«ارسەلورميتتال تەمٸرتاۋ» اق كومپانيياسىنىڭ باسشىلىعى مەن قىزمەتكەرلەرٸ بٷگٸن تاڭەرتەڭ شاحتينسك قالاسىندا قازا تاپقان كەنشٸلەردٸڭ تۋىستارى مەن جاقىندارىنا كٶڭٸل ايتتى.
«قازا تاپقانداردىڭ وتباسىنا تولىق كٶلەمدە كٶمەك كٶرسەتٸلەدٸ. جەرلەۋ رەسٸمٸنٸڭ بارلىق شىعىندارىن كومپانييا ٶز موينىنا الادى», - دەلٸنگەن «ارسەلورميتتال تەمٸرتاۋ» اق حابارلاماسىندا.
كومپانييا باسشىلىعى «قازاقستان» شاحتاسىنداعى ٷش كەنشٸ قازا تاپقان قايعىلى جاعدايدىڭ مەن-جايىن حابارلادى.
وقيعا تاڭەرتەڭ بولعان. 31 تامىز كٷنٸ تاڭعى ساعات تٶرتتەن ٶتە اگق (اۆتوماتتاندىرىلعان گاز قورعانىسى) وپەراتورى تاۋ ديسپەتچەرٸنە 332 د6-1-3 جەلدەتكٸش تٷيٸسٸمٸندە مەتان كەنجاردى باقىلاۋ تەتٸگٸنەن بايلانىس جوعالعانى تۋرالى جەنە شاحتانىڭ باتىس جەلدەتكٸش ۇڭعىسىندا مەتان دەڭگەيٸنٸڭ كٶتەرٸلگەنٸن حابارلاعان. شاحتا باسشىلىعى تەز ارادا جاعدايدى انىقتاۋ شارالارىن جٷرگٸزگەن: كەنجارعا كەسٸبي ەسكەريلەندٸرٸلگەن اپاتتىق قۇتقارۋ قىزمەتٸنٸڭ ەكٸ بٶلٸمشەسٸ مەن سول ۋچاسكەنٸڭ تاۋ شەبەرٸن جٸبەرگەن.
تاڭعى ساعات 6-دا ٷڭگۋشٸلەر وسى كەنجاردان ٶلٸ كٷيٸندە تابىلدى. الدىن الا دەرەك بويىنشا قايعىلى جاعداي كەنەتتەن مەتاننىڭ (گاز ديناميكالىق قۇبىلىس) تارالۋى سالدارىنان بولعان. وقيعا كەزٸندە شاحتادا 132 ادام بولعان, ونىڭ 129-ى اپاتتى جويۋ جوسپارىنا سەيكەس ٶزدەرٸ جەردٸڭ بەتٸنە شىققان.
كەسٸبي ەسكەريلەندٸرٸلگەن اپاتتىق قۇتقارۋ قىزمەتٸنٸڭ 49 قىزمەتكەرٸ مەن 9 تەحنيكا اپاتتى جويۋ جۇمىستارىن جٷرگٸزۋگە تارتىلدى. شاحتاداعى جۇمىس ۋاقىتشا توقتاتىلدى. وقيعانىڭ مەن-جايىن انىقتاۋ ٷشٸن ارنايى مەملەكەتتٸك كوميسسييا قۇرىلدى, تەرگەۋ جٷرٸپ جاتىر. تەرگەۋ نەتيجەسٸ كوميسسييا جۇمىسى اياقتالعاننان كەيٸن بەلگٸلٸ بولادى.
