Memleket basshysy Qasym-Jomart Toqaev Arystaǵy jarylysqa bailanysty tapsyrma berdi, dep habarlaidy "Ult aqparat".
Arystaǵy jarylysty tergeý boiynsha arnaiy komissiia jumys istep jatqanyna toqtalǵan Prezident «Komissiia jumysynyń qorytyndysy boiynsha Prezident Ákimshiligine, Qaýipsizdik Keńesine barlyq kinálilerdi qatań jazalaý boiynsha usynys engizý kerek. Onyń ishinde qaýiptiligi joǵary nysandarǵa tym jaqyn jerge qurylys júrgizýge ruqsat bergen, iaǵni jaýapsyzdyq tanytqan azamattyq memlekettik qyzmetshiler de jazalanýy tiis», - dedi Prezident Úkimettiń keńeitilgen otyrysynda.
«Bul jumysty 10 tamyzǵa deiin júrgizý kerek, tiisti usynystardy berińizder. Barlyq kináliler jazalanýy tiis.
Qorǵanys ministrligine basqa osyndai nysandar boiynsha analiz jasaýdy tapsyramyn. Onyń qorytyndysy týraly aqparatty 20 tamyzǵa deiin jetkizsin... Bolǵan oqiǵadan qorytyndy shyǵarý kerek. Budan bylai mundai jaǵdailar qaitalanbaý kerek», - dedi Qasym-Jomart Toqaev.
