سولتٷستٸك كورەيا مەن اقش اراسىندا ەسكەري جانجال تۇتانۋ قاۋپٸ كٷشەيگەن تۇستا رەسەيدٸڭ سولتٷستٸك كورەيامەن شەكاراسىنا اۋىر ەسكەري تەحنيكالارىن شوعىرلاندىرا باستاعانى حابارلاندى.
رەسەيلٸك باق-تىڭ حابارلاۋىنشا, ٶتكەن اپتانىڭ سوڭىنان باستاپ قيىر شىعىس تۇرعىندارى تەمٸرجولمەن جەنە كٶلٸك جولدارىمەن اۋىر ەسكەري تەحنيكالاردىڭ سولتٷستٸك كورەيامەن شەكاراعا قاراي ەكەتٸلٸپ جاتقانىنا كۋە بولىپ جاتىر. DVHab.ru سايتىندا جارييالانعان ۆيدەودا ەسكەري تەحنيكا, ونىڭ ٸشٸندە زەنيت-زىمىران كەشەندەرٸ تيەلگەن تەمٸرجول ەشەلوندارىنىڭ كەتٸپ بارا جاتقانى كٶرٸنەدٸ. ەشەلون حاباروۆسك ٶلكەسٸنٸڭ تەرريتوريياسىمەن شەكارادان 100 كيلومەتر قاشىقتىقتا ورنالاسقان ۆلاديۆوستوك قالاسىن بەتكە الىپ كەتٸپ بارادى.
"تاڭەرتەڭنەن بەرٸ بۇل ەسكەري تەحنيكا تيەلگەن ٷشٸنشٸ تەمٸرجول قۇرامى" دەيدٸ ۆيدەوداعى ەر ادام. سايتتىڭ حابارلاۋىنشا, جەرگٸلٸكتٸ تۇرعىندار ىقتيمال قاقتىعىستىڭ رەسەيدٸڭ سولتٷستٸك كورەيامەن شەكتەس ايماقتارى ٷشٸن تيەتٸن سالدارىنا قاتىستى "دٷرلٸگە باستاعان".
اقش پەن سولتٷستٸك كورەيا بۇعان دەيٸن الدىن الۋ شاراسى رەتٸندە بٸر-بٸرٸنە ەسكەري سوققى جاساۋى مٷمكٸن ەكەنٸن ەسكەرتكەن. پحەنيان تاياۋدا يادرولىق قارۋ قولدانۋى مٷمكٸن ەكەنٸن مەلٸمدەگەن.
"ۆوستوك مەديا" سايتىنىڭ حابارلاۋىنشا, جەرگٸلٸكتٸ تۇرعىندار حاباروۆسك - ۆلاديۆوستوك جولىمەن وڭتٷستٸك باعىتقا قاراي بتر, تٸكۇشاق جەنە باسقا دا اۋىر ەسكەري تەحنيكالاردىڭ كەتٸپ بارا جاتقانىنا كۋە بولعان. باق اقپاراتىنا قاراعاندا, رەسەي ەسكەري ۆەدومستۆوسىنىڭ رەسمي ٶكٸلٸ ەسكەري تەحنيكا "جوسپارلى" جاتتىعۋ اياسىندا تاسىمالدانىپ جاتقانىن ايتقان.
