Foto:Sputnik / Sanat Imangaliev
Búgin Qazmedia ortalyǵynda Astana Media Week 2024 media aptalyǵy bastaldy, dep habarlaidy «Ult Aqparat».
Forýmda kóterilgen taqyryptardyń biri «Medianyń renovatsiiasy(jańarý): zań, qaýipsizdik jáne transformatsiia» boldy. Jiynda sóz sóilegen sarapshylardyń biri qazirgi Masmedia týraly zańda BAQ-qa bailanysty barlyq máseleler qamtylǵan dep septegenimen, alaida zańnyń oryndalýyn problema kórip otyr. Sarapshylardyń arasynda jýrnaistik etikany sóz etkenderi de boldy. Olar media salasyndaǵy qoǵamdyq uiymdardy birigýge shaqyrdy.
«Obal men saýapty, uiat degendi umytyp kettik»
«ZAŃ» media-korporatsiiasynyń direktory Dosymbek Óteǵaliev:
Qazirgi kezde aqparat quraldarynyń, jýrnalisterdiń jaýapkershiligi jáne áleýmettik jelidegi jaýapkershilikter týraly, azamattar arasyndaǵy qarym qatynas jáne taǵy basqa máselelerdiń barlyǵy zańmen qamtylǵan. Adamnyń ar-namysyna qol suqtyń ba, zań aldynda jaýap beresiń. Balaǵattadyń ba, qol jumsadyń ba, barlyǵy zańmen qamtylǵan. Zań bar, biraq zańnyń qoldanylý jaǵy kemshin bolyp tur. Sondai-aq, qazir áleýmettik jeliniń yqpaly qatty bolyp otyr. Bizdiń búgingi sessiiamyzdyń taqyrybynyń ózi renovatsiia, qaýipsizdik jáne transformatsiia. Qazirgi jýrnalistika jyldam ózgerip jatyr. Keide tipti bizdiń zańdarymyz belgili máselelerdi qamtýǵa úlgermei qalyp otyr. Biraq, qarqyndy damyp jatqan kezde ol damýdyń keri áseri de bolyp jatqan tustary kóp. Mysaly, biz jýrnalistika fakýltetinde oqyǵan kezde jýrnalistikanyń 5 fýnktsiiasy bar, sonyń eń birinshisi - obektivtilik degendi oqytyp edi. Al qazirgi ýaqytta bizde áleýmettik jelilerdiń damýymen osy obektivtilikti birinshi kezekte joǵaltyp aldyq jáne jaýapkershilik degendi múldem umytqan siiaqtymyz. Sosyn, qarapaiym adami qaǵidamen alatyn bolsaq, obal men saýapty, uiat degendi umytyp kettik.
«Telearna salasyndaǵylar óz aýditoriiamyzdy joǵaltqan joqpyz»
«Qazaqstan media aliansynyń» basshysy Qanat Sahariia:
Bizde túrli qoǵamdyq uiymdar bar. Olar Qarlyǵash Jamanqulova basqaratyn «Ádil sóz», men basshylyq etetin «Qazaqstan media aliansy» siiaqty túrli uiymdar. Eger biz birikpesek jáne Qazaqstannyń media salasyndaǵy etikanyń negizgi printsipterin dekloratsiialamasaq eshqandai jetistik bolmaidy. Sondyqtan men barlyq qoǵamdyq uiymdardy bizdiń áriptesterimiz, jýrnalisterdiń etika saqtaýyn jariialaý úshin koalitsiia qurýǵa tyrysýǵa shaqyramyn. Bul birinshi suraq. Al ekinshi másele, telearnalarǵa bailanysty. Iýtýb, Feisbýk paida bolǵaly 20 jyldai ýaqyt boldy «telearnalardyń bolashaǵy ne bolady» degen pikirtalas júrip kele jatyr. Biz áńgime shyǵarý jáne taratý týraly bolyp jatqanyn túsinýimiz kerek. Bul kontekste telearnalar shyǵarýshy fabrikanyń jáne taratýshy kanal rólin oinaidy. Al internet bolsa, ol - taratýshy kanal. Olar aqparatty ózderi shyǵarmaidy. Men sońǵy shyqqan aqparatqa qýandym desem bolady. Ol aqparat boiynsha Iýtýb internet jelisinde eń tanymaly – telearnalardyń jańalyqtary bolyp shyqty. Iaǵni, telearnalardyń ónimderi internet jelisinde suranysqa ie. Bul biz telearna salasyndaǵylar óz aýditoriiamyzdy joǵaltyp alǵan joqpyz degen sóz.
Aita keteiik, Astana Media Week 2024 media aptalyǵy 25-27 qyrkúiek aralyǵynda ótedi. Sharada vedomstvo basshylary, halyqaralyq sarapshylar, infliýenserler men sala mamandary kezdesip, ózekti máselelerdi talqylap, ideialaryn jariialaidy. Sondai-aq, bailanys ornatyp, prezentatsiialar jasap, aldaǵy jylǵa josparlaryn aitady.
