قر مەدەنيەت جەنە سپورت مينيسترٸ ارىستانبەك مۇحامەديۇلى مەملەكەت باسشىسىنىڭ تاپسىرماسىنا سەيكەس قازاقستانداعى تۋريزمدٸ دامىتۋعا بار كٷش-جٸگەرٸن سالۋعا ۋەدە بەردٸ, دەپ حابارلايدى قازاقپارات.
«تۋريزم ەلٸمٸزدەگٸ كەسٸپكەرلٸكتٸڭ دامۋىنا جاڭا قارقىن بەرەتٸن بولادى. نۇرسۇلتان نازارباەۆ پارلامەنت پالاتالارىنىڭ بٸرلەسكەن وتىرىسىندا بيىلعى جىلى 2023 جىلعا دەيٸنگٸ تۋريزمدٸ دامىتۋدىڭ مەملەكەتتٸك باعدارلاماسىن جاساۋعا تاپسىرما بەردٸ. تۋريزم سالاسى قازاقستانداعى كەسٸپكەرلٸكتٸڭ دامۋىنا تىڭ قارقىن بەرمەك. باسقا مەملەكەتتەر ٷلگٸسٸن بەتكە ۇستاپ, ەلٸمٸزدٸڭ جٸٶ تۋريزمنٸڭ ٷلەسٸن ۇلعايتۋدى كٶزدەپ وتىرمىز. الدىن-الا ەسەبٸمٸز بويىنشا, 2023 جىلعا تۋريزم ٷلەسٸ 8 پايىز (جالپى ٸشكٸ ٶنٸمدە- اۆت.) بولماق», - دەيدٸ مينيستر.
ارىستانبەك مۇحامەديۇلىنىڭ جازۋىنشا, ەلباسى اتاپ ٶتكەندەي, تۋريزمدٸ دامىتۋ باعدارلاماسى بيىلعى جىلدىڭ اياعىنا دەيٸن قابىلدانۋى تيٸس. ول قارجى, زاڭناما تۇرعىسىنان نەگٸزدەلۋٸ كەرەك. وسى جىلدىڭ اياعىنا دەيٸن تۋريستٸك قىزمەت تۋرالى زاڭناماعا ٶزگەرٸس ەنگٸزۋ قاجەت. «نۇرسۇلتان نازارباەۆ ماقساتتى تٷردە دەمالىس جەنە تۋريستٸك ورىندارمەن تانىستى: «ولار شىنىمەن ناقتى, الايدا تۋريزم ينفراقۇرىلىمىنا ٷلەس قوسۋ مەسەلەسٸن جولعا قويۋ قاجەت. بيزنەس تە وسىندا كەلۋگە دايىن. ماقسات ايقىن, قولداۋ ٷشٸن العىسىمىز شەكسٸز, كٷش-جٸگەرمەن تۋريزم سالاسىن دامىتۋدى جالعاستىرامىز!», - دەدٸ ارىستانبەك مۇحامەديۇلى.
ەسكە سالا كەتسەك, بٷگٸن استانادا مەملەكەت باسشىسى نۇرسۇلتان نازارباەۆتىڭ قاتىسۋىمەن قر پارلامەنتٸ پالاتالارىنىڭ بٸرلەسكەن وتىرىسى ٶتكەن بولاتىن. جيىن بارىسىندا پرەزيدەنت 2019 جىلدىڭ 1 قاڭتارىنان باستاپ جالاقىسى تٶمەن ازاماتتاردىڭ تابىس سالىعى 10 ەسەگە ازاياتىندىعىن ايتتى. سونداي-اق ەلباسى قۇزىرلى ورگان ٶكٸلدەرٸنە تۇرعىن ٷي-كوممۋنالدىق شارۋاشىلىق سالاسىندا قالىپتاسقان مەسەلەلەردٸ شەشۋدٸ تاپسىردى. پرەزيدەنت سٶزٸندە قازاقستانداعى تۋريزمنٸڭ مٷمكٸندٸكتەرٸنە دە باعا بەردٸ.
