فوتو:Sputnik / سانات يمانگاليەۆ
بٷگٸن قازمەديا ورتالىعىندا Astana Media Week 2024 مەديا اپتالىعى باستالدى, دەپ حابارلايدى «ۇلت اقپارات».
فورۋمدا كٶتەرٸلگەن تاقىرىپتاردىڭ بٸرٸ «مەديانىڭ رەنوۆاتسيياسى(جاڭارۋ): زاڭ, قاۋٸپسٸزدٸك جەنە ترانسفورماتسييا» بولدى. جيىندا سٶز سٶيلەگەن ساراپشىلاردىڭ بٸرٸ قازٸرگٸ ماسمەديا تۋرالى زاڭدا باق-قا بايلانىستى بارلىق مەسەلەلەر قامتىلعان دەپ سەپتەگەنٸمەن, الايدا زاڭنىڭ ورىندالۋىن پروبلەما كٶرٸپ وتىر. ساراپشىلاردىڭ اراسىندا جۋرنايستٸك ەتيكانى سٶز ەتكەندەرٸ دە بولدى. ولار مەديا سالاسىنداعى قوعامدىق ۇيىمداردى بٸرٸگۋگە شاقىردى.
«وبال مەن ساۋاپتى, ۇيات دەگەندٸ ۇمىتىپ كەتتٸك»
«زاڭ» مەديا-كورپوراتسيياسىنىڭ ديرەكتورى دوسىمبەك ٶتەعاليەۆ:
قازٸرگٸ كەزدە اقپارات قۇرالدارىنىڭ, جۋرناليستەردٸڭ جاۋاپكەرشٸلٸگٸ جەنە ەلەۋمەتتٸك جەلٸدەگٸ جاۋاپكەرشٸلٸكتەر تۋرالى, ازاماتتار اراسىنداعى قارىم قاتىناس جەنە تاعى باسقا مەسەلەلەردٸڭ بارلىعى زاڭمەن قامتىلعان. ادامنىڭ ار-نامىسىنا قول سۇقتىڭ با, زاڭ الدىندا جاۋاپ بەرەسٸڭ. بالاعاتتادىڭ با, قول جۇمسادىڭ با, بارلىعى زاڭمەن قامتىلعان. زاڭ بار, بٸراق زاڭنىڭ قولدانىلۋ جاعى كەمشٸن بولىپ تۇر. سونداي-اق, قازٸر ەلەۋمەتتٸك جەلٸنٸڭ ىقپالى قاتتى بولىپ وتىر. بٸزدٸڭ بٷگٸنگٸ سەسسييامىزدىڭ تاقىرىبىنىڭ ٶزٸ رەنوۆاتسييا, قاۋٸپسٸزدٸك جەنە ترانسفورماتسييا. قازٸرگٸ جۋرناليستيكا جىلدام ٶزگەرٸپ جاتىر. كەيدە تٸپتٸ بٸزدٸڭ زاڭدارىمىز بەلگٸلٸ مەسەلەلەردٸ قامتۋعا ٷلگەرمەي قالىپ وتىر. بٸراق, قارقىندى دامىپ جاتقان كەزدە ول دامۋدىڭ كەرٸ ەسەرٸ دە بولىپ جاتقان تۇستارى كٶپ. مىسالى, بٸز جۋرناليستيكا فاكۋلتەتٸندە وقىعان كەزدە جۋرناليستيكانىڭ 5 فۋنكتسيياسى بار, سونىڭ ەڭ بٸرٸنشٸسٸ - وبەكتيۆتٸلٸك دەگەندٸ وقىتىپ ەدٸ. ال قازٸرگٸ ۋاقىتتا بٸزدە ەلەۋمەتتٸك جەلٸلەردٸڭ دامۋىمەن وسى وبەكتيۆتٸلٸكتٸ بٸرٸنشٸ كەزەكتە جوعالتىپ الدىق جەنە جاۋاپكەرشٸلٸك دەگەندٸ مٷلدەم ۇمىتقان سيياقتىمىز. سوسىن, قاراپايىم ادامي قاعيدامەن الاتىن بولساق, وبال مەن ساۋاپتى, ۇيات دەگەندٸ ۇمىتىپ كەتتٸك.
«تەلەارنا سالاسىنداعىلار ٶز اۋديتورييامىزدى جوعالتقان جوقپىز»
«قازاقستان مەديا اليانسىنىڭ» باسشىسى قانات ساحارييا:
بٸزدە تٷرلٸ قوعامدىق ۇيىمدار بار. ولار قارلىعاش جامانقۇلوۆا باسقاراتىن «ەدٸل سٶز», مەن باسشىلىق ەتەتٸن «قازاقستان مەديا اليانسى» سيياقتى تٷرلٸ ۇيىمدار. ەگەر بٸز بٸرٸكپەسەك جەنە قازاقستاننىڭ مەديا سالاسىنداعى ەتيكانىڭ نەگٸزگٸ پرينتسيپتەرٸن دەكلوراتسييالاماساق ەشقانداي جەتٸستٸك بولمايدى. سوندىقتان مەن بارلىق قوعامدىق ۇيىمداردى بٸزدٸڭ ەرٸپتەستەرٸمٸز, جۋرناليستەردٸڭ ەتيكا ساقتاۋىن جارييالاۋ ٷشٸن كواليتسييا قۇرۋعا تىرىسۋعا شاقىرامىن. بۇل بٸرٸنشٸ سۇراق. ال ەكٸنشٸ مەسەلە, تەلەارنالارعا بايلانىستى. يۋتۋب, فەيسبۋك پايدا بولعالى 20 جىلداي ۋاقىت بولدى «تەلەارنالاردىڭ بولاشاعى نە بولادى» دەگەن پٸكٸرتالاس جٷرٸپ كەلە جاتىر. بٸز ەڭگٸمە شىعارۋ جەنە تاراتۋ تۋرالى بولىپ جاتقانىن تٷسٸنۋٸمٸز كەرەك. بۇل كونتەكستە تەلەارنالار شىعارۋشى فابريكانىڭ جەنە تاراتۋشى كانال رٶلٸن وينايدى. ال ينتەرنەت بولسا, ول - تاراتۋشى كانال. ولار اقپاراتتى ٶزدەرٸ شىعارمايدى. مەن سوڭعى شىققان اقپاراتقا قۋاندىم دەسەم بولادى. ول اقپارات بويىنشا يۋتۋب ينتەرنەت جەلٸسٸندە ەڭ تانىمالى – تەلەارنالاردىڭ جاڭالىقتارى بولىپ شىقتى. ياعني, تەلەارنالاردىڭ ٶنٸمدەرٸ ينتەرنەت جەلٸسٸندە سۇرانىسقا يە. بۇل بٸز تەلەارنا سالاسىنداعىلار ٶز اۋديتورييامىزدى جوعالتىپ العان جوقپىز دەگەن سٶز.
ايتا كەتەيٸك, Astana Media Week 2024 مەديا اپتالىعى 25-27 قىركٷيەك ارالىعىندا ٶتەدٸ. شارادا ۆەدومستۆو باسشىلارى, حالىقارالىق ساراپشىلار, ينفليۋەنسەرلەر مەن سالا ماماندارى كەزدەسٸپ, ٶزەكتٸ مەسەلەلەردٸ تالقىلاپ, يدەيالارىن جارييالايدى. سونداي-اق, بايلانىس ورناتىپ, پرەزەنتاتسييالار جاساپ, الداعى جىلعا جوسپارلارىن ايتادى.
