مەملەكەت باسشىسىنىڭ جىلۋ ماۋسىمىن تۇراقتى ەرٸ ٷزدٸكسٸز ٶتكٸزۋ جٶنٸندەگٸ تاپسىرمالارىن ورىنداۋ شەڭبەرٸندە قازاقستان رەسپۋبليكاسى ٷكٸمەتٸنٸڭ رەزەرۆٸنەن قوستاناي وبلىسىنىڭ ارقالىق قالاسىنداعى جىلۋ ماگيسترالٸن رەكونسترۋكتسييالاۋ جەنە ەلەكتر جەلٸلەرٸن جاڭارتۋ جوبالارىن اياقتاۋعا 5,8 ملرد تەڭگە بٶلٸندٸ, دەپ حابارلايدى ult.kz.
تيٸستٸ قاۋلىعا پرەمەر-مينيستر ولجاس بەكتەنوۆ قول قويدى.
بٶلٸنگەن قاراجات ەكٸ باعىت بويىنشا قاراستىرىلعان:
- 3 ملرد تەڭگە – قالانىڭ ەلەكتر جەلٸلەرٸن رەكونسترۋكتسييالاۋعا;
- 2,8 ملرد تەڭگە – ۇزىندىعى 8,3 شاقىرىم جىلۋ ماگيسترالٸن جاڭعىرتۋ جۇمىستارىن اياقتاۋعا.
اتالعان جۇمىستاردى جٷرگٸزۋ قاجەتتٸلٸگٸ ارقالىق قالاسىنداعى جىلۋ جەنە ەلەكترمەن جابدىقتاۋ جٷيەلەرٸنٸڭ توزۋ دەڭگەيٸنٸڭ جوعارى بولۋىنا بايلانىستى تۋىنداپ وتىر. ەنەرگەتيكالىق ينفراقۇرىلىم نىساندارىنىڭ ەدەۋٸر بٶلٸگٸ 1970 جىلداردان بەرٸ جۇمىس ٸستەپ كەلە جاتقاندىقتان كەشەندٸ جاڭارتۋدى قاجەت ەتەدٸ.
جىلۋمەن قامتۋ سالاسىندا 2025 جىلى ارقالىق قالاسىنىڭ جىلۋ جەلٸلەرٸن جٶندەۋگە 914 ملن تەڭگە باعىتتالدى. ونىڭ 645,5 ملن تەڭگەسٸ – ٷكٸمەت رەزەرۆٸنەن, قالعانى – وبلىستىق بيۋدجەتتەن. بٶلٸنگەن قاراجات ەسەبٸنەن 1,6 شاقىرىم جەلٸ جاڭارتىلدى.
جىلۋ ماگيسترالٸنٸڭ قالعان بٶلٸگٸن رەكونسترۋكتسييالاۋ جۇمىستارىن اياقتاۋ جىلۋ جەلٸلەرٸنٸڭ توزۋ دەڭگەيٸن 25%-عا تٶمەندەتٸپ, جالپى قالاداعى جىلۋمەن جابدىقتاۋ جٷيەسٸنٸڭ جۇمىس ٸستەۋ سەنٸمدٸلٸگٸن ارتتىرۋعا مٷمكٸندٸك بەرەدٸ.
ەلەكتر جەلٸلەرٸن جاڭارتۋ جوباسى اياسىندا ٷش قوسالقى ستانسانى رەكونسترۋكتسييالاۋ, 110, 35 جەنە 10 كۆ كەرنەۋلٸ ەلەكتر بەرۋ جەلٸلەرٸن سالۋدى جەنە رەكونسترۋكتسييالاۋ, ۇزىندىعى 37,8 شاقىرىم بولاتىن جەلٸلەردەگٸ اعاش باعانداردى تەمٸربەتون تٸرەكتەرگە اۋىستىرۋ جوسپارلانعان. بۇل شارالار قوستاناي وبلىسىنىڭ ارقالىق قالاسىنىڭ, جانگەلدين جەنە امانگەلدٸ اۋداندارىنىڭ 58 مىڭ تۇرعىنىن تۇراقتى ەلەكترمەن جابدىقتاۋدى قامتاماسىز ەتەدٸ.
جالپى, ٷكٸمەت قابىلداپ وتىرعان ينفراقۇرىلىمدى جاڭعىرتۋ شارالارى ٶڭٸردٸڭ تٸرشٸلٸكتٸ قامتاماسىز ەتۋ جٷيەلەرٸنٸڭ تۇراقتىلىعىن ارتتىرۋعا, حالىقتىڭ ٶمٸر سٷرۋ ساپاسىن جاقسارتۋعا جەنە ارقالىق قالاسى مەن وعان ٸرگەلەس اۋدانداردىڭ ودان ەرٸ ەلەۋمەتتٸك-ەكونوميكالىق دامۋىنا نەگٸز قالىپتاستىرۋعا باعىتتالعان.
