QR Mádeniet jáne sport ministri Arystanbek Muhamediuly Memleket basshysynyń tapsyrmasyna sáikes Qazaqstandaǵy týrizmdi damytýǵa bar kúsh-jigerin salýǵa ýáde berdi, dep habarlaidy QazAqparat.
«Týrizm elimizdegi kásipkerliktiń damýyna jańa qarqyn beretin bolady. Nursultan Nazarbaev Parlament palatalarynyń birlesken otyrysynda biylǵy jyly 2023 jylǵa deiingi týrizmdi damytýdyń memlekettik baǵdarlamasyn jasaýǵa tapsyrma berdi. Týrizm salasy Qazaqstandaǵy kásipkerliktiń damýyna tyń qarqyn bermek. Basqa memleketter úlgisin betke ustap, elimizdiń JIÓ týrizmniń úlesin ulǵaitýdy kózdep otyrmyz. Aldyn-ala esebimiz boiynsha, 2023 jylǵa týrizm úlesi 8 paiyz (Jalpy ishki ónimde- avt.) bolmaq», - deidi ministr.
Arystanbek Muhamediulynyń jazýynsha, Elbasy atap ótkendei, týrizmdi damytý baǵdarlamasy biylǵy jyldyń aiaǵyna deiin qabyldanýy tiis. Ol qarjy, zańnama turǵysynan negizdelýi kerek. Osy jyldyń aiaǵyna deiin týristik qyzmet týraly zańnamaǵa ózgeris engizý qajet. «Nursultan Nazarbaev maqsatty túrde demalys jáne týristik oryndarmen tanysty: «olar shynymen naqty, alaida týrizm infraqurylymyna úles qosý máselesin jolǵa qoiý qajet. Biznes te osynda kelýge daiyn. Maqsat aiqyn, qoldaý úshin alǵysymyz sheksiz, kúsh-jigermen týrizm salasyn damytýdy jalǵastyramyz!», - dedi Arystanbek Muhamediuly.
Eske sala ketsek, búgin Astanada Memleket basshysy Nursultan Nazarbaevtyń qatysýymen QR Parlamenti palatalarynyń birlesken otyrysy ótken bolatyn. Jiyn barysynda Prezident 2019 jyldyń 1 qańtarynan bastap jalaqysy tómen azamattardyń tabys salyǵy 10 esege azaiatyndyǵyn aitty. Sondai-aq Elbasy quzyrly organ ókilderine turǵyn úi-kommýnaldyq sharýashylyq salasynda qalyptasqan máselelerdi sheshýdi tapsyrdy. Prezident sózinde Qazaqstandaǵy týrizmniń múmkindikterine de baǵa berdi.
