قر سىرتقى ٸستەر مينيسترٸ قايرات ەبدٸراحمانوۆ سيرييا بويىنشا استانا پروتسەسٸ اياسىنداعى جوعارى دەڭگەيدەگٸ 5-شٸ حالىقارالىق كەزدەسۋدٸڭ قورىتىسىندىن شىعاردى, دەپ حابارلايدى قازاقپارات.
«وسى جىلدىڭ باسىندا مەملەكەت باسشىسى نۇرسۇلتان نازارباەۆتىڭ قولداۋىمەن جەنە تٸكەلەي قاتىسۋمەن باستالعان پروتسەسس ٷلكەن جەتٸستٸككە جەتتٸ. استانادا ٶتكەن كەزدەسۋلەردٸڭ نەتيجەسٸندە سيريياداعى زورلىق-زومبىلىق ايتارلىقتاي تٶمەندەدٸ. حالىقتىڭ بەيبٸت ٶمٸرٸن قالپىنا كەلتٸرۋ ٷشٸن كٶپتەگەن ٸس اتقارىلدى. وعان سيريياداعى سوعىس ٸس-قيمىلدارىن توقتاتۋ رەجٸمٸنٸڭ كەپٸلگەر ەلدەرٸنٸڭ كٷش-جٸگەرٸمەن قاتار, سيرييا ٷكٸمەتٸ مەن قارۋلى وپپوزيتسييانىڭ جانجالدى بەيبٸت جولمەن شەشۋگە ۇمىتىلىسى, سونىمەن قاتار بۇۇ تارابىنان ۇدايى قولداۋ سەپتٸگٸن تيگٸزدٸ. قازاقستان كەلٸسسٶزدەرگە ٶز الاڭىن ۇسىنا وتىرىپ, سيرييا حالقىنىڭ قايعى-قاسٸرەتٸن جەڭٸلدەتۋگە جەنە ولاردىڭ بەيبٸت ٶمٸرگە ورالۋ ۇمتىلىسىنا كٶمەك كٶرسەتۋ ارقىلى زور ٷلەس قوستى. وسىعان بايلانىستى ەلٸمٸز حالىقارالىق قاۋٸپسٸزدٸك پەن تۇراقتىلىقتى نىعايتۋعا باعىتتالعان كٷش-جٸگەرگە جەردەم كٶرسەتۋٸن جالعاستىرا بەرەدٸ. بٸزدٸڭ ەلٸمٸزدٸڭ ساياساتى بٷكٸل ەلەمدەگٸ ديالوگتى, ٶزارا تٷسٸنٸستٸك پەن بەيبٸتشٸلٸكتٸڭ تۇراقتىلىعىن نىعايتۋعا باعىتتالعان. وسىعان وراي قازاقستان اتالعان داعدارىستى ساياسي رەتتەۋگە قول جەتكٸزۋ ٷشٸن بەيبٸت ساياساتىن جالعاستىرا بەرەدٸ. مٷددەلٸ تاراپتار اراسىنداعى كەلٸسسٶزدەر ٷشٸن تۇعىرناما ۇسىناتىن بولادى», - دەدٸ قايرات ەبدٸراحمانوۆ.
ونىڭ ايتۋىنشا, سيرييا بويىنشا استانا پروتسەسٸ اياسىنداعى بٷگٸنگٸ جوعارى دەڭگەيدەگٸ 5-شٸ حالىقارالىق كەزدەسۋ سيريياداعى سوعىستى توقتاتۋ رەجٸمٸن نىعايتۋعا باعىتتالعان وڭ نەتيجەلەرمەن اياقتالدى. كٶپتەگەن مەسەلە تالقىلانىپ, تاراپتار اراسىندا ناقتى ۋاعدالاستىقتارعا قول جەتكٸزٸلدٸ جەنە الداعى ۋاقىتتاعى كەلٸسسٶزدەردٸڭ جوسپارى قارالدى.
«بٸز سيرييالىق جانجالدىڭ ەسكەري شەشٸمٸ جوق ەكەندٸگٸنە ەركەز سەندٸك. سوندىقتان ديالوگ - بۇل بەيبٸتشٸلٸكتٸڭ جالعىز جولى عانا. ەسكەري شەشٸم سيرييا حالقىنا مۇنان دا زور قاسٸرەت ەكەلٸپ, ٶڭٸرلٸك جەنە حالىقارالىق تاراپتار اراسىنداعى جاڭا قاراما-قايشىلىقتاردى تۋىنداتادى», - دەدٸ قازاقستان سىرتقى ٸستەر مينيسترٸ.
سونىمەن قاتار ول بٷگٸن استانا پروتسەسٸنە قاتىسۋشىلار سيرييا جەرٸندە بەيبٸتشٸلٸك پەن تۇراقتىلىق ورناتۋعا تاعى دا بٸر ماڭىزدى قادام جاساعاندىعىن باسا ايتتى.
