بەلگٸلٸ قازاقستاندىق ساياساتتانۋشى ايدوس سارىم مەملەكەت باسشىسى نۇرسۇلتان نازارباەۆتىڭ جارييالاعان بەس ەلەۋمەتتٸك باستاماسى تۋرالى پٸكٸرٸن بٸلدٸردٸ, دەپ حابارلايدى «قازاقپارات» تٸلشٸسٸ.
«بۇل - ەلٸمٸزدە جەنە ەلەمدە بولىپ جاتقان وقيعالارعا بەرٸلگەن, ەڭ الدىمەن ەلەۋمەتتٸك مازمۇنى بار كەشەندٸ جاۋاپ. قازاقستان جۇمىس ورىندارىن اشۋ مٷمكٸندٸگٸ كٷردەلٸ مەملەكەت. وسى جاعدايدا استانانى گازداندىرۋ مەن ونى ارى قاراي باسقا ٶڭٸرلەرگە ۇزارتۋ «ەكسپو» كٶرمەسٸنەن سالىستىرۋعا بولاتىنداي جوبالاردىڭ بٸرٸ بولىپ تابىلادى. بۇل - جاڭا جۇمىس ورىندارى مەن جاڭا ينۆەستيتسييالار. گاز قۇبىرلارىنىڭ باعدارىنداعى كٶپتەگەن تۇرعىلىقتى ەلدٸ مەكەندەر ٶزٸنٸڭ ەلەۋمەتتٸك-ەكونوميكالىق كٶرسەتكٸشتەرٸن جاقسارتا الادى», - دەپ پٸكٸرٸن بٸلدٸردٸ ايدوس سارىم.
ساياساتتانۋشى ٶز سٶزٸندە گازداندىرۋ جوباسى ەلوردا تۇرعىندارى مەن استانانىڭ جالپى ەكونوميكاسى ٷشٸن اۋقىمدى ٸلگەرٸلەۋشٸلٸك بولاتىنىنا سەنٸم بٸلدٸردٸ.
«قولجەتٸمدٸ باسپانا تۋرالى ايتىلۋدىڭ ماڭىزى ودان كەم ەمەس. يپوتەكالىق باعالاردىڭ تٶمەندەۋٸ, ولاردىڭ بٸر دەڭگەيدە بەلگٸلەنۋٸ, ۇزارتىلۋى - وسى ۇسىنىس پاكەتتەرٸنٸڭ ٸشٸندەگٸ ەڭ ماڭىزدى قادام دەپ ايتۋعا بولادى. بۇل ايقىندىلىققا, جاڭادان ٶمٸر باستاپ كەلە جاتقان جاس وتباسىلارعا جوسپارلاي بٸلۋگە جول اشادى», - دەدٸ ساياساتتانۋشى.
ونىڭ ايتۋىنشا, پرەزيدەنتتٸڭ باستامالارى ەكونوميكانى ساۋىقتىرۋعا باعىتتالعان.
«بۇل باستامالاردى جٷزەگە اسىرۋ ٷشٸن ٷكٸمەت قارجىلاندىرۋدىڭ مەحانيزمدەرٸ مەن قاينار كٶزدەرٸ بويىنشا جۇمىستى ايقىندايتىن بولادى. سول كەزدە تەرەڭٸرەك ايتۋعا بولار. بٸراق, جالپى بۇل باستامالار جٷزەگە اسىرىلسا, كەلەشەكتە ەل ەكونوميكاسىنىڭ ٶسٸمٸنە وڭ سەرپٸن بەرەدٸ», - دەپ تٷيدٸ ايدوس سارىم.
