فوتو: مۇستافا تٸلەۋحان
قازاق اۆتورلىق كينوسى تاعى بٸر جاڭا تۋىندىمەن تولىقتى. ەيەل تاعدىرىنا ارنالعان «اقجەلەڭ» كٶركەم فيلمٸنٸڭ تٷسٸرٸلٸم جۇمىستارى جٷرٸپ جاتىر.
فيلم مەدەنيەت جەنە اقپارات مينيسترلٸگٸنٸڭ تاپسىرىسى بويىنشا جەنە ۇلتتىق كينونى قولداۋ مەملەكەتتٸك ورتالىعىنىڭ قولداۋىمەن «AR production» پروديۋسەرلٸك ورتالىعىنىڭ قاتىسۋىمەن تٷسٸرٸلٸپ جاتىر.
فيلمنٸڭ رەجيسسەرٸ – بەكزات سمادييار بۇل تۋىندىسىندا تەرەڭ ەلەۋمەتتٸك-پسيحولوگييالىق استارعا قۇرىلعان, ۇلتتىق بولمىستى باستى ارقاۋ ەتكەن كينو جاساۋعا تالپىنعان.
فوتو: مۇستافا تٸلەۋحان
رەجيسسەردٸڭ ايتۋىنشا:
«اقجەلەڭ» جوباسىنىڭ ماقساتى – اۆتورلىق ينتەللەكتۋالدىق باعىتتاعى, ەلەۋمەتتٸك-پسيحولوگييالىق استارى بار ۇلتتىق فيلم جاساۋ. بٸز كەيٸپكەرلەردٸڭ بولمىسىن اشۋدا ۇلتتىق مەنتالدىق قۇندىلىقتار تۇرعىسىنان ٸزدەندٸك. سونداي-اق, سيۋجەتتٸك جەلٸنٸ قۇراستىرۋدا بارلىق ەلەم حالىقتارىنا تٷسٸنٸكتٸ ورتاق مەسەلەلەردٸ قامتۋعا تىرىستىق. سەبەبٸ, ەيەل تاقىرىبى – ادامزاتقا ورتاق تاقىرىپ. "اقجەلەڭ» – دومبىرا كٷيلەرٸندە قالىپتاسقان مەكتەپ. ەيەل تاعدىرىن, مۇڭ-شەرٸن, قۋانىش-قايعىسىن ارقاۋ ەتكەن كٷيلەر وسىلاي اتالدى. بٸز دە قازٸرگٸ قازاق ەيەلدەرٸنٸڭ «اقجەلەڭٸن» شەرتكٸمٸز كەلدٸ», – دەيدٸ رەجيسسەر بەكزات سمادييار.
فيلمنٸڭ باس كەيٸپكەرٸ – جامالدىڭ رٶلٸن اكتريسا اقكەنجە ەلٸمجان, ال رٷستەمنٸڭ رٶلٸن ەليحان لەپەسباەۆ سومدايدى. وپەراتور – ەركٸنبەك پٸتٸرەليەۆ, قويۋشى سۋرەتشٸ – سەبيت قۇرمانبەك.
«اقجەلەڭ» – ەيەل بولمىسى مەن تاعدىرى ارقىلى قوعامداعى تەرەڭ ەلەۋمەتتٸك قاباتتاردى قوزعايتىن فيلم. ۇلتتىق دٷنيەتانىمدى جاڭاشا قىرىنان اشۋعا تىرىسقان بۇل كارتينا – قازٸرگٸ قازاق ەيەلٸنٸڭ ٸشكٸ ەلەمٸن, ونىڭ كٷرەسٸن, ٷمٸتٸ مەن مۇڭىن سۋرەتتەيتٸن ەموتسيونالدى ەرٸ ەستەتيكالىق دٷنيە.
ايتا كەتەيٸك, فيلمنٸڭ تٷسٸرٸلٸم جۇمىستارى تولىق اياقتالعان سوڭ, الداعى ۋاقىتتا مونتاج جۇمىستارى جالعاسادى.
