قر پرەمەر-مينيسترٸ اسقار مامين ماڭعىستاۋ وبلىسىنا جۇمىس ساپارى بارىسىندا ٶڭٸردٸڭ ەلەۋمەتتٸك-ەكونوميكالىق دامۋ مەسەلەلەرٸ جٶنٸندە كەڭەس ٶتكٸزدٸ, دەپ حابارلايدى primeminister.kz.
ٶڭٸر ەكٸمٸ سەرٸكباي ترۇموۆ, ەنەرگەتيكا مينيسترٸ نۇرلان نوعاەۆ, اۋىل شارۋاشىلىعى مينيسترٸ ساپارحان وماروۆ, ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ, ەڭبەك جەنە حالىقتى ەلەۋمەتتٸك قورعاۋ مينيسترٸ سەرٸك شەپكەنوۆ, يندۋسترييا جەنە ينفراقۇرىلىمدىق دامۋ بٸرٸنشٸ ۆيتسە-مينيسترٸ قايىربەك ٶسكەنباەۆ, قارجى بٸرٸنشٸ ۆيتسە-مينيسترٸ بەرٸك شولپانقۇلوۆ, مەدەنيەت جەنە سپورت ۆيتسە-مينيسترٸ عابيدوللا ەبدٸراحىموۆ, پرەمەر-مينيستردٸڭ ورىنباسارى رومان سكليار بايانداما جاسادى.
جاڭاٶزەن قالاسىندا قۋاتتىلىعى 1 ملرد تەكشە مەترگە دەيٸن بولاتىن جاڭا گاز ٶڭدەۋ زاۋىتىن سالۋ, ٶڭٸردٸڭ قولدانىستاعى ماگيسترالدىق جەنە تاراتۋشى گاز جەلٸلەرٸن رەكونسترۋكتسييالاۋ مەسەلەلەرٸ تالقىلاندى.
ماڭعىستاۋ وبلىسىنىڭ حالقىن اۋىز سۋمەن قامتاماسىز ەتۋ شەڭبەرٸندە «كاسپيي» تۇششىلاندىرۋ زاۋىتىن قايتا جاڭارتۋ جەنە كەڭەيتۋ (ٶنٸمدٸلٸگٸ تەۋلٸگٸنە 40 مىڭ تەكشە مەترگە دەيٸن ارتتىرىلاتىن بولادى), «قاراجانباس» قۋاتىن تەۋلٸگٸنە 17 مىڭ تەكشە مەترگە ۇلعايتۋ, جاڭاٶزەن قالاسىن سۋمەن قامتاماسىز ەتۋ مەسەلەلەرٸن شەشەتٸن جەنە قۋاتى تەۋلٸگٸنە 50 مىڭ تەكشە مەترگە جەتەتٸن «كەندٸرلٸ» تۇششىلاندىرۋ زاۋىتىن سالۋ جٷزەگە اسىرىلادى. قوسىمشا سۋمەن جابدىقتاۋ مەن كەرٸزدٸڭ جاڭا جەلٸلەرٸ سالىنادى, كتق قايتا جاڭارتىلىپ, جالپى قۋاتى تەۋلٸگٸنە 70 مىڭ تەكشە مەترگە دەيٸن جەتكٸزٸلەدٸ.
بيىل «اقتاۋ-فورت شەۆچەنكو» جولىن قايتا جاڭارتۋدى اياقتاۋ جوسپارلانۋدا, قاجەتتٸ ينجەنەرلٸك كوممۋنيكاتسييالاردى جٷرگٸزە وتىرىپ, 1,3 ملن شارشى مەتر تۇرعىن ٷي سالىناتىن بولادى.
2021 جىلدىڭ ناۋرىز ايىندا «قوشقار اتا» قالدىق قويماسىن قالپىنا كەلتٸرۋ باستالادى. جوبا ٷش جىل ٸشٸندە اياقتالادى جەنە تاريحي قالدىقتاردى ورنالاستىرۋمەن بايلانىستى ەكولوگييالىق پروبلەمانى شەشۋگە مٷمكٸندٸك بەرەدٸ.
ماڭعىستاۋ وبلىسىنىڭ ازىق-تٷلٸك قاۋٸپسٸزدٸگٸن ارتتىرۋ مەسەلەلەرٸ قارالدى. ٶڭٸردە بٸرقاتار اٶك ينۆەستيتسييالىق جوبالارى ٸسكە اسىرىلۋدا. سونىڭ بٸرٸ — قۋاتى جىلىنا 5 مىڭ توننا قۇس ەتٸن ٶندٸرەتٸن «اقتاۋ اگرو» جوباسى. ونى ا. ج. II توقسانىندا ٸسكە قوسۋ جوسپارلانعان. جوبانى جٷزەگە اسىرۋ ٶڭٸردٸڭ قۇس ەتٸمەن قامتاماسىز ەتٸلۋٸن 45%-عا دەيٸن ارتتىرۋعا مٷمكٸندٸك بەرەدٸ.
ماڭعىستاۋ وبلىسىنىڭ حالقىنىڭ جۇمىسپەن قامتىلۋىن قامتاماسىز ەتۋ جەنە تابىسىن ارتتىرۋ, ەڭبەك نارىعىنىڭ قازٸرگٸ جاعدايىن ەسكەرە وتىرىپ, تۋريستٸك سەكتور ٷشٸن جەرگٸلٸكتٸ كادرلاردى دايارلاۋ مەسەلەلەرٸ تالقىلاندى.
2020 جىلدىڭ قورىتىندىسى بويىنشا ماڭعىستاۋ وبلىسىنىڭ نەگٸزگٸ كاپيتالىنا سالىنعان ينۆەستيتسييالار 2019 جىلمەن سالىستىرعاندا 2,9%-عا – 576,4 ملرد تەڭگەگە دەيٸن ٶستٸ. قۇرىلىس جۇمىستارىنىڭ كٶلەمٸ 206,3 ملرد تەڭگەنٸ قۇرادى (+12,2%), 1,19 ملن شارشى مەتر تۇرعىن ٷي پايدالانۋعا بەرٸلدٸ (+1,5%).
ماڭعىستاۋ وبلىسى قازاقستاننىڭ پەرسپەكتيۆالى تۋريستٸك ايماقتارىنىڭ توپ-10 قۇرامىنا كٸرەدٸ. 2020 جىلى تۋريزم سالاسىنداعى نەگٸزگٸ كاپيتالعا سالىنعان ينۆەستيتسييالار كٶلەمٸ 71,8 ملرد تەڭگەگە جەتتٸ. بيىل ماڭعىستاۋ وبلىسىنىڭ تۋريستٸك ينفراقۇرىلىمىن دامىتۋعا 400 ملرد تەڭگەدەن استام ينۆەستيتسييا تارتۋ كٶزدەلگەن.
«جاڭا جۇمىس ورىندارىن قۇرۋعا, حالىقتىڭ تۇرمىس ساپاسى مەن ەل-اۋقاتىن ارتتىرۋعا ىقپال ەتەتٸن دامۋدىڭ جاڭا جوبالارىنا ينۆەستيتسييا تارتۋ كٶلەمٸن ۇلعايتۋ قاجەت», - دەدٸ ا. مامين.
جۇمىس ساپارى اياسىندا ا. مامين اقتاۋ قالاسىنىڭ كۋرورتتىق ايماعىن دامىتۋ جوبالارىنىڭ (Fairmont, Double Tree by Hilton, Aqualina Resort برەندتەرٸمەن قوناق ٷيلەر, تاقىرىپتىق ويىن-ساۋىق پاركٸ) ٸسكە اسىرىلۋىن تەكسەرٸپ, جوسپارلانعان ينفراقۇرىلىم قۇرىلىسىنىڭ ۋاقىتىلى اياقتالۋىن قامتاماسىز ەتۋدٸ تاپسىردى.
