استانادا انالار جينالىپ, ٶزدەرٸنٸڭ بيلٸككە تالاپتارىن قويدى. ولارمەن كەزدەسۋگە بيلٸك تاراپىنان استانا قالاسى ەكٸمٸنٸڭ ورىنباسارى ەرمەك امانشاەۆ شىقتى.
اقپاننىڭ 6-سى كٷنگٸ جيىن "استانا" كونتسەرت زالىندا ٶتتٸ. جينالعان ادامدار كەزەك-كەزەگٸمەن ٶز تالاپتارىن بٸلدٸرگەن. ولاردىڭ كەيبٸرٸ ٶزدەرٸن كٶپبالالى انا رەتٸندە تانىستىرعان. اراسىندا ٶزدەرٸن "التىن القا", "كٷمٸس القا" يەسٸ ەكەنٸن ايتقاندار بار. شىعىپ سٶيلەگەندەردٸڭ كەيبٸرٸ مٷگەدەك بالالارى بار ەكەنٸن ايتقان.
جينالعان ادامدار نەگٸزٸنەن باسپانا جاعدايى مەن بالالارعا تٶلەنەتٸن جەردەماقى مەسەلەسٸن قوزعاعان."بۇل جەردەگٸ بٸزدٸڭ بارلىعىمىزعا ورتاق مەسەلە – باسپانا. ەرقايسىمىز بٸرنەشە بالا ٶسٸرٸپ وتىرعان انامىز, بٸزگە ٷي بەرٸلسٸن!" دەدٸ سٶيلەگەندەردٸڭ بٸرٸ.
جيىندا سٶز العان شولپان قىرعىزبايقىزى قازاقستان پرەزيدەنتٸ نۇرسۇلتان نازارباەۆقا انالاردىڭ اتىنان جازىلعان حاتتى وقىدى. وندا بيلٸكتەن قازاقستاندا ەربٸر بالاعا مىڭ ايلىق ەسەپتٸك كٶرسەتكٸش كٶلەمٸندە بٸر جولعى ەلەۋمەتتٸك كٶمەك, بالا كەمەلەت جاسىنا جەتكەنشە ەڭ تٶمەنگٸ كٷنكٶرٸس مينيمۋمى كٶلەمٸندە, ال كٸشكەنتاي بالامەن وتىرعان اناعا ەڭ تٶمەنگٸ ەڭبەكاقى كٶلەمٸندە جەردەماقى تٶلەنسٸن دەگەن تالاپتار ايتىلعان. ٷش بالاسى بار وتباسىلاردى باسپانامەن قامتاماسىز ەتۋدٸ, ال تٶرت جەنە ودان كٶپ بالاسى بار وتباسىلارعا تەگٸن باسپانا بەرۋدٸ تالاپ ەتكەن.ٶزدەرٸ قويعان تالاپتىڭ قاراستىرىلۋىنا جەتٸ كٷن مۇرسات بەرەتٸنٸن ايتقان.
استانا ەكٸمٸنٸڭ ورىنباسارى ەرمەك امانشاەۆ جيىندا ايتىلعان مەسەلەلەردٸڭ "زاڭ جٷزٸندە قاراستىرىلاتىنىن" ايتقان.
جيىنعا كەلگەندەردٸڭ بٸرٸ ٶز تالاپتارى ورىندالعانشا ۇدايى وسىلاي جينالىپ تۇراتىنىن ايتقان.
الماتىدا دا انالار ٶز مەسەلەسٸن كٶتەرٸپ قالا ەكٸمدٸگٸنە بارعان. ەكٸمدٸك عيماراتىنا كەلگەن بٸرنەشە ادامدى شەنەۋنٸكتەر ٸشكە كٸرگٸزگەنٸمەن جۋرناليستەردٸڭ كٸرۋٸنە رۇقسات ەتپەگەن.
ازاتتىق تٸلشٸسٸنٸڭ وقيعا ورنىنان حابارلاۋىنشا, شەنەۋنٸكتەر ٸشكە كٸرگٸزٸپ العانداردىڭ اراسىندا بۇعان دەيٸن استانادا بەس بالانىڭ اجالىنا سەبەپ بولعان جەكە ٷيدەگٸ ٶرتتەن كەيٸن ەلەۋمەتتٸك جەلٸدە انا مەن بالانى قورعاۋ تۋرالى اكتسييا ٶتكٸزۋ تۋرالى باستاما كٶتەرگەن بەلسەندٸلەر دە بولعان.
انالار شىمكەنت قالاسى ەكٸمدٸگٸنە دە بارعانىمەن, ەكٸمدٸك رۇقسات ەتسە دە ٸشكە كٸرمەي جارتى ساعاتتاي سىرتتا تۇرىپ تاراپ كەتكەن. مۇندا قالا ەكٸمدٸگٸن پوليتسەيلەر كٷزەتٸپ تۇر. ولاردىڭ اراسىندا ازاماتتىق كيٸمدە جٷرگەندەر دە بار. كٷزەتٸپ تۇرعاندار ەكٸمدٸك عيماراتىنا جاقىن كەلگەن قاراپايىم ازاماتتاردى تەكسەرٸپ, قانداي مەسەلەمەن جٷرگەنٸن سۇراستىرىپ جاتىر. ەكٸمدٸك الدىنداعى تٷركٸستان سارايى جانىندا بٸر توپ قاۋٸپسٸزدٸك كٷشتەرٸ مٸنگەن اۆتوبۋس تۇر. پوليتسەيلەردٸڭ ايتۋىنشا, ەكٸمدٸك اۋماعىندا ارنايى رەيد جٷرگٸزٸلٸپ جاتىر. الايدا بۇل شارانىڭ قانداي ماقساتتا جٷرگٸزٸلٸپ جاتقانى ايتىلمايدى
4 اقپانعا قاراعان تٷنٸ استانانىڭ كٶكتال-1 شاعىن اۋدانىندا جەكە ٷيدٸڭ اۋلاسىنداعى ۋاقىتشا باسپانا ٶرتەنٸپ, بٸر وتباسىنداعى 2006, 2008, 2013, 2015 جەنە 2018 جىلى تۋعان بەس قىز بالا وپات بولعان. قازا بولعان بالالار 5 اقپاندا جەرلەندٸ. جەرگٸلٸكتٸ بيلٸكتٸڭ دەرەگٸنشە, ٶرت بالالاردىڭ اتا-اناسى جۇمىستا بولعان كەزدە بولعان. وتباسى كٶپ بالالى شاڭىراق رەتٸندە تٸركەۋدە تۇرعان.
