ۇلتتىق قوعامدىق سەنٸم كەڭەسٸنٸڭ مٷشەسٸ, «قازاق ەدەبيەتٸ» گازەتٸنٸڭ باس رەداكتورى دەۋرەن قۋات جەر مەسەلەسٸنە قاتىستى پٸكٸر بٸلدٸردٸ, دەپ حابارلايدى قازاقپارات.
«جەر – ۇلتتىڭ, مەملەكەتتٸڭ مەنشٸگٸ. بٸر مەملەكەت ەكٸنشٸ مەملەكەتكە جەرٸن ساتپايدى. جەردٸ سوعىس جاعدايىندا تارتىپ الۋ عانا مٷمكٸن. بەيبٸت تٷردە, كومەرتسييالىق ماقساتتا جەر ساتۋ دەگەن بولمايدى. جەردٸ ساتۋ – اقىماقتىق, ال قازاق اقىماق ەمەس. جەردٸ ەل يگٸلٸگٸنە پايدالانا بٸلۋ كەرەك. ول ٷشٸن اۋىل شارۋاشىلىعىندا جۇمىس ٸستەپ جاتقان ادامدارعا مەملەكەت تاراپىنان قولداۋ قاجەت, ولارعا ارنالعان مەملەكەتتٸك باعدارلامالار بولۋى كەرەك», - دەيدٸ «قازاق ەدەبيەتٸ» گازەتٸنٸڭ باس رەداكتورى دەۋرەن قۋات.
ول قازٸرگٸ ۋاقىتتا جەردٸ يگەرۋدٸڭ, ٶڭدەۋدٸڭ جاڭا تەحنولوگيياسى كٶپ ەكەنٸن ايتتى.
«وسى تۇرعىدا باسقا مەملەكەتتەرمەن تەجٸريبە الماسىپ كٶرۋ كەرەك. جاڭا تەحنولوگييانى مەڭگەرۋ ارقىلى جەردٸ يگٸلٸگٸمٸزگە جاراتا بٸلۋ كەرەك. ال جەردٸ ساتۋ – ساتقىندىق. بارلىق مەملەكەت باسشىلارى جەر ٷشٸن سوعىسقان, بٸراق ساتپاعان», - دەيدٸ ول.
ەسكە سالا كەتسەك, قر پرەزيدەنتٸ قاسىم-جومارت توقاەۆ قازاقستان حالقىنا جولداۋىندا جەرٸمٸز شەتەلدٸكتەرگە ساتىلمايتىنىن ايتقان بولاتىن.
«كەلەسٸ جىلى اۋىل شارۋاشىلىعى ماقساتىنداعى جەرلەردە پايدالانۋ مەسەلەسٸ بويىنشا جەر كودەكسٸنٸڭ كەيبٸر نورمالارىنا ەنگٸزٸلگەن موراتوريي كٷشٸن جويادى. جەرٸمٸز شەتەلدٸكتەرگە ساتىلمايدى», - دەدٸ مەملەكەت باسشىسى.
