Foto: Saýda jáne integratsiia ministrligi
21 qańtar, senbi kúni Saýda jáne integratsiia birinshi vitse-ministri Arman Shakqaliev áleýmettik mańyzy bar azyq-túlik taýarlarynyń (ÁMAT) baǵasyn tejeý máseleleri boiynsha keńes ótkizdi, dep habarlaidy "Ult aqparat" vedomstvonyń baspasóz qyzmetine silteme jasap.
Saýda komitetiniń málimeti boiynsha, ótken aptada negizinen kókónisterge baǵanyń ósýi baiqaldy. Atap aitqanda, piiaz baǵasy 5,5% -ǵa, sábiz 1,3%-ǵa, kartop 1%-ǵa qymbattady.
QR Aýyl sharýashylyǵy vitse-ministri Baǵlan Bekbaýov óńirlik turaqtandyrý qorlary men aǵymdaǵy qorlardyń rezervterin qalyptastyrý boiynsha júrgizilip jatqan jumystardyń nátijelerin usyndy. Halyqtyń kókónisterge degen qajettiligin qamtamasyz etý úshin 20,4 myń tonna piiaz, 23,5 myń tonna sábiz, 17,1 myń tonna qyryqqabat satyp alyndy. Ákimdikterdiń derekterine sáikes, óńirlerde osy kezeńge shamamen 78,5 myń tonna kartop, onyń ishinde forvardtyq sharttar sheńberinde – 36 myń tonna, "ainalym shemalary" boiynsha – 42,5 myń tonna kelisimshart jasaldy. 2023 jyldyń mamyr-maýsym ailarynda ishki naryqtyń qajettiligi Túrkistan oblysynyń erte kartopyna kelisimshart jasaý jáne ońtústik elderden importtyq jetkizilimder esebinen qamtamasyz etiletin bolady.
"QR AShM erte kókónisterdi satyp alýdy qamtamasyz etý úshin Túrkistan oblysynyń aýyl sharýashylyǵy basqarmasymen birlesip kóshpeli keńes uiymdastyrdy, onda barlyq óńirlerdiń ókilderi qatysty, qorytyndysy boiynsha óńirlik ÁKK qazaqstandyq erte kókónis óndirýshilermen niet sharttaryn jasasty", - dep habarlady QR Aýyl sharýashylyǵy vitse-ministri.
Osylaisha, 2022 jylǵy eginnen qalyptasqan rezervter "satyp alý baǵasy + saqtaý shyǵyndary" baǵa aýqymynda 2023 jyldyń sáýir aiynyń sońyna deiin óńirlerdiń qajettilikterin qamtamasyz etýge múmkindik beredi. Bul maýsymaralyq kezeńde baǵanyń kúrt aýytqýyn boldyrmaýǵa múmkindik beredi, al mamyrdan maýsymǵa deiin bólshek saýdada jańa ónim ótken jyldyń sáikes kezeńine qaraǵanda tómen baǵamen qol jetimdi bolady. Tájikstanmen maýsymaralyq kezeńde 6 myń tonna erte piiazdy kepildendirilgen jetkizý týraly kelisimge qol qoiyldy. Osyǵan uqsas kelisimsharttar Pákistanmen jáne Ózbekstanmen pysyqtalýda.
"Ótken aptada aldaǵy maýsymǵa arnalǵan kókónisterdiń indikativti baǵalaryn qalyptastyrý úshin biz barlyq óńirlerge kelesi faktorlardy eskeretin esepteýler jiberdik: 2022 jylǵy 27 jeltoqsandaǵy jaǵdai boiynsha kókónisterdiń baǵasy boiynsha Ulttyq statistika biýrosynyń derekteri, satyp alý, saqtaý baǵasy, kólik shyǵyndary jáne saýda ústemesi eskerilgen. Bul 2022 jylǵy eginniń indikativti baǵasyn esepteý formýlasy. "Naryqtyq baǵa+saýda ústemesi" formýlasy biylǵy eginge qoldanylmaýy kerek. Tek osylai ǵana biz boljam jasai alamyz jáne infliatsiianyń qolaily dálizin qalyptastyra alamyz. Endi óńirlerge qysqa merzimde, kelesi aptanyń ortasyna deiin kókónisterdiń indikativti baǵasyn qalyptastyrý qajet. AShM-niń áleýmettik mańyzy bar azyq-túlik taýarlaryna baǵalardy turaqtandyrý tetikterin iske asyrýdyń úlgilik qaǵidalarynda barlyǵy baǵa monitoringi men indikativtik derekter negizinde turaqtandyrý qorlary qandai jaǵdailarda jumys isteitini jáne interventsiialar júrgiziletini naqty jazylǵan. Biraq sizderde indikativter bolmasa, qalai jumys isteisizder?, - dep Arman Shakqaliev túiindedi.
Keńes qorytyndysy boiynsha saýda jáne integratsiia birinshi vitse-ministri barlyq óńirlerge Túrkistan oblysynyń ákimdigimen birlesip 5 kún merzimde erte kókónis óndirýshilermen forvardtyq sharttar jasasý boiynsha jumys júrgizýdi tapsyrdy.
