Foto: gov.kz
Keshe «Astana Opera» sahnasynda teatr balet trýppasynyń kórkemdik jetekshisi, Reseidiń halyq ártisi Altynai Asylmuratovanyń jańa horeografiialyq nusqasynda Petr Chaikovskiidiń «Uiqydaǵy arý» baletiniń premerasy ótti, dep habarlaidy Ult.kz.
QR Mádeniet jáne aqparat ministrliginiń qoldaýymen júzege asqan qoiylym «Operaliia» halyqaralyq mýzykalyq festivaliniń afishasyna endi.
Qoiýshy dirijer Arman Orazǵalievtiń jetekshiligimen teatrdyń simfoniialyq orkestri P.Chaikovskii mýzykasyn asqan sheberlikpen jetkizdi.
Qoiýshy baletmeister Altynai Asylmuratova K.Sergeev nusqasy men M.Petipanyń túpnusqa qoiylymynan shabyt alyp, týyndynyń klassikalyq sipatyn saqtai otyryp, jańa zamanaýi spektakldi ómirge ákeldi.
Avroranyń obrazyn teatrdyń prima-balerinasy, Qazaqstannyń eńbek sińirgen qairatkeri Mádina Ónerbaeva tamasha somdady. Dezire hanzadanyń beinesin teatrdyń premeri, Qazaqstannyń eńbek sińirgen qairatkeri Baqtiiar Adamjan sheber oryndady. Ártister zulymdyqty jeńip, izgilik pen mahabbat saltanat qurǵan ǵajaiyp ertegini bi óneri arqyly sheber baiandady.
Sahnadaǵy «Oskar» syilyǵynyń iegeri Franka Skýarchapinonyń frantsýzdyq barokko stilindegi saltanatty kostiýmderin, zamanymyzdyń kórnekti stsenografy Etsio Fridjerionyń syzbalary boiynsha Rikkardo Massironidiń kórkem dekoratsiialaryn tamashalaǵan kórermen ótken dáýirge sapar shekkendei áser aldy. Iakopo Pantanidiń partitýrasy qoiylymǵa kinematografiialyq áser berip, ár kórinisti filmniń úzindisine ainaldyrǵandai.
