Qyrǵyz Respýblikasynyń prezidenti Almazbek Atambaev óz saiasatymen kelispeitinderge basqa elge kóshýge keńes berdi, - dep jazady 24.kg. Bul týraly ol senim gramotalaryn tapysrý kezinde málimdedi.
"Táýelsizdikti qorǵaý kerek. Qyrǵyzstan saiasi turaqsyz el bola almaidy. Sońǵy oqiǵalar Qyrǵyzstanǵa kimniń jany ashitynyn, al kim ony satyp ketýge baryn kórsetti. Táýelsizdik úshin janpida etemiz, ata-babamyzdyń jolymen. Al otansúigishtik kim úshin qur sóz bolsa, ózine jaily oryn izdei bersin, sol jerden aqshasy men qoldaýyn tabar", - deidi Atambaev.
Sonymen birge, ol baýyrlas Qazaqstanmen azamattyqty alýdyń jeńildetilgen protsedýrasy baryn aita ketti. "Marhabat, joldaryńyz ashyq, qýana qarsy alar. Onda jer kóp", - dep atap ótti ol.
Eske salaiyq, Qyrǵyz Respýblikasynda 15 qazanda prezident sailaýy ótken bolatyn. Bul orynǵa 11 úmitker talasqan bolatyn. Al sailaýda Almazbek Atambaevtyń izin basýshy - burynǵy premer Sooronbai Jeenbekov jeńip shyqty.
