استاناداعى بٸر پەتەردە 937 ادام تٸركەلگەن. بٸراق وندا بٸر عانا وتباسى تۇرادى. الماتى وبلىسىندا دا وسىنداي 13 مىڭ فاكتٸ انىقتالدى. بۇل تۋرالى "ۇلت اقپارات" استانا ارناسىنا سٸلتەمە جاساپ حابارلايدى.
استانا قالاسىندا بٸر مەكەنجايدا تىم كٶپ تۇرعىن تٸركەلگەن 924 باسپانا تەكسەرٸلدٸ. ولاردا 35 مىڭداي ادام تٸركەۋدە تۇرعانى ەشكەرە بولدى. ياعني, بٸر عانا پەتەردٸڭ ٶزٸندە 800-دەن استام ادام, ەكٸنشٸسٸندە – 600-دەن استام ازامات, ٷشٸنشٸسٸندە – 400-دەن استام ادام تۇراقتى تٸركەلٸپ, تۇرىپ جاتقان بولىپ شىقتى.
"جاقىندا 35 شارشى مەتر ٷيگە 930 دان استام ميگرانتتاردى تٸركەۋ بويىنشا قىلمىستىق ٸس قوزعالدى. جالعىزباستى انا ميگرانتتاردى تٸركەۋ ارقىلى ولاردان اقشا العان. وسىنداي ەركەتكە بارعانى ٷشٸن قىلمىستىق جاۋاپكەرشٸلٸككە تارتىلادى", – دەيدٸ قالالىق پروكۋراتۋرا باسقارما باستىعىنىڭ ورىنباسارى نۇرسۇلتان قۇداباەۆ.
كٶشٸ-قون قىزمەتٸنٸڭ قىزمەتكەرلەرٸ 40-قا جۋىق حاتتاما جاساپ, ونىڭ ٸشٸندە 6 تەرتٸپ بۇزۋشىنى قايتادان جاۋاپكەرشٸلٸككە تارتقان.تۇرعىن ٷي يەلەرٸنٸڭ ٶتٸنٸشٸ بويىنشا وسى مەكەنجايلاردا تۇرمايتىن, بٸراق تٸركەلگەن قازاقستان رەسپۋبليكاسىنىڭ ازاماتتارى ەسەپتەن شىعارىلدى.
"5 ايدىڭ قورىتىندىسى بويىنشا 1426 ادام ەكٸمشٸلٸك جاۋاپكەرشٸلٸككە تارتىلدى. 3 جىلدان 7 جىلعا دەيٸن باس بوستاندىعىنان ايىرۋ كٶزدەلگەن", – دەيدٸ قالالىق پروكۋراتۋرانىڭ باسقارما تٶراعاسى ايان ابدىناسىروۆ.
ايتا كەتەيٸك, زاڭنامادا بٸر مەكەنجاي بويىنشا تٸركەلگەن ازاماتتاردىڭ سانىنا شەكتەۋلەر قاراستىرىلماعان. دەگەنمەن, تٸركەلگەن ازاماتتار تٸركەلگەن جەرٸندە ناقتى تۇرۋعا مٸندەتتٸ.
