قازاقستان وپەك-پەن مۇناي ٶندٸرۋ كٶلەمٸن ازايتۋ, نەمەسە ارتتىرماۋعا قاتىستى كەلٸسسٶز جٷرگٸزٸپ جاتىر. رەسەي مۇناي كارتەلٸمەن ٶندٸرٸس كٶلەمٸن ازايتۋعا قاتىستى كەلٸسۋگە دايىن ەكەنٸن بٸلدٸردٸ. رەسەي ەنەرگەتيكا مينيسترٸ الەكساندر نوۆاك مەسكەۋدٸڭ وپەك-تٸڭ مۇناي ٶندٸرۋ كٶلەمٸن شەكتەي تۇرۋ ۇسىنىسىن قولداۋعا دايىن ەكەنٸن مەلٸمدەدٸ. قازاقستان ەنەرگەتيكا مينيسترٸ قانات بوزىمباەۆ استانا كەلٸسسٶزدٸ جالعاستىرىپ جاتقانىن ايتتى.
الەكساندر نوۆاك وپەك ۇيىمنىڭ 30 قاراشادا ۆەنادا ٶتەتٸن فورمالدى وتىرىسىنا دەيٸن مۇناي ٶندٸرٸسٸ كٶلەمٸن شەكتەي تۇرۋعا كەلٸسە الادى دەگەن ٷمٸتتە ەكەنٸن بٸلدٸردٸ. "نارىقتا مۇنداي جەتٸستٸككە قول جەتكٸزۋ - وڭ بەلگٸ جەنە ۇيىمعا كٸرمەيتٸن ەلدەر, ونىڭ ٸشٸندە رەسەي نارىقتاعى ٸس-قيمىل تۋرالى شەشٸمدٸ بٸرگە قابىلداۋعا قاتىسادى. مەنٸڭشە, كەلٸسٸمگە كەلۋگە مٷمكٸندٸك مول. وپەك-تٸڭ ٶز ٸشٸندەگٸ جاعداي بيىل سەۋٸردە دوحادا بولعان كەلٸسپەۋشٸلٸكپەن سالىستىرعاندا ەلدەقايدا تەۋٸر" دەگەن نوۆاك تاسس اگەنتتٸگٸنە.
تاسس-تىڭ حابارلاۋىنشا, قانات بوزىمباەۆ استانا وپەك-پەن كەلٸسسٶز جٷرگٸزٸپ جاتقانىن ايتقان. ول قازاقستان بيىلدىڭ ٶزٸندە ٶندٸرٸس كٶلەمٸن ايتارلىقتاي ازايتقانىن جەتكٸزگەن. "قازاقستان بيىلدىڭ ٶزٸندە ٶندٸرٸس كٶلەمٸن كەدٸمگٸدەي ازايتتى. ٶتكەن جىلى بٸز 80 ميلليون توننا ٶندٸرگەنبٸز, بيىل بۇل كٶرسەتكٸش 76,5 ميلليون توننانى قۇرايدى" دەدٸ بوزىمباەۆ.
قازاقستان ەنەرگەتيكا مينيسترٸ قازاقستاننىڭ ەڭ ٸرٸ كەن ورنى - قاشاعاننان ٶندٸرٸس كٶلەمٸنٸڭ جالپى تٷردە ازايعانىنا قاراماستان قوسىمشا مۇناي بەرەتٸنٸن حابارلادى. ول "كەنٸشكە 50 ميلليارد دوللاردان استام قارجى سالعان حالىقارالىق ينۆەستورلار الدىندا العان مٸندەتتەمەسٸ بولعاندىقتان قاشاعاننان مۇناي ٶندٸرۋ توقتامايتىنىن ايتتى. بوزىمباەۆتىڭ سٶزٸنشە, قاشاعاننان مۇناي ٶندٸرۋ كٶلەمٸ بٸردەن ەمەس, بٸرتٸندەپ ارتادى.
