مەملەكەت باسشىسى قاسىم-جومارت توقاەۆ ارىستاعى جارىلىسقا بايلانىستى تاپسىرما بەردٸ, دەپ حابارلايدى "ۇلت اقپارات".
ارىستاعى جارىلىستى تەرگەۋ بويىنشا ارنايى كوميسسييا جۇمىس ٸستەپ جاتقانىنا توقتالعان پرەزيدەنت «كوميسسييا جۇمىسىنىڭ قورىتىندىسى بويىنشا پرەزيدەنت ەكٸمشٸلٸگٸنە, قاۋٸپسٸزدٸك كەڭەسٸنە بارلىق كٸنەلٸلەردٸ قاتاڭ جازالاۋ بويىنشا ۇسىنىس ەنگٸزۋ كەرەك. ونىڭ ٸشٸندە قاۋٸپتٸلٸگٸ جوعارى نىساندارعا تىم جاقىن جەرگە قۇرىلىس جٷرگٸزۋگە رۇقسات بەرگەن, ياعني جاۋاپسىزدىق تانىتقان ازاماتتىق مەملەكەتتٸك قىزمەتشٸلەر دە جازالانۋى تيٸس», - دەدٸ پرەزيدەنت ٷكٸمەتتٸڭ كەڭەيتٸلگەن وتىرىسىندا.
«بۇل جۇمىستى 10 تامىزعا دەيٸن جٷرگٸزۋ كەرەك, تيٸستٸ ۇسىنىستاردى بەرٸڭٸزدەر. بارلىق كٸنەلٸلەر جازالانۋى تيٸس.
قورعانىس مينيسترلٸگٸنە باسقا وسىنداي نىساندار بويىنشا اناليز جاساۋدى تاپسىرامىن. ونىڭ قورىتىندىسى تۋرالى اقپاراتتى 20 تامىزعا دەيٸن جەتكٸزسٸن... بولعان وقيعادان قورىتىندى شىعارۋ كەرەك. بۇدان بىلاي مۇنداي جاعدايلار قايتالانباۋ كەرەك», - دەدٸ قاسىم-جومارت توقاەۆ.
