استانا ەكٸمٸ ەسەت يسەكەشەۆ قابانباي باتىر داڭعىلىن قايتا جٶندەۋ مەسەلەلەرٸ بويىنشا كٶشپەلٸ كەڭەس ٶتكٸزدٸ. قازٸرگٸ كەزدە بۇل جاعداي ەلوردا تۇرعىندارى مەن قوناقتارىنا ىڭعايسىزدىقتار كەلتٸرٸپ وتىر. كەڭەس قورىتىندىسى بويىنشا اۆتوموبيل جولدارى, كٶلٸك باسقارمالارى, ٸٸد مەن قالالىق كەسٸپورىنداردىڭ اراسىنداعى جۇمىستىڭ تيٸستٸ دەڭگەيدە ٷيلەستٸرٸلمەگەنٸ ٷشٸن استانا ەكٸمدٸگٸنٸڭ بٸرقاتار لاۋازىمدى تۇلعالارى تەرتٸپتٸك جازاعا تارتىلدى, - حابارلايدى "ۇلت اقپارات" قالا ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
وسى سالاعا جەتەكشٸلٸك ەتەتٸن قالا ەكٸمٸنٸڭ ورىنباسارى قوسمان ايتمۇحامەتوۆقا ەسكەرتۋ جاسالدى.
ەكٸم اۆتوموبيل جولدارى باسقارماسىنىڭ باسشىسى سىمبات مىرزاعۇلوۆتى قىزمەتٸنەن بوساتۋدى, «استانا تەپلوترانزيت» اق مەن «استانا سۋ ارناسى» مكك باسشىلارىنا قاتاڭ سٶگٸس, «Aستانا LRT» جشس باسشىلىعىنا سٶگٸس جارييالاۋدى تاپسىردى.
استانا قالاسىنىڭ ٸٸد مەن جەرگٸلٸكتٸ پوليتسييا قىزمەتٸنە تيٸستٸ ۋچاسكەلەردە قاجەتتٸ جول بەلگٸلەرٸ مەن كٶرسەتكٸشتەردٸڭ قويىلماۋى سەبەپتٸ تۋىنداعان كەپتەلٸستەر ٷشٸن جاۋاپتى تۇلعالاردى انىقتاپ, جازاعا تارتۋ تاپسىرىلدى.
قالا ەكٸمٸنٸڭ ورىنباسارى ق. ايتمۇحامەتوۆ بارلىق قىزمەتتەردٸڭ جۇمىسىن جۇمىلدىرىپ, قابانباي باتىر داڭعىلىنداعى قوزعالىستى بۇرىن جوسپارلانعانداي 5 قازاندا ەمەس, 20 قىركٷيەككە دەيٸن قامتاماسىز ەتۋگە مٸندەتتەندٸ.
«سٸزگە بارلىق قۇزىرەت پەن مٷمكٸندٸكتەر بەرٸلدٸ. بارلىق جۇمىستاردى وقۋ جىلى باستالعانشا اياقتاۋعا مٷمكٸندٸك بولدى. ەندٸ سٸزدەردٸڭ كەلٸسپەي ەرەكەت ەتۋلەرٸڭٸزدٸڭ سالدارىنان ەلوردا تۇرعىندارى, اتا-انالار مەن بالالار مەكتەپتەرگە, بالاباقشالارعا, اۋرۋحانالارعا جەتە الماي وتىر», - دەدٸ ەسەت يسەكەشەۆ.
كەڭەس بارىسىندا جول سالۋ جۇمىستارىن ورىنداۋدىڭ جاڭا تەسٸلدەرٸ, قوعامدىق كٶلٸك مەسەلەلەرٸ تالقىلاندى. ەلوردا تۇرعىندارى مەن قوناقتارىنا قولايلى جاعداي جاساۋ باستى نازاردا. بۇل رەتتە وسى سالاداعى جٷيەلٸ جۇمىستار ٷستٸمٸزدەگٸ جىلدىڭ قىركٷيەك ايىنىڭ سوڭىنا دەيٸن ەزٸرلەنەتٸن استانانى دامىتۋدىڭ جاڭارتىلعان باعدارلاماسىندا كٶرٸنٸس تابادى.
