26-27 ماۋسىم كٷندەرٸ ەلورداداعى «استانا بالەت» تەاترى ساحناسىندا «التىن گٷل» بالەتٸنٸڭ پرەمەراسى ٶتەدٸ. جاڭا قويىلىم تەاتردىڭ شىعارماشىلىق ماۋسىمىن قورىتىندىلايتىن ماڭىزدى مەدەني وقيعا بولماق, دەپ حابارلايدى ult.kz.
بالەتتٸڭ يدەياسى بٸزدٸڭ دەۋٸرٸمٸزگە دەيٸنگٸ III-II عاسىرلارعا جاتاتىن تەڭلٸك قورعاندارىنان تابىلعان قىزعالداق بەينەسٸ بەدەرلەنگەن التىن پلاستينا نەگٸزٸندە دٷنيەگە كەلگەن. قويىلىمنىڭ ليبرەتتوسىن اقىن, قازاقستاننىڭ ەڭبەك سٸڭٸرگەن قايراتكەرٸ باقىت قايىربەكوۆ جازعان.
سپەكتاكلدە ادام مەن تابيعات اراسىنداعى ٷيلەسٸم, ۇرپاقتار ساباقتاستىعى جەنە ۇلتتىق قۇندىلىقتارعا ادالدىق تاقىرىپتارى كٶركەم تٸلمەن ٶرنەكتەلەدٸ. وقيعا جەلٸسٸ دالا قىزعالداعىنىڭ سۇلۋلىعىنان شابىت العان زەرگەردٸڭ تاعدىرى تٶڭٸرەگٸندە ٶربيدٸ. كەيٸپكەر ٶمٸرٸ ارقىلى تۋعان جەرگە سٷيٸسپەنشٸلٸك, اتا-بابا مۇراسىن قاستەرلەۋ جەنە دەستٷر جالعاستىعى يدەيالارى كٶرٸنٸس تابادى.
بالەت مۋزىكاسىنىڭ اۆتورى – قازاقستاننىڭ ەڭبەك سٸڭٸرگەن قايراتكەرٸ رەنات عايسين. قويۋشى-حورەوگراف رەتٸندە قازاقستاننىڭ ەڭبەك سٸڭٸرگەن قايراتكەرٸ, تەاتردىڭ باس بالەتمەيستەرٸ مۇقارام ەبۋباحريەۆا ەڭبەك ەتكەن. ال سپەكتاكل كەيٸپكەرلەرٸنٸڭ ساحنالىق بەينەسٸن سۋرەتشٸ ەيگەرٸم التىباساروۆا ەزٸرلەگەن كوستيۋمدەر تولىقتىرا تٷسەدٸ.
«التىن گٷل» قويىلىمىندا كلاسسيكالىق بالەت, نەوكلاسسيكا جەنە زاماناۋي بي ەلەمەنتتەرٸ ٷيلەسٸم تاۋىپ, كٶرەرمەنگە ەرەكشە ساحنالىق شەشٸم ۇسىنادى. سپەكتاكل تەاتردىڭ باس ديريجەرٸ ارمان ورازعاليەۆتٸڭ جەتەكشٸلٸگٸمەن ٶتەدٸ.
تەاتر ۇجىمى جاڭا تۋىندى ارقىلى قازاق حالقىنىڭ تاريحي مۇراسى مەن مەدەني قۇندىلىقتارىن زاماناۋي ٶنەر تٸلٸمەن تانىستىرۋدى ماقسات ەتٸپ وتىر.
