Qaraǵandyda meditsinalyq ýniversitettiń Úndistan azamaty bolǵan stýdenti jataqhana terezesinen qulap, kóz jumdy. Qaiǵyly oqiǵa 17 naýryz kúni bolǵany aitylǵan. Stýdenttiń denesi keiin óz eline jetkizilgen, dep habarlaidy ult.kz.
Áleýmettik jeliler men Telegram arnalarynda taraǵan málimetterge sáikes, marqum 21 jasta bolǵan jáne meditsinalyq ýniversitettiń halyqaralyq meditsina fakýltetiniń sońǵy kýrsynda oqyǵan. Ol jataqhananyń besinshi qabatyndaǵy bólmeden qulap ketkeni habarlanǵan.
Atalǵan jaǵdai boiynsha ýniversitet te, quqyq qorǵaý organdary da stýdenttiń azamattyǵyn resmi túrde ashyp aitpaǵan.
Qaraǵandy oblystyq politsiia departamentiniń habarlaýynsha, oqiǵa boiynsha sotqa deiingi tergeý júrgizilgen, barlyq qajetti saraptamalar jasalǵan. Jinalǵan materialdar negizinde qylmystyq is toqtatylǵan.
— Tergeý aiasynda barlyq qajetti tergeý amaldary júrgizildi. Saraptama qorytyndylary negizinde qylmystyq is toqtatyldy, — delingen resmi habarlamada.
Halyqaralyq meditsina fakýltetiniń ókilderi de qaiǵyly jaǵdaidyń naýryz aiynda bolǵanyn rastady.
— Ol jataqhananyń 5-qabatyndaǵy terezeden qulap ketken. Alǵan jaraqat saldarynan kóz jumdy. Ýniversitette býlling faktileri tirkelgen joq, psihologiialyq ahýal qalypty, — dedi oqý ornynyń ókili.
