قىتايدى كوروناۆيرۋس تۋرالى شىنايى دەرەكتٸ جاسىردى دەپ ايىپتاعان ەۋرووداقتىڭ ەسەبٸ پەكين قىسىمىنان كەيٸن ٶزگەرٸسكە ۇشىرادى, دەپ جازدى 25 سەۋٸردە New York Times جەنە Reuters اگەنتتٸگٸ.
جۋرناليستەردٸڭ سٶزٸنە قاراعاندا, قىتاي باياندامانىڭ جارييالانۋىنا كەدەرگٸ جاساۋعا تالپىنعان. ال كەيٸنٸرەك بايانداماداعى پەكيندٸ سىناعان كەيبٸر ابزاتستار الىنىپ تاستالعان, ٶزگەرتٸلگەن نەمەسە اۋىستىرىلعان.
20 سەۋٸردە جارييالانۋى تيٸس بولعان باياندامانىڭ تٷپنۇسقاسى قىتاي, يران جەنە رەسەيدٸڭ كوروناۆيرۋس ٸندەتٸ تۋرالى اقپاراتتى ٷش جاقتان بارىنشا بۇرمالاعانىنا مەڭزەيدٸ.
New York Times جازۋىنشا, قۇجات تٷپنۇسقاسىندا قىتاي ٸندەتكە بايلانىستى جاۋاپكەرشٸلٸكتٸ ٶزٸنەن سىرعىتىپ, حالىقارالىق بەدەلٸن جاقسارتۋ ٷشٸن "جالعان اقپارات تاراتۋ بويىنشا عالامدىق كامپانييانىڭ باستاۋىندا قالا بەرەدٸ" دەپ جازىلعان. بۇعان قوسا, پەكين كوروناۆيرۋس ٷشٸن - اقش ەسكەريلەرٸن, ددسۇ جەتەكشٸسٸنٸڭ "ار-نامىسىنا تيگەنٸ ٷشٸن" فرانتسۋز ساياساتكەرلەرٸن ايىپتاۋعا تىرىسقان.
الايدا بايانداما 24 سەۋٸردە كەشٸگٸپ جارييالاندى. وندا قىتايدىڭ "جالعان اقپارات تاراتۋ بويىنشا عالامدىق كامپانييانىڭ باستاۋىندا تۇرعانى" تۋرالى تۇجىرىم جەنە فرانتسۋز ساياساتكەرلەرٸن ايىپتاۋى تۋرالى بٶلٸك جوعالىپ كەتكەن.
New York Times جازۋىنشا, قۇجاتتىڭ تٷپنۇسقاسىندا "جالعان اقپارات" كامپانيياسىنىڭ ارتىندا رەسەي مەن قىتاي تۇر دەگەن تۇجىرىم جاسالسا, كەشٸگٸپ شىققان باياندامادا ولار "ٶزگەلەرمەن" ارالاسىپ كەتكەن.
ەۋروپا ٷكٸمەتتەرٸ اراسىندا تاراعان ٸشكٸ بايانداماداعى مەلٸمەتكە سەيكەس, "تٷرلٸ ٷكٸمەتتەگٸ رەسمي جەنە مەملەكەت قولدايتىن دەرەككٶزدەر (ونىڭ ٸشٸندە رەسەي مەن قىتاي دا بار) ەۋرووداق پەن ودان تىس اۋماقتا كوروناۆيرۋس ٸندەتٸ تۋرالى كونسپيرولوگييالىق ەڭگٸمەلەر مەن جالعان اقپاراتتى كەڭٸنەن تاراتقان.
New York Times جەنە Reuters جازۋىنشا, ەۋروپا شەنەۋنٸكتەرٸن باياندامانى كەشٸكتٸردٸ, ٶزگەرتتٸ دەپ ايىپتاعان ماقالالار كٶپتەگەن دەرەككٶزدەرگە, ٸشكٸ قۇجاتتارعا سٷيەنٸپ جازىلعان.
