كٶرنەكٸ سۋرەت: pixabay.com
16 قىركٷيەكتە تەۋلٸكتٸك ناريادتا قىزمەت ٶتكەرۋ كەزٸندە ارىس گارنيزونىنىڭ ەسكەري بٶلٸمدەرٸنٸڭ بٸرٸنٸڭ كەلٸسٸمشارتى بويىنشا ەسكەري قىزمەتشٸ باسىنان قارۋدان جاراقات العان, دەپ حابارلايدى NUR.KZ باسىلىمى شىمكەنت گارنيزونىنىڭ باسپاسٶز قىزمەتٸنە سٸلتەمە جاساپ.
"الدىن الا اقپارات بويىنشا, كەلٸسٸمشارت بويىنشا ەسكەري قىزمەتشٸ وتباسىلىق-تۇرمىستىق جانجال اياسىندا ٶز-ٶزٸنە قول جۇمساماق بولعان. كەلٸسٸمشارت بويىنشا ەسكەري قىزمەتشٸ اۋداندىق اۋرۋحاناعا جەتكٸزٸلدٸ, وعان بارلىق قاجەتتٸ مەديتسينالىق كٶمەك كٶرسەتٸلەدٸ.
قازٸرگٸ ۋاقىتتا دەنساۋلىق جاعدايى تۇراقتى اۋىر دەپ باعالانادى. ٶمٸرگە قاۋٸپ تٶنٸپ تۇرعان جوق", - دەدٸ شىمكەنت گارنيزونىنىڭ باسپاسٶز قىزمەتٸ جاراقات الۋ فاكتٸسٸ بويىنشا قىلمىستىق ٸس قوزعالدى, تەرگەۋ شارالارى جٷرگٸزٸلۋدە.
ايتا كەتەيٸك, جەزقازعان قالاسىنداعى 6505 ەسكەري بٶلٸمٸنٸڭ وقۋ پوليگونىندا جاۋىنگەرلٸك وقۋ-جاتتىعۋ كەزٸندە بٸر ەسكەري قىزمەتشٸ جەڭٸل جاراقات العانىن جازعان بولاتىنبىز.
