Kollaj: videodan kadr/ gov.kz
Atyraý oblysynda aýdan ákiminiń áieli turmystyq zorlyq-zombylyqqa ushyraǵanyn jetkizdi, dep habarlaidy "Ult aqparat" Kazinform-ǵa silteme jasap.
Áieldiń aitýynsha, kúieýi oǵan birneshe ret qol kótergen. Zábir kórgen áieldiń videosy áleýmettik jelide tarady.
«Birge turǵan 11 jyldyń ishinde balalarymyzdyń kózinshe urdy. Máselen, 2021 jyly tańǵy saǵat 04:00-te mas kúide meni balalardyń kózinshe uryp, betime jaraqat saldy. Osydan keiin amalsyz jedel járdem men politsiia shaqyrýǵa májbúr boldym. Balalarymyz úshin shaǵymymdy qaityp alýymdy surady. Bul jaǵdai 2023 jylǵy 31 mamyrda taǵy qaitalandy. Taǵy da balalardyń kózinshe meni teýip, uryp-soqty. Meni múgedek qylamyn dep qorqytty. Omyrtqam synyp, bir ai júre almai qaldym. Osy ýaqytta óziniń tanystaryn paidalanyp, balalarymdy tartyp aldy», - dedi zábir kórgen áiel.
Atyraý oblystyq Politsiia departamenti baspasóz qyzmetiniń málimetine súiensek, aýdan ákimine qatysty qylmystyq is QR Qylmystyq kodeksiniń 107-babynyń 2-bóligimen tergelgen. Qylmystyq is aqpan aiynda sotqa jiberilgen.
Atyraý oblysy ákiminiń baspasóz qyzmetinen málim etkendei, aýdan ákiminiń burynǵy jubaiy ákimdikke júginbegen.
«Azamatsha A.Úmbetqalieva Atyraý oblysynyń ákimdigine júginbegenin habarlaimyz. Týyndaǵan mán-jailarǵa bailanysty qyzmettik tekserý taǵaiyndaldy», - dep habarlady oblys ákiminiń baspasóz qyzmeti.
Al Atyraý oblystyq sotynyń baspasóz qyzmeti aýdan ákimine qatysty qylmystyq istiń qaralyp jatqanyn rastady.
«Qylmystyq is Atyraý qalasynyń №2 sotynda qaralyp jatyr. Kelesi sot otyrysy 29 mamyrda saǵat 10:00-de ótedi», - dep málim etti oblystyq sottyń baspasóz qyzmetinen.
