فوتو: ساۋدا جەنە ينتەگراتسييا مينيسترلٸگٸ
21 قاڭتار, سەنبٸ كٷنٸ ساۋدا جەنە ينتەگراتسييا بٸرٸنشٸ ۆيتسە-مينيسترٸ ارمان شاكقاليەۆ ەلەۋمەتتٸك ماڭىزى بار ازىق-تٷلٸك تاۋارلارىنىڭ (ەمات) باعاسىن تەجەۋ مەسەلەلەرٸ بويىنشا كەڭەس ٶتكٸزدٸ, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
ساۋدا كوميتەتٸنٸڭ مەلٸمەتٸ بويىنشا, ٶتكەن اپتادا نەگٸزٸنەن كٶكٶنٸستەرگە باعانىڭ ٶسۋٸ بايقالدى. اتاپ ايتقاندا, پيياز باعاسى 5,5% -عا, سەبٸز 1,3%-عا, كارتوپ 1%-عا قىمباتتادى.
قر اۋىل شارۋاشىلىعى ۆيتسە-مينيسترٸ باعلان بەكباۋوۆ ٶڭٸرلٸك تۇراقتاندىرۋ قورلارى مەن اعىمداعى قورلاردىڭ رەزەرۆتەرٸن قالىپتاستىرۋ بويىنشا جٷرگٸزٸلٸپ جاتقان جۇمىستاردىڭ نەتيجەلەرٸن ۇسىندى. حالىقتىڭ كٶكٶنٸستەرگە دەگەن قاجەتتٸلٸگٸن قامتاماسىز ەتۋ ٷشٸن 20,4 مىڭ توننا پيياز, 23,5 مىڭ توننا سەبٸز, 17,1 مىڭ توننا قىرىققابات ساتىپ الىندى. ەكٸمدٸكتەردٸڭ دەرەكتەرٸنە سەيكەس, ٶڭٸرلەردە وسى كەزەڭگە شامامەن 78,5 مىڭ توننا كارتوپ, ونىڭ ٸشٸندە فورۆاردتىق شارتتار شەڭبەرٸندە – 36 مىڭ توننا, "اينالىم سحەمالارى" بويىنشا – 42,5 مىڭ توننا كەلٸسٸمشارت جاسالدى. 2023 جىلدىڭ مامىر-ماۋسىم ايلارىندا ٸشكٸ نارىقتىڭ قاجەتتٸلٸگٸ تٷركٸستان وبلىسىنىڭ ەرتە كارتوپىنا كەلٸسٸمشارت جاساۋ جەنە وڭتٷستٸك ەلدەردەن يمپورتتىق جەتكٸزٸلٸمدەر ەسەبٸنەن قامتاماسىز ەتٸلەتٸن بولادى.
"قر اشم ەرتە كٶكٶنٸستەردٸ ساتىپ الۋدى قامتاماسىز ەتۋ ٷشٸن تٷركٸستان وبلىسىنىڭ اۋىل شارۋاشىلىعى باسقارماسىمەن بٸرلەسٸپ كٶشپەلٸ كەڭەس ۇيىمداستىردى, وندا بارلىق ٶڭٸرلەردٸڭ ٶكٸلدەرٸ قاتىستى, قورىتىندىسى بويىنشا ٶڭٸرلٸك ەكك قازاقستاندىق ەرتە كٶكٶنٸس ٶندٸرۋشٸلەرمەن نيەت شارتتارىن جاساستى", - دەپ حابارلادى قر اۋىل شارۋاشىلىعى ۆيتسە-مينيسترٸ.
وسىلايشا, 2022 جىلعى ەگٸننەن قالىپتاسقان رەزەرۆتەر "ساتىپ الۋ باعاسى + ساقتاۋ شىعىندارى" باعا اۋقىمىندا 2023 جىلدىڭ سەۋٸر ايىنىڭ سوڭىنا دەيٸن ٶڭٸرلەردٸڭ قاجەتتٸلٸكتەرٸن قامتاماسىز ەتۋگە مٷمكٸندٸك بەرەدٸ. بۇل ماۋسىمارالىق كەزەڭدە باعانىڭ كٷرت اۋىتقۋىن بولدىرماۋعا مٷمكٸندٸك بەرەدٸ, ال مامىردان ماۋسىمعا دەيٸن بٶلشەك ساۋدادا جاڭا ٶنٸم ٶتكەن جىلدىڭ سەيكەس كەزەڭٸنە قاراعاندا تٶمەن باعامەن قول جەتٸمدٸ بولادى. تەجٸكستانمەن ماۋسىمارالىق كەزەڭدە 6 مىڭ توننا ەرتە پييازدى كەپٸلدەندٸرٸلگەن جەتكٸزۋ تۋرالى كەلٸسٸمگە قول قويىلدى. وسىعان ۇقساس كەلٸسٸمشارتتار پەكٸستانمەن جەنە ٶزبەكستانمەن پىسىقتالۋدا.
"ٶتكەن اپتادا الداعى ماۋسىمعا ارنالعان كٶكٶنٸستەردٸڭ ينديكاتيۆتٸ باعالارىن قالىپتاستىرۋ ٷشٸن بٸز بارلىق ٶڭٸرلەرگە كەلەسٸ فاكتورلاردى ەسكەرەتٸن ەسەپتەۋلەر جٸبەردٸك: 2022 جىلعى 27 جەلتوقسانداعى جاعداي بويىنشا كٶكٶنٸستەردٸڭ باعاسى بويىنشا ۇلتتىق ستاتيستيكا بيۋروسىنىڭ دەرەكتەرٸ, ساتىپ الۋ, ساقتاۋ باعاسى, كٶلٸك شىعىندارى جەنە ساۋدا ٷستەمەسٸ ەسكەرٸلگەن. بۇل 2022 جىلعى ەگٸننٸڭ ينديكاتيۆتٸ باعاسىن ەسەپتەۋ فورمۋلاسى. "نارىقتىق باعا+ساۋدا ٷستەمەسٸ" فورمۋلاسى بيىلعى ەگٸنگە قولدانىلماۋى كەرەك. تەك وسىلاي عانا بٸز بولجام جاساي الامىز جەنە ينفلياتسييانىڭ قولايلى دەلٸزٸن قالىپتاستىرا الامىز. ەندٸ ٶڭٸرلەرگە قىسقا مەرزٸمدە, كەلەسٸ اپتانىڭ ورتاسىنا دەيٸن كٶكٶنٸستەردٸڭ ينديكاتيۆتٸ باعاسىن قالىپتاستىرۋ قاجەت. اشم-نٸڭ ەلەۋمەتتٸك ماڭىزى بار ازىق-تٷلٸك تاۋارلارىنا باعالاردى تۇراقتاندىرۋ تەتٸكتەرٸن ٸسكە اسىرۋدىڭ ٷلگٸلٸك قاعيدالارىندا بارلىعى باعا مونيتورينگٸ مەن ينديكاتيۆتٸك دەرەكتەر نەگٸزٸندە تۇراقتاندىرۋ قورلارى قانداي جاعدايلاردا جۇمىس ٸستەيتٸنٸ جەنە ينتەرۆەنتسييالار جٷرگٸزٸلەتٸنٸ ناقتى جازىلعان. بٸراق سٸزدەردە ينديكاتيۆتەر بولماسا, قالاي جۇمىس ٸستەيسٸزدەر?, - دەپ ارمان شاكقاليەۆ تٷيٸندەدٸ.
كەڭەس قورىتىندىسى بويىنشا ساۋدا جەنە ينتەگراتسييا بٸرٸنشٸ ۆيتسە-مينيسترٸ بارلىق ٶڭٸرلەرگە تٷركٸستان وبلىسىنىڭ ەكٸمدٸگٸمەن بٸرلەسٸپ 5 كٷن مەرزٸمدە ەرتە كٶكٶنٸس ٶندٸرۋشٸلەرمەن فورۆاردتىق شارتتار جاساسۋ بويىنشا جۇمىس جٷرگٸزۋدٸ تاپسىردى.
