كوللاج: ۆيدەودان كادر/ gov.kz
اتىراۋ وبلىسىندا اۋدان ەكٸمٸنٸڭ ەيەلٸ تۇرمىستىق زورلىق-زومبىلىققا ۇشىراعانىن جەتكٸزدٸ, دەپ حابارلايدى "ۇلت اقپارات" Kazinform-عا سٸلتەمە جاساپ.
ەيەلدٸڭ ايتۋىنشا, كٷيەۋٸ وعان بٸرنەشە رەت قول كٶتەرگەن. زەبٸر كٶرگەن ەيەلدٸڭ ۆيدەوسى ەلەۋمەتتٸك جەلٸدە تارادى.
«بٸرگە تۇرعان 11 جىلدىڭ ٸشٸندە بالالارىمىزدىڭ كٶزٸنشە ۇردى. مەسەلەن, 2021 جىلى تاڭعى ساعات 04:00-تە ماس كٷيدە مەنٸ بالالاردىڭ كٶزٸنشە ۇرىپ, بەتٸمە جاراقات سالدى. وسىدان كەيٸن امالسىز جەدەل جەردەم مەن پوليتسييا شاقىرۋعا مەجبٷر بولدىم. بالالارىمىز ٷشٸن شاعىمىمدى قايتىپ الۋىمدى سۇرادى. بۇل جاعداي 2023 جىلعى 31 مامىردا تاعى قايتالاندى. تاعى دا بالالاردىڭ كٶزٸنشە مەنٸ تەۋٸپ, ۇرىپ-سوقتى. مەنٸ مٷگەدەك قىلامىن دەپ قورقىتتى. ومىرتقام سىنىپ, بٸر اي جٷرە الماي قالدىم. وسى ۋاقىتتا ٶزٸنٸڭ تانىستارىن پايدالانىپ, بالالارىمدى تارتىپ الدى», - دەدٸ زەبٸر كٶرگەن ەيەل.
اتىراۋ وبلىستىق پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, اۋدان ەكٸمٸنە قاتىستى قىلمىستىق ٸس قر قىلمىستىق كودەكسٸنٸڭ 107-بابىنىڭ 2-بٶلٸگٸمەن تەرگەلگەن. قىلمىستىق ٸس اقپان ايىندا سوتقا جٸبەرٸلگەن.
اتىراۋ وبلىسى ەكٸمٸنٸڭ باسپاسٶز قىزمەتٸنەن مەلٸم ەتكەندەي, اۋدان ەكٸمٸنٸڭ بۇرىنعى جۇبايى ەكٸمدٸككە جٷگٸنبەگەن.
«ازاماتشا ا.ٷمبەتقاليەۆا اتىراۋ وبلىسىنىڭ ەكٸمدٸگٸنە جٷگٸنبەگەنٸن حابارلايمىز. تۋىنداعان مەن-جايلارعا بايلانىستى قىزمەتتٸك تەكسەرۋ تاعايىندالدى», - دەپ حابارلادى وبلىس ەكٸمٸنٸڭ باسپاسٶز قىزمەتٸ.
ال اتىراۋ وبلىستىق سوتىنىڭ باسپاسٶز قىزمەتٸ اۋدان ەكٸمٸنە قاتىستى قىلمىستىق ٸستٸڭ قارالىپ جاتقانىن راستادى.
«قىلمىستىق ٸس اتىراۋ قالاسىنىڭ №2 سوتىندا قارالىپ جاتىر. كەلەسٸ سوت وتىرىسى 29 مامىردا ساعات 10:00-دە ٶتەدٸ», - دەپ مەلٸم ەتتٸ وبلىستىق سوتتىڭ باسپاسٶز قىزمەتٸنەن.
