Densaýlyq saqtaý vitse-ministri Ajar Ǵiniiat jumys saparymen Aqtóbe oblysynda bolyp, óńirdegi bosandyrý qyzmetin kórsetetin meditsinalyq uiymdardy tekserdi, dep habarlaidy "Ult aqparat".
Sapar barysynda vitse-ministr Aqtóbe oblystyq perinataldyq ortalyǵynyń jumysymen tanysty.
Nysan 1977 jyly paidalanýǵa berilgen jáne 155 tósek-orynǵa laiyqtalǵan.
Munda 6 tósektik eresekter reanimatsiiasy men 85 tósektik bosandyrý bólimshesi jyl saiyn 7000-ǵa tarta áieldi bosandyryp, 1500-ge jýyq operatsiia jasaýǵa múmkindik berip otyr.
Sondai-aq, 20 tósektik patologiia, 10 tósektik laparoskopiialyq turaqtaǵy ginekologiialyq, 6 tósektik balalar reanimatsiiasymen 30 tósektik jańa týǵan náresteler patologiiasy bólimsheleri bar.
Qosymsha qyzmetter jumys isteidi: biohimiialyq jáne klinikalyq zerthana, dárihana, fliýorografiialyq jáne rentgenologiialyq kabinet, ÝDZ jáne KTG, EKG fýnktsionaldyq kabinetteri, dezinfektsiialyq kamera, kir jýatyn oryn jáne as úi.
Ekinshi ǵimaratta EKU, mammologiialyq jáne meditsinalyq-genetikalyq ortalyqtary bar oblystyq perinataldyq ortalyqtyń konsýltatsiialyq-diagnostikalyq bólimshesi jáne «Filadelfiia» apparaty men IFT diagnostikasy bar genetikalyq skriningter ótkizýge arnalǵan zerthana ornalasqan.
«Barlyq reanimatsiia jáne patologiia bólimshelerine ortalyqtandyrylǵan ottegi kompressorynyń joqtyǵyna qaramastan, ottegimen qamtamasyz etý júrgiziledi. Barlyq balalar reanimatsiiasy zamanaýi klasstaǵy kiývezdermen jáne ÓJJ apparatymen jabdyqtalǵan. Barlyq meditsinalyq jabdyqtar reanimatsiialyq kómek kórsetý ýaqytyn edáýir qysqartýǵa, dári-dármektiń engizilýin únemi baqylaýǵa jáne naýqastar jaǵdaiynyń obektivti parametrlerin baqylaýǵa múmkindik beredi», - dedi ortalyq direktory Ashat Balyqov.
Sonymen qatar, ol aǵymdaǵy jyly ortalyq jańa zamanaýi ǵimaratqa kóshýdi josparlap otyrǵanyn atap ótti, óitkeni qoldanystaǵy ǵimarat «Qaýipsiz ana» standarttaryna sai kelmeidi, sondai-aq munda qosymsha kirme joldar men gaz tsisternalary joq.
«Densaýlyq saqtaý ministrligi ákimdiktermen jáne kásibi qoǵamdastyqpen birlesip, jaqyn arada barlyq densaýlyq saqtaý uiymdaryna túgendeý júrgizedi. Olardy barlyq qajetti jabdyqtarmen jáne dári-dármekpen jabdyqtaý boiynsha sharalar qabyldanady», - dedi A.Ǵiniiat.
Sonymen qatar, ol «Aqtóbe meditsinalyq ortalyǵy» MPK balalar statsionarynda boldy.
Aýrýhana 2010 jyly paidalanýǵa berilgen, munda 89 dáriger, 178 medbike jáne 132 sanitar jumys isteidi.
Meditsina qyzmetkerleriniń 70% jáne medbikelerdiń 60% biliktilik sanaty bar.
Jyl saiyn statsionarda qala, oblys jáne Batys Qazaqstan óńirinen 11-12 000 naýqas bala emdeledi.
Koronavirýs pandemiiasy kezeńinde AMO bazasynda 25 tósektik balalar provizorlyq bólimshesi jáne statsionardyń ákimshilik korpýsynda 100 tósektik eresek provizorlyq bólimshe, onyń ishinde 50 tósektik reanimatsiialyq bólimshe ashyldy.
Balalar provizorlyq bólimshesi úshin aýrýhana shtatynda barlyq beiindegi mamandar bar.
Eresek provizorlyq bólimshesiniń dárigerlik shtattary oblystyq juqpaly aýrýlar aýrýhanasynyń shtattarynan kózdelgen.
Koronavirýs infektsiiasynyń ekinshi tolqynyna daiyndyq aiasynda aýrýhana reanimatsiialyq tósekterdiń ár palatasyna ottegi men vakýýmdy ortalyqtandyrylǵan jetkizýmen jabdyqtaldy.
16 ottegi kontsentratory ornatyldy, 10 kardiomagnit jáne 10 pýlsoksimetr satyp alyndy.
Budan basqa, eresek provizorlyq bólimsheniń 50 tósegi úshin 50 ÓJJ apparatyn, qosymsha 34 ottegi kontsentratoryn, 40 kardiomonitor jáne eresekterdiń provizorlyq bólimshesi úshin 40 pýlsoksimetr satyp alýǵa ótinimder berildi.
Sonymen qatar, aýrýhanada jalǵyz KT jáne MRT apparattary jumys istemei tur.
A. Ǵiniiat jumys saparynyń birinshi kúnin 135 tósektik oblystyq klinikalyq juqpaly aýrýlar aýrýxanasyna barýmen aiaqtady.
Aýrýhana jeke qorǵanys quraldarymen tolyq qamtamasyz etilgen.
