مەملەكەت باسشىسى حالىقارالىق ارالدى قۇتقارۋ قورىنىڭ قۇرىلتايشى مەملەكەتتەرٸنٸڭ باسشىلارى وتىرىسىنىڭ قورىتىندىسى بويىنشا بٸرلەسكەن باسپاسٶز مەسليحاتىن ٶتكٸزدٸ, دەپ حابارلايدى "ۇلت اقپارات" اقورداعا سٸلتەمە جاساپ.
قازاقستان پرەزيدەنتٸ جۋرناليستەر مەن رەسمي دەلەگاتسييالار مٷشەلەرٸنٸڭ الدىندا سٶيلەگەن سٶزٸندە تٷرٸكمەنستان پرەزيدەنتٸنە دەستٷرلٸ قوناقجايلىق كٶرسەتكەنٸ ٷشٸن ريزاشىلىق بٸلدٸرٸپ, سامميتتٸڭ جوعارى دەڭگەيدە ۇيىمداستىرىلعانىن اتاپ ٶتتٸ.
– بۇل كەزدەسۋٸمٸزدٸڭ ەلەمنٸڭ بارشا مۇسىلمان قاۋىمى ٷشٸن قاسيەتتٸ قۇربان ايت مەرەكەسٸنەن كەيٸن ٶتكٸزٸلۋٸنٸڭ سيمۆولدىق مەنٸ زور. وسى مٷمكٸندٸكتٸ پايدالانا وتىرىپ, باۋىرلاس حالىقتارعا باق-بەرەكە, بەيبٸت ٶمٸر, اماندىق تٸلەيمٸن, – دەدٸ نۇرسۇلتان نازارباەۆ.
مەملەكەت باسشىسى ارال داعدارىسى ادامزات تاريحىنداعى ەڭ ٸرٸ ەكولوگييالىق اپاتتاردىڭ بٸرٸ بولىپ سانالاتىنىن اتاپ ٶتٸپ, 50 جىل ٸشٸندە تەڭٸزدٸڭ اۋماعى 9 ەسە كەمٸپ, سۋ كٶلەمٸ 30 ەسە ازايعانىن ايتتى.
– جىل سايىن ارال تەڭٸزٸنٸڭ كەۋٸپ قالعان ۇلتانىنان جەلمەن بٸرگە 80 ميلليون توننا ۋلى تۇز كٶتەرٸلەدٸ. بۇل تۇز شاڭدى داۋىلمەن باتىس ەۋروپادان گيمالايدىڭ شىڭدارىنا دەيٸن مىڭداعان شاقىرىمعا تارالىپ, ادامداردىڭ دەنساۋلىعىنا جەنە ەلدەرٸمٸزدٸڭ ەكولوگييالىق جٷيەسٸنە زاردابىن تيگٸزۋدە, – دەدٸ مەملەكەت باسشىسى.
نۇرسۇلتان نازارباەۆ ارال ايماعىنىڭ ەكولوگييالىق جاعدايىن جاقسارتۋعا باعىتتالعان حالىقارالىق ارالدى قورعاۋ قورىنىڭ قۇرىلتايشى مەملەكەتتەرٸنٸڭ كٷش-جٸگەرٸن قولداۋ ٷشٸن تاراپتاردىڭ وسى پروبلەمامەن اينالىساتىن دٷنيەجٷزٸلٸك قوعامداستىققا, بٸرٸككەن ۇلتتار ۇيىمىنا, بارلىق قورلار مەن بانكتەرگە جٷگٸنگەنٸ جٶن دەپ تاپقانىن اتاپ ٶتتٸ.
– بٸز ٶز تاراپىمىزدان قوردىڭ جۇمىسىن جەتٸلدٸرۋگە ۋاعدالاستىق. بارلىق مەسەلەلەردٸ, سونىڭ ٸشٸندە ەسكٸرگەن شەشٸمدەردٸ, سونداي-اق قوردىڭ بارلىق باسقارۋشى جەنە اتقارۋشى ورگاندارىنىڭ قىزمەتٸن تالداۋ مەسەلەسٸن شاعىن قۇرامدا اشىق تالقىلادىق, – دەدٸ قازاقستان پرەزيدەنتٸ.
مەملەكەت باسشىسى سۋ شىعىنىن 50-60 پايىزعا قىسقارتىپ, ٶنٸمدٸلٸكتٸ 4-5 ەسە ارتتىراتىن تامشىلاتىپ سۋارۋ سيياقتى زاماناۋي تەحنولوگييانىڭ جەنە سۋارۋعا قولدانىلاتىن سۋدى ٷنەمدٸ پايدالانۋدىڭ ماڭىزدىلىعىن اتاپ ٶتتٸ.
– زاماناۋي عىلىمي ۇستانىمدارعا نەگٸزدەلگەن ٶتە ماڭىزدى ۇسىنىستار بولدى. مىسالى, ەكولوگييالىق جاعدايدى جاقسارتۋعا سەپتٸگٸن تيگٸزەتٸن ەرٸ اۋىل شارۋاشىلىعىندا مالعا جەم دايىنداۋدىڭ كٶزٸ بولا الاتىن, سونداي-اق تۇزدىڭ كٶتەرٸلۋٸن بولدىرمايتىن, تۇزعا تٶزٸمدٸ جاسىل كٶشەتتەر وتىرعىزۋ مەسەلەسٸ ايتىلدى, – دەدٸ نۇرسۇلتان نازارباەۆ.
قازاقستان پرەزيدەنتٸ ۇسىنىستاردىڭ بەرٸ سامميتتٸڭ كومميۋنيكەسٸندە بەكٸتٸلگەنٸنە توقتالىپ, تٷرٸكمەن تاراپى بارلىق ۇسىنىستاردى جيناقتايتىنىن, ال اتقارۋشى كوميتەت الداعى ٸس-قيمىلداردىڭ ناقتى جوسپارىن ەزٸرلەيتٸنٸن اتاپ ٶتتٸ.
جيىن سوڭىندا مەملەكەت باسشىسى تاراپتاردىڭ سۋ شارۋاشىلىعى, ٶڭٸردٸڭ سۋ-ەنەرگەتيكالىق جەنە ەكولوگييالىق اسپەكتٸلەرٸ جٶنٸندەگٸ ۇستانىمدارىن جاقىنداستىرۋ مەسەلەلەرٸن ەگجەي-تەگجەيلٸ تالقىلاعانىن اتاپ ٶتٸپ, قازاقستان ٶتكەن كەلٸسسٶزدەردٸڭ نەتيجەلەرٸن جوعارى باعالايتىنىن ايتتى.
