعىن ٷي ينسپەكتسيياسى بٶلٸمٸنٸڭ باسشىسى اقنۇر قازباەۆا.
قالا ەكٸمدٸگٸ اپاتتى عيمارات تۇرعىندارىنا باسپانا قۇنىن ٶتەۋدٸ دە ۇسىنىپ وتىر. مەسەلەن, تىنىشپاەۆ كٶشەسٸندەگٸ مىنا ٷيدەگٸ 8 پەتەردٸ ساتىپ الۋعا بيۋدجەتتەن 40 ملن تەڭگە بٶلٸنگەن.
