اۋىلدىق اۋرۋحانالار ٷشٸن 9,5 ملرد تەڭگەگە دەرٸلٸك زاتتار جەنە مەديتسينالىق بۇيىمدار ساتىپ الىندى. بۇل جايىندا سەنات دەپۋاتتارىنىڭ رەسمي ساۋالىنا وراي قر پرەمەر-مينيسترٸ اسقار ماميننٸڭ بەرگەن جاۋابىندا ايتىلعان, دەپ حابارلايدى قازاقپارات.
ٷكٸمەت باسشىسىنىڭ اتاپ ٶتۋٸنشە, «حالىق دەنساۋلىعى جەنە دەنساۋلىق ساقتاۋ جٷيەسٸ تۋرالى» كودەكستٸڭ 233-بابى 6-تارماعىنا سەيكەس اۋدان ورتالىعىنان شالعايداعى, دەرٸحانالار جوق ەلدٸ مەكەندەردە دەرٸلٸك زاتتار مەن مەديتسينالىق بۇيىمداردى ٶتكٸزۋ مەديتسينالىق-سانيتارلىق العاشقى كٶمەك كٶرسەتەتٸن دەنساۋلىق ساقتاۋ ۇيىمدارىنداعى جەنە جىلجىمالى دەرٸحانا پۋنكتتەرٸ ارقىلى جٷزەگە اسىرىلادى.
«ٶڭٸرلەر مەلٸمدەگەن قاجەتتٸلٸككە سەيكەس امبۋلاتورلىق دەرٸ-دەرمەكپەن قامتاماسىز ەتۋ ٷشٸن «سك-فارماتسييا» جشس 542 دەرٸلٸك زاتتار جەنە مەديتسينالىق بۇيىمدار اتاۋىن 116,6 ملرد تەڭگەگە, ونىڭ ٸشٸندە اۋىل تۇرعىندارى ٷشٸن – 30,7 ملرد تەڭگە, ستاتسيونارلىق دەڭگەي ٷشٸن – دەرٸلٸك زاتتار جەنە مەديتسينالىق بۇيىمداردىڭ 1 018 اتاۋىن 110,6 ملرد تەڭگە سوماسىنا, ونىڭ ٸشٸندە اۋىلدىق اۋرۋحانالار ٷشٸن 9,5 ملرد تەڭگە سوماسىنا ساتىپ الدى», - دەدٸ اسقار مامين.
پرەمەر-مينيستردٸڭ ايتۋىنشا, اۋىلدىق ەلدٸ مەكەندەردٸ دەرٸلٸك زاتتارمەن, مەديتسينالىق بۇيىمدارمەن قامتاماسىز ەتۋ مونيتورينگٸ, دەنساۋلىق ساقتاۋ ۇيىمدارىن ماتەريالدىق-تەحنيكالىق جاراقتاندىرۋ قازاقستان رەسپۋبليكاسىنىڭ اۋماعىندا كوروناۆيرۋستىق ينفەكتسييانىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييا دەڭگەيٸندە جٷرگٸزٸلەدٸ.
