ازات پەرۋاشەۆ پرەزيدەنتتٸڭ جولداۋىنا دەيەكسٶز كەلتٸرە وتىرىپ, شەنەۋنٸكتەردٸڭ بەرگەن تٷسٸندٸرمەلەرٸن «سىلتاۋ» دەپ اتادى جەنە ٶرت سٶندٸرۋشٸلەردٸڭ ەرلٸكتەرٸن بٷركەمەلەگەن بيۋروكراتتاردىڭ جاۋاپكەرشٸلٸگٸ مەسەلەسٸن كٶتەردٸ.
ەلٸمٸزدەگٸ ٶرت قاۋٸپسٸزدٸگٸنٸڭ جاعدايى بويىنشا ٶتكەن «ٷكٸمەتتٸك ساعاتتا» ازات پەرۋاشەۆ شەنەۋنٸكتەردٸڭ ٶز مٸندەتتەرٸن ورىنداۋعا «كەدەرگٸ» كەلتٸرەتٸن زاڭدار جٶنٸندە بەرگەن تٷسٸندٸرمەلەرٸن «سىنىققا سىلتاۋ» دەپ اتادى.
«ٶتە ماڭىزدى ەرٸ ٶزەكتٸ تالقىلاۋ بولىپ ٶتتٸ. دەگەنمەن, كەشەگٸ «ارسەلورميتتالدا» شىققان ٶرت جٶنٸندە, 50 ادامنىڭ ٶمٸرٸن جالماعان اقتٶبەدەگٸ ٶرتەنگەن اۆتوبۋسقا قاتىستى جۋىردا اياقتالعان سوت مەسەلەلەرٸ ايتىلماي, تاسادا قالدى.
بٷگٸنگٸ ەڭگٸمەدە نەنٸڭ كٶڭٸلٸمنەن شىقپاعاندىعىن ايتقىم كەلەدٸ. بٸز تاعى دا اتقارۋشى ورگانداردىڭ تاراپىنان ٶزدەرٸن اقتاعان «سىلتاۋلارىنا» كۋە بولىپ وتىرمىز. تاياۋدا عانا ۇلتتىق ەكونوميكا مينيسترلٸگٸ قاۋٸپسٸزدٸك كەڭەسٸندە پرەزيدەنتكە تاريفتٸك جاعداي بويىنشا بايانداپ, ەسەپ بەردٸ. وندا دا زاڭداردى جەلەۋرەتٸپ, ولار تەرتٸپ جٷرگٸزۋگە كەدەرگٸ كەلتٸرٸپ وتىر, امال نەشٸك دەگەن سىڭاي تانىتقان ەدٸ...
كەشٸرٸڭٸز, الايدا وسى زاڭ جوبالارىن كٸم ەنگٸزەدٸ? كٸمدەر ەزٸرلەيدٸ? سٸزدەر, ٶزدەرٸڭٸز ەمەس پە ەدٸڭٸزدەر, قۇرمەتتٸ مينيسترلٸكتەر, ٷكٸمەتتٸڭ اتىنان ەنگٸزٸپ, سول ۇسىنىستارعا ٶزدەرٸڭٸز كەلٸسٸمدەرٸڭٸزدٸ بەرٸپ, دەپۋتاتتاردىڭ الدىنا كەلدٸڭٸزدەر. ەرٸدەن سوڭ, سو كەزدە دەپۋتاتتار تاريفتەر مەن ٶرت قاۋٸپسٸزدٸگٸ جاعدايىنا قاتىستى بٸرتۇتاس پوزيتسييالارىڭىزعا قارسىلىق بٸلدٸرٸپ, پٸكٸر تالاستىرعان بولاتىن», - دەپ اتاپ ٶتتٸ پەرۋاشەۆ.
مەسەلەن, «ازاماتتىق قورعاۋ تۋرالى» زاڭ جوباسىن تالقىلاۋ بارىسىندا دەپۋتاتتاردان 1,5 مىڭنان استام تٷزەتۋلەر كەلٸپ تٷستٸ, ونىڭ 713-ٸ قابىلداندى. الايدا 800-دەن استام ٶرت قاۋٸپسٸزدٸگٸن كٷشەيتۋگە قاتىستى تٷزەتۋلەردٸ ٷكٸمەت قابىلداماي تاستادى.
«سوندىقتان دا مۇنداي سىلتاۋلاردى بٸز قابىلداۋعا تيٸس ەمەسپٸز, - دەپ تٷيٸندەدٸ ول, - ورىن العان جاعدايلار ٷشٸن ٸٸم-نٸڭ تٶتەنشە جاعدايلار جٶنٸندەگٸ كوميتەتٸ ەگجەي-تەگجەيلٸ جاۋاپ بەرۋگە مٸندەتتٸ».
وسى ورايدا, «اق جول» جەتەكشٸسٸ 2016 جىلدىڭ قىركٷيەگٸندە ٸشكٸ ٸستەر مينيسترلٸگٸنە قاۋٸپ-قاتەرٸ جوعارى وبەكتٸلەردٸڭ ٶرت قاۋٸپسٸزدٸگٸنٸڭ قاناعاتتانارلىقسىز جاعدايى جٶنٸندە حات جولداعانىن ەسكە سالدى.
مينيستردٸڭ 24 قازاندا بەرگەن جاۋابىندا مۇنداي جاعداي زاڭنامالىق رەتتەۋدە قالىپتاسقان احۋالعا بايلانىستى تۋىندادى دەلٸنگەن. ارادا 2 جىل ٶتسە دە, قايتادان بۇل مەسەلەنٸ دەل سول سەبەپتەرمەن تٷسٸندٸرٸپ وتىر. ولاي بولسا, وسى ەكٸ جىلدىڭ ٸشٸندە تيٸستٸ ٶزگەرتۋلەردٸ ەزٸرلەپ, ەنگٸزۋگە بولماس پا ەدٸ», - دەپ دەپۋتات بايانداماشىلاردىڭ ايىبىن بەتٸنە باستى.
ازات پەرۋاشەۆ اتالمىش سالاداعى قاۋٸپ-قاتەرلەردٸ باسقارۋداعى امال-تەسٸلدەردٸ قايتا قاراۋ قاجەت دەپ سانايدى: «نەلٸكتەن 140 مىڭنان استام نىسانداردىڭ بٷگٸندە تەك 20%-عا جۋىعى عانا مەملەكەتتٸك باقىلاۋدا, ال قالعان 110 مىڭ عيماراتقا سوندا ەشكٸم جاۋاپتى ەمەس پە? كەمەروۆاداعى وقيعادان كەيٸن, ساۋدا ورتالىقتارىن تەكسەرە باستادى, جارايدى دەلٸك. بٸراق كٶپشٸلٸكتٸڭ جاپپاي جٷرەتٸن جەرٸ سول جەر عانا ما? دەل قازٸر ەرٸپتەستەرٸم زەۋلٸم عيماراتتارداعى ەستەن تاندىرارلىق جاعدايلاردى ايتىپ, بٸلٸم بەرۋ جەنە اۋرۋحانا مەكەمەلەرٸندەگٸ قاۋٸپسٸزدٸك مەسەلەلەرٸن تٸلگە تيەك ەتتٸ...
مٷمكٸن, تەۋەكەلدەردٸ باسقارۋ جٷيەسٸنٸڭ ٶزٸن قايتا قاراۋ كەرەك شىعار: ٶرت قاۋٸپسٸزدٸگٸ جوعارى دەڭگەيدەگٸ وبەكتٸلەرگە بيٸك عيماراتتار مەن مەكتەپتەردٸ قوسا العاندا قانداي نىساندار جاتقىزىلۋى تيٸس».
فراكتسييا جەتەكشٸسٸ ٶرت سٶندٸرۋشٸلەردٸڭ قىزمەتٸنە جەكە توقتالدى: «بٸز ادام ٶمٸرٸن قۇتقاراتىن ٶرت سٶندٸرۋشٸلەردٸڭ ەرلٸگٸ مەن قاھارماندىلىعىنا ەش كٷمەنٸمٸز جوق - ولارعا باسىمىزدى يٸپ, تەك العىسىمىزدى بٸلدٸرەمٸز. مەن ەرٸپتەستەرٸمنٸڭ ولاردىڭ ەلەۋمەتتٸك پاكەتٸن كەڭەيتۋ, جالاقىسىن كٶتەرۋ تۋرالى ايتقان سٶزدەرٸن تولىعىمەن قۇپتايمىن.
ەيتسە دە, ەكٸنشٸ جاعىنان مەن ولاردىڭ ار جاعىندا جاسىرىن تۇرعان ادامداردىڭ دا جاۋاپكەرشٸلٸگٸ مەسەلەسٸن كٶتەرگٸم كەلەدٸ. ٶيتكەنٸ, شەنەۋنٸكتەردٸڭ دەڭگەيٸندە بٸز كٶبٸنەسە قاعازباستىلىق پەن جاۋاپسىزدىقتى كٶرەمٸز. ەسەپتە ٷش جىلدا 1400 ادام قايتىس بولدى دەپ كٶرسەتٸلگەن. جاڭا عانا بٸزگە جوبالاۋشىلار مەن قۇرىلىسشىلاردىڭ جاۋاپقا تارتىلعانىن ايتىپ وتىر.
ال, اتالعان وبەكتٸلەردەگٸ تيٸستٸ باقىلاۋ مەن ٶرت قاۋٸپسٸزدٸگٸنٸڭ دەڭگەيٸن قامتاماسىز ەتە الماعان لاۋازىمدى تۇلعالاردان كٸمدەر جاۋاپقا تارتىلدى? ناقتى ستاتيستيكانى كەلتٸرٸڭٸز, سول نىسانداردى قاداعالاپ, تەكسەرگەن بە, نۇسقامالار جازىلىپ بەرٸلگەن بە, يا بولماسا كٸنەرات-كەمشٸلٸكتەردٸ جويۋعا ەرەكەتتەنگەن بە? سوندا ٶرت سٶندٸرۋ قىزمەتٸندەگٸ شەنەۋنٸكتەرٸنٸڭ جاۋاپكەرشٸلٸگٸ قايدا قالدى?».
تۋىنداۋى ىقتيمال كەلٸسپەۋشٸلٸكتەردٸڭ الدىن الىپ, ازات پەرۋاشەۆ: «بٸز بيزنەسكە ٷنەمٸ كٶمەكتەسەمٸز, بٸراق ادام, ونىڭ قۇقىعى مەن دەنساۋلىعى بەرٸنەن ماڭىزدى. جالپى, بيزنەس تەك قانا جەكە پايداسىن ويلاماي, مەملەكەتپەن بٸرلەسە وتىرىپ, بٸزدٸڭ ازاماتتارىمىزدىڭ قاۋٸپسٸزدٸگٸ مەن جايلىلىعىن قامتاماسىز ەتۋٸ تيٸس» دەپ, پرەزيدەنتتٸڭ جولداۋىنان دەيەكسٶز كەلتٸرٸپ ٶتتٸ.
