استانادا تٷنگٸ كلۋب ماڭىنداعى تٶبەلەستەن كەيٸن 18 جاستاعى ەدي چۋكەەۆتٸڭ قازا بولۋىنا قاتىستى سوت ٷكٸمٸ شىقتى. ەكٸ سوتتالۋشى 9 جەنە 8 جىل 6 ايعا باس بوستاندىعىنان ايىرىلدى, دەپ حابارلايدى ult.kz.
سوت ٷكٸمٸ 14 تامىزدا جارييالاندى. مەدەت ەبدٸراش پەن ەدٸلحان اياپبەرگەن قىلمىستىق كودەكستٸڭ 106-بابى 3-بٶلٸگٸ بويىنشا كٸنەلٸ دەپ تانىلدى.
“ەۋرازييا” ارناسىنىڭ حابارلاۋىنشا, سوت ماتەريالدارىنا سەيكەس, قايعىلى وقيعا 2025 جىلعى 27 جەلتوقسانعا قاراعان تٷنٸ استاناداعى BHB تٷنگٸ كلۋبىنىڭ ماڭىندا بولعان. الدىمەن اۋىزشا جانجال تۋىنداپ, كەيٸن تٶبەلەسكە ۇلاسقان.
ايىپتاۋ تاراپىنىڭ مەلٸمەتٸنشە, ەدي چۋكەەۆتٸ الدىمەن مەدەت ەبدٸراش ۇرىپ, كەيٸن وعان ەدٸلحان اياپبەرگەن قوسىلعان. 18 جاستاعى جٸگٸت اۋىر جاراقات الىپ, كەيٸن قايتىس بولعان.
سوتتالۋشىلاردىڭ بٸرٸ – بۇرىن ۇلىتاۋ وبلىسىندا قۇقىق قورعاۋ ورگاندارىندا قىزمەت اتقارعان ازامات. وقيعادان كەيٸن ول جۇمىستان شىعارىلعان.
سوت مارقۇمنىڭ وتباسىنىڭ ازاماتتىق تالابىن دا ٸشٸنارا قاناعاتتاندىردى. سوتتالعاندار بٸرلەسٸپ وتباسىعا:
مورالدىق زييان ٷشٸن – 10 ميلليون تەڭگە;
ماتەريالدىق شىعىن رەتٸندە – 1,9 ميلليون تەڭگەدەن استام;
زاڭگەرلٸك قىزمەت اقىسى رەتٸندە – 2 ميلليون تەڭگە تٶلەۋگە مٸندەتتەلدٸ.
بۇدان بٶلەك, ەر سوتتالعان جەبٸرلەنۋشٸلەرگە ٶتەماقى قورىنا 78 640 تەڭگەدەن اۋدارۋى تيٸس. پروتسەسسۋالدىق شىعىندار مەن مەملەكەتتٸك باج دا ٶندٸرٸپ الىنادى.
سوت بارىسىندا كۋەگەرلەردٸڭ ايعاقتارى, بەينەجازبالار, سوت-مەديتسينالىق ساراپتامالاردىڭ قورىتىندىلارى جەنە باسقا دا دەلەلدەر زەرتتەلگەن.
سوت ٷكٸمٸ ەزٸرگە زاڭدى كٷشٸنە ەنگەن جوق.
