دەنساۋلىق ساقتاۋ ۆيتسە-مينيسترٸ اجار عينييات جۇمىس ساپارىمەن اقتٶبە وبلىسىندا بولىپ, ٶڭٸردەگٸ بوساندىرۋ قىزمەتٸن كٶرسەتەتٸن مەديتسينالىق ۇيىمداردى تەكسەردٸ, دەپ حابارلايدى "ۇلت اقپارات".
ساپار بارىسىندا ۆيتسە-مينيستر اقتٶبە وبلىستىق پەريناتالدىق ورتالىعىنىڭ جۇمىسىمەن تانىستى.
نىسان 1977 جىلى پايدالانۋعا بەرٸلگەن جەنە 155 تٶسەك-ورىنعا لايىقتالعان.
مۇندا 6 تٶسەكتٸك ەرەسەكتەر رەانيماتسيياسى مەن 85 تٶسەكتٸك بوساندىرۋ بٶلٸمشەسٸ جىل سايىن 7000-عا تارتا ەيەلدٸ بوساندىرىپ, 1500-گە جۋىق وپەراتسييا جاساۋعا مٷمكٸندٸك بەرٸپ وتىر.
سونداي-اق, 20 تٶسەكتٸك پاتولوگييا, 10 تٶسەكتٸك لاپاروسكوپييالىق تۇراقتاعى گينەكولوگييالىق, 6 تٶسەكتٸك بالالار رەانيماتسيياسىمەن 30 تٶسەكتٸك جاڭا تۋعان نەرەستەلەر پاتولوگيياسى بٶلٸمشەلەرٸ بار.
قوسىمشا قىزمەتتەر جۇمىس ٸستەيدٸ: بيوحيمييالىق جەنە كلينيكالىق زەرتحانا, دەرٸحانا, فليۋوروگرافييالىق جەنە رەنتگەنولوگييالىق كابينەت, ۋدز جەنە كتگ, ەكگ فۋنكتسيونالدىق كابينەتتەرٸ, دەزينفەكتسييالىق كامەرا, كٸر جۋاتىن ورىن جەنە اس ٷي.
ەكٸنشٸ عيماراتتا ەكۇ, ماممولوگييالىق جەنە مەديتسينالىق-گەنەتيكالىق ورتالىقتارى بار وبلىستىق پەريناتالدىق ورتالىقتىڭ كونسۋلتاتسييالىق-دياگنوستيكالىق بٶلٸمشەسٸ جەنە «فيلادەلفييا» اپپاراتى مەن يفت دياگنوستيكاسى بار گەنەتيكالىق سكرينينگتەر ٶتكٸزۋگە ارنالعان زەرتحانا ورنالاسقان.
«بارلىق رەانيماتسييا جەنە پاتولوگييا بٶلٸمشەلەرٸنە ورتالىقتاندىرىلعان وتتەگٸ كومپرەسسورىنىڭ جوقتىعىنا قاراماستان, وتتەگٸمەن قامتاماسىز ەتۋ جٷرگٸزٸلەدٸ. بارلىق بالالار رەانيماتسيياسى زاماناۋي كلاسستاعى كيۋۆەزدەرمەن جەنە ٶجج اپپاراتىمەن جابدىقتالعان. بارلىق مەديتسينالىق جابدىقتار رەانيماتسييالىق كٶمەك كٶرسەتۋ ۋاقىتىن ەدەۋٸر قىسقارتۋعا, دەرٸ-دەرمەكتٸڭ ەنگٸزٸلۋٸن ٷنەمٸ باقىلاۋعا جەنە ناۋقاستار جاعدايىنىڭ وبەكتيۆتٸ پارامەترلەرٸن باقىلاۋعا مٷمكٸندٸك بەرەدٸ», - دەدٸ ورتالىق ديرەكتورى اسحات بالىقوۆ.
سونىمەن قاتار, ول اعىمداعى جىلى ورتالىق جاڭا زاماناۋي عيماراتقا كٶشۋدٸ جوسپارلاپ وتىرعانىن اتاپ ٶتتٸ, ٶيتكەنٸ قولدانىستاعى عيمارات «قاۋٸپسٸز انا» ستاندارتتارىنا ساي كەلمەيدٸ, سونداي-اق مۇندا قوسىمشا كٸرمە جولدار مەن گاز تسيستەرنالارى جوق.
«دەنساۋلىق ساقتاۋ مينيسترلٸگٸ ەكٸمدٸكتەرمەن جەنە كەسٸبي قوعامداستىقپەن بٸرلەسٸپ, جاقىن ارادا بارلىق دەنساۋلىق ساقتاۋ ۇيىمدارىنا تٷگەندەۋ جٷرگٸزەدٸ. ولاردى بارلىق قاجەتتٸ جابدىقتارمەن جەنە دەرٸ-دەرمەكپەن جابدىقتاۋ بويىنشا شارالار قابىلدانادى», - دەدٸ ا.عينييات.
سونىمەن قاتار, ول «اقتٶبە مەديتسينالىق ورتالىعى» مپك بالالار ستاتسيونارىندا بولدى.
اۋرۋحانا 2010 جىلى پايدالانۋعا بەرٸلگەن, مۇندا 89 دەرٸگەر, 178 مەدبيكە جەنە 132 سانيتار جۇمىس ٸستەيدٸ.
مەديتسينا قىزمەتكەرلەرٸنٸڭ 70% جەنە مەدبيكەلەردٸڭ 60% بٸلٸكتٸلٸك ساناتى بار.
جىل سايىن ستاتسيوناردا قالا, وبلىس جەنە باتىس قازاقستان ٶڭٸرٸنەن 11-12 000 ناۋقاس بالا ەمدەلەدٸ.
كوروناۆيرۋس پاندەميياسى كەزەڭٸندە امو بازاسىندا 25 تٶسەكتٸك بالالار پروۆيزورلىق بٶلٸمشەسٸ جەنە ستاتسيوناردىڭ ەكٸمشٸلٸك كورپۋسىندا 100 تٶسەكتٸك ەرەسەك پروۆيزورلىق بٶلٸمشە, ونىڭ ٸشٸندە 50 تٶسەكتٸك رەانيماتسييالىق بٶلٸمشە اشىلدى.
بالالار پروۆيزورلىق بٶلٸمشەسٸ ٷشٸن اۋرۋحانا شتاتىندا بارلىق بەيٸندەگٸ ماماندار بار.
ەرەسەك پروۆيزورلىق بٶلٸمشەسٸنٸڭ دەرٸگەرلٸك شتاتتارى وبلىستىق جۇقپالى اۋرۋلار اۋرۋحاناسىنىڭ شتاتتارىنان كٶزدەلگەن.
كوروناۆيرۋس ينفەكتسيياسىنىڭ ەكٸنشٸ تولقىنىنا دايىندىق اياسىندا اۋرۋحانا رەانيماتسييالىق تٶسەكتەردٸڭ ەر پالاتاسىنا وتتەگٸ مەن ۆاكۋۋمدى ورتالىقتاندىرىلعان جەتكٸزۋمەن جابدىقتالدى.
16 وتتەگٸ كونتسەنتراتورى ورناتىلدى, 10 كارديوماگنيت جەنە 10 پۋلسوكسيمەتر ساتىپ الىندى.
بۇدان باسقا, ەرەسەك پروۆيزورلىق بٶلٸمشەنٸڭ 50 تٶسەگٸ ٷشٸن 50 ٶجج اپپاراتىن, قوسىمشا 34 وتتەگٸ كونتسەنتراتورىن, 40 كارديومونيتور جەنە ەرەسەكتەردٸڭ پروۆيزورلىق بٶلٸمشەسٸ ٷشٸن 40 پۋلسوكسيمەتر ساتىپ الۋعا ٶتٸنٸمدەر بەرٸلدٸ.
سونىمەن قاتار, اۋرۋحانادا جالعىز كت جەنە مرت اپپاراتتارى جۇمىس ٸستەمەي تۇر.
ا. عينييات جۇمىس ساپارىنىڭ بٸرٸنشٸ كٷنٸن 135 تٶسەكتٸك وبلىستىق كلينيكالىق جۇقپالى اۋرۋلار اۋرۋxاناسىنا بارۋمەن اياقتادى.
اۋرۋحانا جەكە قورعانىس قۇرالدارىمەن تولىق قامتاماسىز ەتٸلگەن.
