قىرعىز رەسپۋبليكاسىنىڭ پرەزيدەنتٸ المازبەك اتامباەۆ ٶز ساياساتىمەن كەلٸسپەيتٸندەرگە باسقا ەلگە كٶشۋگە كەڭەس بەردٸ, - دەپ جازادى 24.kg. بۇل تۋرالى ول سەنٸم گراموتالارىن تاپىسرۋ كەزٸندە مەلٸمدەدٸ.
"تەۋەلسٸزدٸكتٸ قورعاۋ كەرەك. قىرعىزستان ساياسي تۇراقسىز ەل بولا المايدى. سوڭعى وقيعالار قىرعىزستانعا كٸمنٸڭ جانى اشيتىنىن, ال كٸم ونى ساتىپ كەتۋگە بارىن كٶرسەتتٸ. تەۋەلسٸزدٸك ٷشٸن جانپيدا ەتەمٸز, اتا-بابامىزدىڭ جولىمەن. ال وتانسٷيگٸشتٸك كٸم ٷشٸن قۇر سٶز بولسا, ٶزٸنە جايلى ورىن ٸزدەي بەرسٸن, سول جەردەن اقشاسى مەن قولداۋىن تابار", - دەيدٸ اتامباەۆ.
سونىمەن بٸرگە, ول باۋىرلاس قازاقستانمەن ازاماتتىقتى الۋدىڭ جەڭٸلدەتٸلگەن پروتسەدۋراسى بارىن ايتا كەتتٸ. "مارحابات, جولدارىڭىز اشىق, قۋانا قارسى الار. وندا جەر كٶپ", - دەپ اتاپ ٶتتٸ ول.
ەسكە سالايىق, قىرعىز رەسپۋبليكاسىندا 15 قازاندا پرەزيدەنت سايلاۋى ٶتكەن بولاتىن. بۇل ورىنعا 11 ٷمٸتكەر تالاسقان بولاتىن. ال سايلاۋدا المازبەك اتامباەۆتىڭ ٸزٸن باسۋشى - بۇرىنعى پرەمەر سوورونباي جەەنبەكوۆ جەڭٸپ شىقتى.
