استاناداعى «پەكين پالاس» قوناقٷيٸندە قىتاي حالىق رەسپۋبليكاسىنىڭ تٶراعاسى سي تسزينپيننٸڭ «ەل باسقارۋ جٶنٸندە» اتتى كٸتابىنىڭ بەسٸنشٸ تومىنىڭ تۇساۋكەسەرٸ ٶتتٸ. ٸس-شارانى قحر مەملەكەتتٸك كەڭەسٸنٸڭ باسپاسٶز كەڭسەسٸ, قىتاي حالىقارالىق باسپا توبى جەنە قىتايدىڭ قازاقستانداعى ەلشٸلٸگٸ بٸرلەسٸپ ۇيىمداستىردى, دەپ حابارلايدى ult.kz.
جيىندا قازاقستان رەسپۋبليكاسى پرەزيدەنتٸ ەكٸمشٸلٸگٸنٸڭ ٸشكٸ ساياسات بٶلٸمٸنٸڭ مەڭگەرۋشٸسٸ ەلنۇر بەيسەنباەۆ ٶتكەن جىلى كٸتاپتىڭ قازاق تٸلٸنە اۋدارىلعان العاشقى تٶرت تومىنىڭ تانىستىرىلىمى ٶتكەنٸن ەسكە سالىپ, بەسٸنشٸ تومنىڭ جارىق كٶرۋٸ قازاقستان مەن قىتاي اراسىنداعى مەدەني-گۋمانيتارلىق ىنتىماقتاستىقتىڭ جالعاسى ەكەنٸن ايتتى.
ونىڭ سٶزٸنشە, ەڭبەك قىتايدىڭ مەملەكەتتٸك باسقارۋ تەجٸريبەسٸن, ساياسي دامۋ باعىتىن, ۇلتتىق بٸرلٸك پەن تۇراقتىلىقتى قامتاماسىز ەتۋ قاعيداتتارىن, سونداي-اق ۇزاق مەرزٸمدٸ ستراتەگييالىق ماقساتتارىن تەرەڭٸرەك تٷسٸنۋگە مٷمكٸندٸك بەرەدٸ.
"بۇل كٶلەمدٸ كٸتاپ – قىتاي مەملەكەتٸنٸڭ ساياسي دامۋ باعىتىن, مەملەكەتتٸك باسقارۋ تەجٸريبەسٸن, ۇلتتىق بٸرلٸك پەن تۇراقتىلىقتى قامتاماسىز ەتۋ ۇستانىمدارىن, سونداي-اق ۇزاق مەرزٸمدٸ ستراتەگييالىق ماقساتتارىن تەرەڭٸرەك تٷسٸنۋگە ۇمتىلاتىن قازاقستاندىق وقىرماندار ٷشٸن ماڭىزدى ەرٸ قۇندى دەرەككٶز", – دەپ ايتتى ەلنۇر بەيسەنباەۆ.
سونىمەن قاتار ول قازاقستان مەن قىتايدىڭ ستراتەگييالىق ەرٸپتەستٸگٸ بٷگٸندە بارلىق باعىتتا نىعايىپ كەلە جاتقانىن اتاپ ٶتتٸ. ەلنۇر بەيسەنباەۆ مەملەكەتتٸك باسقارۋ, تسيفرلىق ترانسفورماتسييا, مەملەكەتتٸك قىزمەتتٸڭ تيٸمدٸلٸگٸ مەن باسقارۋ مەدەنيەتٸ سالالارىندا تەجٸريبە الماسۋدىڭ ماڭىزى ارتىپ وتىرعانىن جەتكٸزدٸ.
سونداي-اق ول كلاسسيكالىق شىعارمالاردى ٶزارا اۋدارۋ جەنە باسىپ شىعارۋ جٶنٸندەگٸ قازاقستان مەن قىتاي اراسىنداعى مەموراندۋمنىڭ ەكٸ ەلدٸڭ تاريحي-مەدەني مۇراسىن تەرەڭٸرەك تانۋعا جەنە گۋمانيتارلىق بايلانىستى دامىتۋعا ىقپال ەتەتٸنٸن ايتتى.
ال قىتايدىڭ قازاقستانداعى ەلشٸلٸگٸنٸڭ كەڭەسشٸ-ەلشٸسٸ چەن كەفان كٸتاپتى سي تسزينپيننٸڭ مەملەكەتتٸك باسقارۋ فيلوسوفيياسى مەن قىتايدىڭ دامۋ ستراتەگيياسىن تٷسٸندٸرەتٸن ماڭىزدى ەڭبەك دەپ باعالادى.
ونىڭ ايتۋىنشا, بەسٸنشٸ تومعا 2022 جىلدىڭ مامىرىنان 2024 جىلدىڭ جەلتوقسانىنا دەيٸنگٸ كەزەڭدە جازىلعان ەڭبەكتەر ەنگەن. باسىلىمدا قىتايدى جاڭعىرتۋ, مەملەكەتتٸك باسقارۋدى جەتٸلدٸرۋ, جاڭا دامۋ تۇجىرىمدامالارى جەنە ەلدٸڭ جاھاندىق باستامالارى كەڭٸنەن قامتىلعان.
"بەسٸنشٸ توم – قىتاي كوممۋنيستٸك پارتيياسىنىڭ حح سەزٸنەن كەيٸنگٸ قىتايدى جاڭعىرتۋ تەجٸريبەسٸنٸڭ عىلىمي قورىتىندىسى. وندا قۋاتتى مەملەكەت قۇرۋ جەنە قىتاي ۇلتىنىڭ ۇلى جاڭعىرۋىنا باستايتىن جاڭا جولداعى پراكتيكالىق ٸزدەنٸستەر مەن تەورييالىق جاڭاشىلدىقتار قامتىلعان. سونداي-اق ەڭبەكتە مەملەكەتتٸك باسقارۋدىڭ جاڭا تۇجىرىمدامالارى مەن ستراتەگييالارى جٷيەلٸ تٷردە باياندالىپ, قىتايدىڭ ادامزاتتىڭ ورتاق تاعدىر قاۋىمداستىعىن قالىپتاستىرۋعا جەردەمدەسۋگە دەگەن ۇمتىلىسى كٶرسەتٸلگەن", – دەدٸ ول.
چەن كەفان ٶز سٶزٸندە قىتاي كوممۋنيستٸك پارتيياسىنىڭ حالىق مٷددەسٸن باستى قۇندىلىق رەتٸندە ۇستاناتىنىن, ال ەلدٸڭ دامۋ ٷلگٸسٸ حالىقتىڭ ەل-اۋقاتىن ارتتىرۋعا باعىتتالعانىن ايتتى. سونداي-اق قىتايدىڭ جوعارى ساپالى دامۋ, كەدەيلٸكتٸ جويۋ, مەملەكەتتٸك باسقارۋدى جاڭعىرتۋ جەنە قىتايلىق مودەرنيزاتسييا باعىتىنداعى تەجٸريبەسٸنە توقتالدى.
ول قىتايدىڭ سىرتقى ساياساتىنداعى بەيبٸتشٸلٸك پەن ورتاق دامۋ قاعيداتتارىنا, «بٸر بەلدەۋ – بٸر جول» باستاماسىنا, ادامزاتتىڭ ورتاق تاعدىر قاۋىمداستىعى تۇجىرىمداماسىنا جەنە جاھاندىق دامۋ, قاۋٸپسٸزدٸك پەن ٶركەنيەت باستامالارىنا ەرەكشە نازار اۋداردى.
ديپلوماتتىڭ ايتۋىنشا, كٸتاپ بٷگٸندە ەلەمنٸڭ كٶپتەگەن جەتەكشٸ كٸتاپحانالارىندا ساقتالىپ, حالىقارالىق ساراپشىلار مەن ساياساتكەرلەر تاراپىنان قىزىعۋشىلىق تۋدىرىپ وتىر. ونىڭ پٸكٸرٸنشە, بەسٸنشٸ توم قازاقستان وقىرماندارىنا قىتايدىڭ مەملەكەتتٸك باسقارۋ تەجٸريبەسٸ مەن دامۋ جولىن تەرەڭٸرەك تانۋعا مٷمكٸندٸك بەرەدٸ.
ٸس-شارا بارىسىندا قازاقستان مەن قىتاي اراسىنداعى مەڭگٸلٸك جان-جاقتى ستراتەگييالىق ەرٸپتەستٸكتٸڭ نىعايىپ كەلە جاتقانى, مەملەكەت باسشىلارى اراسىنداعى ٶزارا سەنٸمنٸڭ ەكٸجاقتى ىنتىماقتاستىقتىڭ جاڭا كەزەڭٸنە جول اشقانى اتاپ ٶتٸلدٸ. سونداي-اق تاراپتار مەملەكەتتٸك باسقارۋ تەجٸريبەسٸمەن الماسۋدى جالعاستىرىپ, گۋمانيتارلىق بايلانىستاردى جەنە بٸرلەسكەن جوبالاردى ودان ەرٸ دامىتۋعا دايىن ەكەنٸن بٸلدٸردٸ.
