QR Premer-Ministri Asqar Mamin Mańǵystaý oblysyna jumys sapary barysynda óńirdiń áleýmettik-ekonomikalyq damý máseleleri jóninde keńes ótkizdi, dep habarlaidy primeminister.kz.
Óńir ákimi Serikbai Trumov, energetika ministri Nurlan Noǵaev, aýyl sharýashylyǵy ministri Saparhan Omarov, ekologiia, geologiia jáne tabiǵi resýrstar ministri Maǵzum Myrzaǵaliev, eńbek jáne halyqty áleýmettik qorǵaý ministri Serik Shápkenov, indýstriia jáne infraqurylymdyq damý birinshi vitse-ministri Qaiyrbek Óskenbaev, qarjy birinshi vitse-ministri Berik Sholpanqulov, mádeniet jáne sport vitse-ministri Ǵabidolla Ábdirahymov, Premer-Ministrdiń orynbasary Roman Skliar baiandama jasady.
Jańaózen qalasynda qýattylyǵy 1 mlrd tekshe metrge deiin bolatyn jańa gaz óńdeý zaýytyn salý, óńirdiń qoldanystaǵy magistraldyq jáne taratýshy gaz jelilerin rekonstrýktsiialaý máseleleri talqylandy.
Mańǵystaý oblysynyń halqyn aýyz sýmen qamtamasyz etý sheńberinde «Kaspii» tushylandyrý zaýytyn qaita jańartý jáne keńeitý (ónimdiligi táýligine 40 myń tekshe metrge deiin arttyrylatyn bolady), «Qarajanbas» qýatyn táýligine 17 myń tekshe metrge ulǵaitý, Jańaózen qalasyn sýmen qamtamasyz etý máselelerin sheshetin jáne qýaty táýligine 50 myń tekshe metrge jetetin «Kendirli» tushylandyrý zaýytyn salý júzege asyrylady. Qosymsha sýmen jabdyqtaý men kárizdiń jańa jelileri salynady, KTQ qaita jańartylyp, jalpy qýaty táýligine 70 myń tekshe metrge deiin jetkiziledi.
Biyl «Aqtaý-Fort Shevchenko» jolyn qaita jańartýdy aiaqtaý josparlanýda, qajetti injenerlik kommýnikatsiialardy júrgize otyryp, 1,3 mln sharshy metr turǵyn úi salynatyn bolady.
2021 jyldyń naýryz aiynda «Qoshqar ata» qaldyq qoimasyn qalpyna keltirý bastalady. Joba úsh jyl ishinde aiaqtalady jáne tarihi qaldyqtardy ornalastyrýmen bailanysty ekologiialyq problemany sheshýge múmkindik beredi.
Mańǵystaý oblysynyń azyq-túlik qaýipsizdigin arttyrý máseleleri qaraldy. Óńirde birqatar AÓK investitsiialyq jobalary iske asyrylýda. Sonyń biri — qýaty jylyna 5 myń tonna qus etin óndiretin «Aqtaý agro» jobasy. Ony a. j. II toqsanynda iske qosý josparlanǵan. Jobany júzege asyrý óńirdiń qus etimen qamtamasyz etilýin 45%-ǵa deiin arttyrýǵa múmkindik beredi.
Mańǵystaý oblysynyń halqynyń jumyspen qamtylýyn qamtamasyz etý jáne tabysyn arttyrý, eńbek naryǵynyń qazirgi jaǵdaiyn eskere otyryp, týristik sektor úshin jergilikti kadrlardy daiarlaý máseleleri talqylandy.
2020 jyldyń qorytyndysy boiynsha Mańǵystaý oblysynyń negizgi kapitalyna salynǵan investitsiialar 2019 jylmen salystyrǵanda 2,9%-ǵa – 576,4 mlrd teńgege deiin ósti. Qurylys jumystarynyń kólemi 206,3 mlrd teńgeni qurady (+12,2%), 1,19 mln sharshy metr turǵyn úi paidalanýǵa berildi (+1,5%).
Mańǵystaý oblysy Qazaqstannyń perspektivaly týristik aimaqtarynyń TOP-10 quramyna kiredi. 2020 jyly týrizm salasyndaǵy negizgi kapitalǵa salynǵan investitsiialar kólemi 71,8 mlrd teńgege jetti. Biyl Mańǵystaý oblysynyń týristik infraqurylymyn damytýǵa 400 mlrd teńgeden astam investitsiia tartý kózdelgen.
«Jańa jumys oryndaryn qurýǵa, halyqtyń turmys sapasy men ál-aýqatyn arttyrýǵa yqpal etetin damýdyń jańa jobalaryna investitsiia tartý kólemin ulǵaitý qajet», - dedi A. Mamin.
Jumys sapary aiasynda A. Mamin Aqtaý qalasynyń kýrorttyq aimaǵyn damytý jobalarynyń (Fairmont, Double Tree by Hilton, Aqualina Resort brendterimen qonaq úiler, taqyryptyq oiyn-saýyq parki) iske asyrylýyn tekserip, josparlanǵan infraqurylym qurylysynyń ýaqytyly aiaqtalýyn qamtamasyz etýdi tapsyrdy.
