قىرعىز پرەزيدەنتٸ المازبەك اتامباەۆ "قازاق-قىرعىز شەكاراسىنداعى كەيٸنگٸ وقيعالار قىتاي-قىرعىزستان-ٶزبەكستان تەمٸرجول جەلٸسٸن جەدەل ارادا جوبالاپ, سالۋ قاجەتتٸگٸن كٶرسەتتٸ" دەپ مەلٸمدەدٸ. قىرعىز ليدەرٸ "كەيٸنگٸ وقيعالاردىڭ ەۋرازييا ەكونوميكالىق وداعىنان كٶپ ٷمٸت كٷتپەۋ كەرەك ەكەنٸن دە اڭعارتقانىن" ايتتى.
ەاەو-نى سىناپ, رەسەيدٸ ماقتاۋ
قىرعىزستان پرەزيدەنتٸ 2017 جىلى قازاننىڭ 27-سٸ كٷنٸ بٸشكەكتە شەتەلدٸك ەلشٸلەردٸڭ سەنٸم گراموتالارىن قابىلدادى. وسى جيىندا سٶيلەگەن ول ەۋەلٸ ەۋرازييا ەكونوميكا وداعىن (ەاەو) سىناپ, قازاق-قىرعىز شەكاراسىنداعى كەيٸنگٸ وقيعالار "ەاەو-عا تىم ٷلكەن ٷمٸت ارتۋدىڭ قاجەتٸ شامالى ەكەنٸن كٶرسەتتٸ" دەپ مەلٸمدەدٸ.
- مٸنە وسى وقيعالار بٸزگە ەكونوميكالىق دامۋ تۇرعىسىنان ەاەو-عا تىم ٷلكەن ٷمٸت ارتۋدىڭ قاجەتٸ شامالى ەكەنٸن, ٶزٸمٸزدٸ الداماۋىمىز كەرەك ەكەنٸن كٶرسەتتٸ. ٶيتكەنٸ, بٸر ادام ويىنا كەلگەنٸن جاسايتىن وداققا, تٸپتٸ ول ادام ەلەمدەگٸ ەڭ ۇلى ادام بولعان كٷننٸڭ ٶزٸندە ونداي وداققا سەنۋگە بولمايدى, - دەدٸ اتامباەۆ ەلشٸلەر الدىندا.
قىرعىز پرەزيدەنتٸ "كەز كەلگەن وداق ەلدەر اراسىندا جاسالعان شارتتارعا باعىنۋى كەرەك" دەدٸ. المازبەك اتامباەۆ "سوندىقتان, قىرعىزستان ٷكٸمەتٸنە اۋىل شارۋاشىلىعى ٶنٸمدەرٸن ٶتكٸزەتٸن بالاما نارىقتار مەسەلەسٸن جەدەل شەشۋدٸ تاپسىراتىنىن" مەلٸمدەدٸ.
- ەلبەتتە, الىستان ٸزدەۋدٸڭ قاجەتٸ جوق. بۇل - 32 ميلليون حالقى بار ٶزبەكستان مەن بٸر جارىم ميلليارد ادام تۇراتىن قىتاي. ال ٶنەركەسٸپ تاۋارلارىنا قاتىستى ايتسام, ٷكٸمەت پەن كەسٸپكەرلەرگە بۇدان ارى ٶنەركەسٸپ تاۋارلارىن رەسەيگە پلومبا سالىنعان تەمٸرجول ۆاگوندارىمەن جٶنەلتۋگە كەڭەس بەرەمٸن. ٶيتكەنٸ, رەسەي پرەزيدەنتٸ, قۇرمەتتٸ ۆلاديمير پۋتينمەن ارامىزدا سونداي كەلٸسٸم بولعان, - دەدٸ اتامباەۆ.
المازبەك اتامباەۆ قىرعىزستاننىڭ ستراتەگييالىق ەرٸ سەنٸمدٸ ەرٸپتەسٸ "باۋىرلاس رەسەي" بولىپ كەلگەنٸن, بۇدان ارى دا سولاي بولاتىنىن ايتتى.
"قىتايدان ٷندٸ مۇحيتىنا دەيٸن"
مۇنان سوڭ قىرعىزستان پرەزيدەنتٸ "قازاق-قىرعىز شەكاراسىنداعى كەيٸنگٸ وقيعالاردىڭ قىتاي-قىرعىزستان-ٶزبەكستان تەمٸرجول جەلٸسٸن جەدەل جوبالاپ, سالۋ قاجەتتٸگٸن كٶرسەتكەنٸن" ايتتى.
- بٸر جامانشىلىقتىڭ بٸر جاقسىلىعى بار دەگەن. قىرعىز-قازاق شەكاراسىنداعى كەيٸنگٸ وقيعالار قىتاي-قىرعىزستان-ٶزبەكستان تەمٸرجولىن جەدەل جوبالاپ, سالۋ قاجەتتٸگٸن كٶرسەتتٸ, - دەدٸ اتامباەۆ. ونىڭ سٶزٸنە قاراعاندا, "ارى قاراي بۇل جول تٷركٸمەنستان مەن يراندى باسىپ ٶتٸپ, اراب تەڭٸزٸ مەن ٷندٸ مۇحيتىنا شىعادى".
قىرعىزستان پرەزيدەنتٸ المازبەك اتامباەۆ قىرعىز ٷكٸمەتٸنە تەمٸرجولدى جوبالاۋ ماقساتىندا قۇرىلىپ ٷلگەرگەن قىرعىز-قىتاي كەسٸپورنىن جەڭٸلدٸكپەن نەسيەلەندٸرۋ مەسەلەسٸن قاراستىرۋدى ەسكەرتتٸ.
اتامباەۆ بۇل ٷشٸن قىتاي جەنە قىرعىزستاننىڭ بٸرلەسكەن كەسٸپورنىن قۇرۋعا كەڭەس بەردٸ. قىرعىز پرەزيدەنتٸ وعان ٶزبەكستان ۇسىناتىن مەكەمەلەردٸ دە قوسۋ جٶنٸندە ايتىپ:
- اشىق ايتايىن, ٶزبەكستان پرەزيدەنتٸ شاۆكات ميرزيياەۆپەن ونداي كەلٸسٸم بار. تەۋەلسٸزدٸكتٸ قورعاۋ كەرەك. بٸز قاعاز جٷزٸندەگٸ رەسپۋبليكا ەمەسپٸز, بٸز تەۋەلسٸز قىرعىزستانبىز, - دەدٸ.
