Astana LRT ٸسٸنە قاتىستى كٷدٸكتٸ تالعات اردان مەن قانات سۇلتانبەكوۆتٸڭ قايدا جٷرگەنٸ تۋرالى اقپارات بار. بۇل تۋرالى قر سىبايلاس جەمقورلىققا قارسى ٸس-قيمىل اگەنتتٸگٸ 2-دەپارتامەنتٸنٸڭ باسشىسى سەرگەي پەروۆ ايتتى, دەپ حابارلايدى قازاقپارات.
«بۇل ٸس قازٸرگٸ ۋاقىتتا سوتتا قارالىپ جاتىر. سوتتالۋشىلار قاتارىندا 7 ادام بار, پروتسەسس جان-جاقتى حابارلانىپ وتىر. ەكٸ تۇلعانى, اتاپ ايتقاندا تالعات اردان مەن قانات سۇلتانبەكوۆتٸ ٸزدەۋ جالعاسىپ جاتىر. ونى حالىقارالىق ىنتىماقتاستىق اياسىندا جٷرگٸزۋدەمٸز. كٷدٸكتٸلەردٸڭ جٷرگەن جەرٸ تۋرالى الدىن الا اقپارات بار. ول - الىس شەتەل. ينتەرپول ەلٸمٸزدەن تىسقارى جەردە جاسىرىنىپ جٷرگەن كٷدٸكتٸلەردٸ ٸزدەپ جاتىر», - دەدٸ سەرگەي پەروۆ اگەنتتٸكتٸڭ القا وتىرىسى اياسىندا باق ٶكٸلدەرٸنە بەرگەن سۇحباتىندا.
ەسكە سالا كەتسەك, ٶتكەن جىلى سىبايلاس جەمقورلىققا قارسى ٸس-قيمىل اگەنتتٸگٸنٸڭ 1-شٸ دەپارتامەنتٸنٸڭ اسا ماڭىزدى ٸستەر جٶنٸندەگٸ تەرگەۋشٸسٸ دانييار بەكايداروۆ «استانا LRT» كومپانيياسى بويىنشا ٸس سوتقا جولدانعانىن حابارلاعان ەدٸ.
كەيٸنٸرەك وسى ٸس بويىنشا العاشقى سوت وتىرىسى قاشان ٶتەتٸنٸ بەلگٸلٸ بولدى.
ايتا كەتسەك, مەملەكەت باسشىسى قاسىم-جومارت توقاەۆ LRT ٸسٸ بويىنشا جاۋاپتى ادامدار باقىلاۋشى ورگانداردىڭ سۇراعىنا جاۋاپ بەرۋٸ كەرەكتٸگٸن ەسكەرتكەن بولاتىن.
سونداي-اق پرەزيدەنت بىلتىر كٷزدە LRT قۇرىلىسىن جەدەلدەتۋدٸ جەنە وعان قاتىستى ٸستٸ تەرگەۋدٸ تاپسىرعان بولاتىن.
ارتىنشا ٶتكەن جىلدىڭ قاڭتار ايىندا سىبايلاس جەمقورلىققا قارسى ٸس-قيمىل اگەنتٸگٸنٸڭ ەكٸنشٸ دەپارتامەنتٸنٸڭ باسشىسى سەرگەي پەروۆ ەلوردادا LRT قۇرىلىسىن سالۋ بارىسىندا قاراجات ۇرلاۋ قىلمىستىق ٸسٸن تەرگەۋ شارالارى اياقتالعانىن مەلٸم ەتكەن ەدٸ.
ونىڭ ايتۋىنشا, انىقتالعان شىعىن سوماسى 5,7 ملرد تەڭگەنٸ قۇراپ وتىر. اتالعان ٸس بويىنشا 10-نان استام ادامنىڭ جاۋاپكەرشٸلٸگٸ تەكسەرٸلٸپ, ٷش ادامعا ٸزدەۋ جارييالانعان.
