فوتو: gov.kz
كەشە «استانا وپەرا» ساحناسىندا تەاتر بالەت ترۋپپاسىنىڭ كٶركەمدٸك جەتەكشٸسٸ, رەسەيدٸڭ حالىق ەرتٸسٸ التىناي اسىلمۇراتوۆانىڭ جاڭا حورەوگرافييالىق نۇسقاسىندا پەتر چايكوۆسكييدٸڭ «ۇيقىداعى ارۋ» بالەتٸنٸڭ پرەمەراسى ٶتتٸ, دەپ حابارلايدى Ult.kz.
قر مەدەنيەت جەنە اقپارات مينيسترلٸگٸنٸڭ قولداۋىمەن جٷزەگە اسقان قويىلىم «وپەرالييا» حالىقارالىق مۋزىكالىق فەستيۆالٸنٸڭ افيشاسىنا ەندٸ.
قويۋشى ديريجەر ارمان ورازعاليەۆتٸڭ جەتەكشٸلٸگٸمەن تەاتردىڭ سيمفونييالىق وركەسترٸ پ.چايكوۆسكيي مۋزىكاسىن اسقان شەبەرلٸكپەن جەتكٸزدٸ.
قويۋشى بالەتمەيستەر التىناي اسىلمۇراتوۆا ك.سەرگەەۆ نۇسقاسى مەن م.پەتيپانىڭ تٷپنۇسقا قويىلىمىنان شابىت الىپ, تۋىندىنىڭ كلاسسيكالىق سيپاتىن ساقتاي وتىرىپ, جاڭا زاماناۋي سپەكتاكلدٸ ٶمٸرگە ەكەلدٸ.
اۆرورانىڭ وبرازىن تەاتردىڭ پريما-بالەريناسى, قازاقستاننىڭ ەڭبەك سٸڭٸرگەن قايراتكەرٸ مەدينا ٶنەرباەۆا تاماشا سومدادى. دەزيرە حانزادانىڭ بەينەسٸن تەاتردىڭ پرەمەرٸ, قازاقستاننىڭ ەڭبەك سٸڭٸرگەن قايراتكەرٸ باقتييار ادامجان شەبەر ورىندادى. ەرتٸستەر زۇلىمدىقتى جەڭٸپ, ٸزگٸلٸك پەن ماحاببات سالتانات قۇرعان عاجايىپ ەرتەگٸنٸ بي ٶنەرٸ ارقىلى شەبەر باياندادى.
ساحناداعى «وسكار» سىيلىعىنىڭ يەگەرٸ فرانكا سكۋارچاپينونىڭ فرانتسۋزدىق باروككو ستيلٸندەگٸ سالتاناتتى كوستيۋمدەرٸن, زامانىمىزدىڭ كٶرنەكتٸ ستسەنوگرافى ەتسيو فريدجەريونىڭ سىزبالارى بويىنشا ريككاردو ماسسيرونيدٸڭ كٶركەم دەكوراتسييالارىن تاماشالاعان كٶرەرمەن ٶتكەن دەۋٸرگە ساپار شەككەندەي ەسەر الدى. ياكوپو پانتانيدٸڭ پارتيتۋراسى قويىلىمعا كينەماتوگرافييالىق ەسەر بەرٸپ, ەر كٶرٸنٸستٸ فيلمنٸڭ ٷزٸندٸسٸنە اينالدىرعانداي.
