ارىس اۋماعىن وق-دەرٸلەردەن تازارتۋعا 5 جىل كەتۋٸ مٷمكٸن. بۇل تۋرالى سەرسەنبٸ كٷنگٸ ونلاين-بريفينگ كەزٸندە قازاقستان قارۋلى كٷشتەرٸ باس شتابى باستىعىنىڭ بٸرٸنشٸ ورىنباسارى رۋسلان شپەكباەۆ حابارلادى.
"[وق-دەرٸلەردەن تازارتۋ جۇمىستارى] تەز اياقتالادى دەپ ايتۋ ەرتە. بٸراق ەكٸ-ٷش-بەس جىل كٶلەمٸندە بٸتٸپ قالار" دەدٸ شپەكباەۆ.
ول قارۋلى كٷشتەردٸڭ تازارتۋ جۇمىستارىن تەز اياقتاۋعا تىرىسىپ وتىرماعانىن, ەڭ باستىسى "الداعى ۋاقىتتا ەشكٸم زارداپ شەكپەيتٸندەي ەربٸر اۋماقتى كەزەڭ-كەزەڭ بويىنشا مۇقييات تازالاۋ" ەكەنٸن اتاپ ٶتتٸ.
بىلتىر ماۋسىم ايىندا ارىس قالاسىنداعى ەسكەري بٶلٸمنٸڭ وق-دەرٸ قويماسى جارىلىپ, 4 ادام قازا بولىپ, ونداعان ادام جاراقاتتانعان بولاتىن. مىڭداعان ٷيگە زاقىم كەلٸپ, ارىستىڭ 40 مىڭنان استام تۇرعىنى شىمكەنت قالاسى مەن تٶڭٸرەگٸندەگٸ ەلدٸمەكەندەرگە ەۆاكۋاتسييالانعان ەدٸ.
سەرسەنبٸ كٷنگٸ ونلاين-بريفينگ كەزٸندە تٶمەندەگٸدەي مەلٸمەت ايتىلدى:
- جارىلىس بولعان اۋماق 500 گەكتار جەردٸ قۇرايدى. 133 گەكتار (28,5 پايىزى) اۋماقتىڭ ٷستٸڭگٸ بەتٸ تازارتىلعان;
- بٸر جىل ٸشٸندە ارىستان شامامەن 380 مىڭ وق-دەرٸ فراگمەنتٸ ەكەتٸلگەن, ولاردىڭ 300 مىڭى - جارىلۋى مٷمكٸن بٶلشەكتەر;
- وق-دەرٸ بٶلشەكتەرٸن جويۋ بويىنشا نەگٸزگٸ جۇمىس ارىس قالاسىنان 50 شاقىرىم جەردەگٸ "باستارما" پوليگونىندا جٷرگٸزٸلەدٸ;
- موبيلدٸك ساپەرلەر توبىنا جەرگٸلٸكتٸ تۇرعىندار تاراپىنان 740 ٶتٸنٸش تٷسكەن, 4,5 مىڭ وق-دەرٸ بٶلشەگٸ زالالسىزداندىرىلعان.
بۇعان قوسا, بريفينگ كەزٸندە ارىس قالاسىنىڭ ينفراقۇرىلىمى "90 پايىز قالپىنا كەلتٸرٸلگەنٸ" ايتىلدى. ارىس قالاسى ەكٸمٸنٸڭ ايتۋىنشا, 8 مىڭعا جۋىق ٷيگە جٶندەۋ جٷرگٸزٸلگەن. "كەيبٸر ٷيلەردٸڭ ساپاسىز جٶندەلگەنٸ نەمەسە سالىنعانى تۋرالى" شاعىمدارعا بايلانىستى جاۋاپ بەرگەن ارىس قالاسىنىڭ ەكٸمٸ مۇرات قادىربەك "بٸرەن-ساران وسىنداي جاعدايلار بولۋى مٷمكٸن. بۇل مەسەلە زاڭ شەڭبەرٸندە شەشٸلەدٸ. ەگەر تۇرعىن جٶندەۋ جۇمىستارىنان كەيٸن ٷيٸنەن بەلگٸلٸ بٸر جاسىرىن اقاۋلار تاپسا, بٸز مەردٸگەر كومپانييانى شاقىرىپ, جٶندەۋ جۇمىستارىن جٷرگٸزٸپ بەرەمٸز" دەدٸ.
شامامەن ەكٸ اپتا بۇرىن شىمكەنتتەگٸ ەسكەري گارنيزون سوتىندا جارىلىسقا بايلانىستى قوزعالعان ٸس بويىنشا سوت باستالعان ەدٸ. بۇل ٸستە 16 ايىپتالۋشى, 1 500 جەبٸرلەنۋشٸ بار.
