«استانا» حالىقارالىق قارجى ورتالىعىنىڭ اشىلۋى قازاقستاننىڭ جاھاندىق ويىنشىلار ٷشٸن اشىقتىعىن بٸلدٸرەدٸ. مۇنداي پٸكٸردٸ بٷگٸن ەلوردادا ٶتٸپ جاتقان قازاقستاندىق-امەريكالىق بيزنەس-فورۋم بارىسىندا اقش ساۋدا مينيسترٸ ۋيلبۋر روسس بٸلدٸردٸ, دەپ حابارلايدى قازاقپارات تٸلشٸسٸ.
«استانا» حالىقارالىق قارجى ورتالىعىنىڭ اشىلۋى - بۇل جاھاندىق ويىنشىلار ٷشٸن ەلدٸڭ اشىقتىعىنىڭ بەلگٸسٸ. بٸز ورتالىق ازييا جٶنٸندەگٸ كەلٸسٸمنەن تايمايمىز جەنە بۇل بٷكٸل ٶڭٸرگە مٷمكٸنشٸلٸك بەرەدٸ. بۇل پرەزيدەنت نۇرسۇلتان نازارباەۆتىڭ بارىنشا قارقىندى ەكونوميكاعا جەتۋ جولىنداعى كٶرەگەندٸگٸن كٶرسەتەدٸ», - دەدٸ ۋيلبۋر روسس.
ول «اشىق ەۋە ۇستانىمى» جٶنٸندەگٸ امەريكالىق-قازاقستاندىق كەلٸسٸمگە تاياۋ ارادا قول قويىلاتىندىعىنا سەنٸمدٸ ەكەندٸگٸن جەتكٸزدٸ. اتالعان قۇجات قازاقستان مەن امەريكا قۇراما شتاتتارىنىڭ قالالارى اراسىنداعى ۇشۋ شەكتەۋلەرٸن الىپ تاستاۋ دەگەندٸ بٸلدٸرەدٸ. شەكتەۋلەردٸڭ الىنۋى تاياۋ ارادا ەكٸ ەلدٸڭ اراسىنداعى ەۋە كٶلٸگٸمەن قاتىنايتىن جولاۋشىلار لەگٸن ارتتىرا تٷسەدٸ.
سونىمەن قاتار اقش مينيسترٸ ەكٸ ەلدٸڭ مۇناي مەن گاز سالاسىنداعى ىنتىماقتاستىعى بارىنشا جوعارى دەڭگەيدە ەكەندٸگٸن باسا ايتتى.
ايتا كەتەيٸك, فورۋم جۇمىسىنا قر پرەمەر-مينيسترٸنٸڭ بٸرٸنشٸ ورىنباسارى اسقار مامين, 20-دان استام امەريكالىق كومپانييانىڭ باسشىسى, قازاقستاندىق بيزنەس ٶكٸلدەرٸ, مينيسترلٸكتەر مەن ۆەدومستۆولاردىڭ باسشىلارى قاتىستى.
شارا اياسىندا اۋىل شارۋاشىلىعى, ينفراقۇرىلىمى, اۆياقۇرىلىس, تسيفرلاندىرۋ جەنە اقپاراتتىق تەحنولوگييالار سالالارىن قامتيتىن 8 ەكٸجاقتى قۇجاتقا قول قويىلدى.
ەستەرٸڭٸزگە سالا كەتسەك, اقش-تىڭ ساۋدا مينيسترٸ ۋيلبۋر روسس ەلٸمٸزگە ساپارى اياسىندا ەلباسى نۇرسۇلتان نازارباەۆپەن جەنە قر پرەمەر-مينيسترٸ باقىتجان ساعىنتاەۆپەن كەزدەسكەن بولاتىن.
