اتىراۋدا 13 جىل بٸرگە تۇرعان ەيەلٸن 12 جاسار قىزىنىڭ كٶزٸنشە ٶلتٸرگەن 63 جاستاعى زەينەتكەر 15 جىلعا باس بوستاندىعىنان ايىرىلدى, دەپ حابارلايدى ult.kz.
Kazinform تٸلشٸسٸنٸڭ حابارلاۋىنشا, اتىراۋ وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى ونى قىلمىستىق كودەكستٸڭ 99-بابى 2-بٶلٸگٸ 5-تارماعى («اسا قاتىگەزدٸكپەن ادام ٶلتٸرۋ») بويىنشا كٸنەلٸ دەپ تانىدى. سوت ٷكٸمٸمەن ول جازاسىن قاۋٸپسٸزدٸگٸ ورتاشا قىلمىستىق-اتقارۋ جٷيەسٸ مەكەمەسٸندە ٶتەيدٸ. سونداي-اق سوتتالۋشى مارقۇمنىڭ تۋىسىنا 5 ميلليون تەڭگە كٶلەمٸندە مورالدىق ٶتەماقى تٶلەۋگە مٸندەتتەلدٸ.
قاندى وقيعا بيىل 16 ناۋرىزعا قاراعان تٷنٸ بولعان. تەرگەۋ ماتەريالدارىنا سەيكەس, ەر ادام قىزىنىڭ جانىندا ۇيىقتاپ جاتقان ەيەلٸنە پىشاقپەن 11 رەت سوققى جاساعان. وقيعا كەزٸندە 12 جاستاعى قىزى ەكەسٸنەن پوليتسييا مەن جەدەل جەردەم شاقىرۋدى ٶتٸنگەن.
سوت بارىسىندا سوتتالۋشىنىڭ قىلمىسقا الدىن الا دايىندالعانى انىقتالدى. ول ٷيدەگٸ بەينەباقىلاۋ كامەرالارىن الدىن الا ٶشٸرٸپ تاستاعان.
كٶرشٸلەرٸنٸڭ ايتۋىنشا, مارقۇم كٶزٸ تٸرٸسٸندە كٷيەۋٸنەن قاۋٸپتەنەتٸنٸن, بٸر كٷنٸ ونىڭ قولىنان قازا تابۋى مٷمكٸن ەكەنٸن ايتىپ جٷرگەن. تەرگەۋ مەلٸمەتٸنشە, ەر ادام ەيەلٸن نەگٸزسٸز قىزعانىپ, سونىڭ سالدارىنان قىلمىسقا بارعان.
سوت پروتسەسٸ كەزٸندە ايىپتالۋشى ٶز كٸنەسٸن تولىق مويىنداپ, مارقۇمنىڭ تۋىستارىنان كەشٸرٸم سۇرادى.
قازا بولعان 58 جاستاعى ەيەل اتىراۋ قالاسىنداعى مەكتەپتەردٸڭ بٸرٸندە باستاۋىش سىنىپ مۇعالٸمٸ بولىپ جۇمىس ٸستەگەن. ول ۇزاق جىلدار بٸلٸم بەرۋ سالاسىندا ەڭبەك ەتٸپ, مەكتەپ ديرەكتورىنىڭ ورىنباسارى قىزمەتٸن دە اتقارعان.
