وزىق زاماناۋي ٷردٸستەردٸ ٷلگٸ تۇتقان جاڭا ساياسي مەدەنيەت قالىپتاستىرۋ – جاڭا قازاقستاندى قۇرۋدىڭ العىشارتى. بۇل تۋرالى ۇلىتاۋ وبلىسىندا ٶتٸپ جاتقان ۇلتتىق قۇرىلتايدىڭ وتىرىسىندا مەجٸلٸس تٶراعاسى ەرلان قوشانوۆ ايتتى, دەپ حابارلايدى قازاقپارات.
«جاڭا قازاقستانداعى قوعامنىڭ بٸرٸگۋٸ مەن جۇمىلۋىنىڭ بٸر ارناعا توعىسۋىنىڭ اسا قاجەت ەكەنٸ داۋسىز. ول – ۋاقىت تالابى! بٸراق, مەرتەبەسٸ بيٸك, ماڭىزى تەرەڭ بۇل ٸس قانداي نەگٸزدە جٷزەگە اسادى? قوعامنىڭ جاڭا رۋحاني بولمىسى مەن ەتيكالىق ۇستانىمى قانداي بولماق? بٷگٸنگٸ تاڭدا بۇل سۇراقتاردىڭ ماڭىزدىلىعىن جوققا شىعارۋعا بولماس! ٶيتكەنٸ, قازاقستاندىقتاردى جوعارى ۇلتتىق قۇندىلىقتار مەن دەموكراتييالىق ساياسي دەستٷر نەگٸزٸندە عانا توپتاستىرۋعا بولادى.
رەفەرەندۋمنىڭ شىڭى مەن شىندىعى بٸزگە كەم دەگەندە ٷش ناقتى مٸندەت پەن ماقسات قويىپ وتىر», - دەدٸ قوشانوۆ.
وسى ورايدا ول بٸرٸنشٸ كەزەكتە تەرتٸپ پەن زاڭدىلىقتىڭ ماڭىزدىلىعىن اتادى. ەدٸلەتتٸ قازاقستان ورناتۋدىڭ باستى شارتى – زاڭ ٷستەمدٸگٸن ورنىقتىرۋ, قوعامدا قۇقىقتىق مەدەنيەت قالىپتاستىرۋ.
«بۇل تۇرعىدان دا ەلٸمٸزدە كٶپتەگەن مەسەلەلەر قوردالانىپ قالدى. باۋىرجان مومىشۇلىنىڭ «تەرتٸپسٸز ەل بولمايدى, تەرتٸپكە باعىنعان قۇل بولمايدى» دەگەن سٶزٸن ٶسيەت ەتٸپ ۇستانساق ارتىق بولماس. قازٸرگٸ زاڭناما بويىنشا ەركٸمنٸڭ زاڭدى تٷردە ميتينگ نەمەسە بەيبٸت شەرۋ ٶتكٸزۋگە حاقىسى بار. ميتينگ دەگەن كٷندەلٸكتٸ ٶمٸردٸڭ كٶرٸنٸسٸنە اينالدى. الايدا كەيبٸر ازاماتتار ٶزٸنٸڭ پٸكٸرٸن بٸلدٸرۋ كەزٸندە زاڭ اياسىنان اسىپ كەتەتٸن ٸس-ەرەكەتتەرگە بارادى», - دەدٸ مەجٸلٸس تٶراعاسى.
قوشانوۆ ەكٸنشٸ مٸندەت رەتٸندە جاڭا قوعامدىق سانانى اتاپ ٶتتٸ.
«جاڭا قازاقستاندا جاڭا قوعامدىق وي-سانا قالىپتاستىرۋىمىز كەرەك.
بۇل بارشامىزدى مەزٸ قىلعان جاساندىلىقتان, بيۋروكراتيزمنەن, جالعاندىقتان, پافوستان جيرەنٸپ, ەدٸلەت پەن ادالدىق جاعىنا بٸرجولاتا شىعۋىمىزدى تالاپ ەتەدٸ. پارلامەنتتٸڭ دە, پارتييالاردىڭ دا باستى مٸندەتٸ – ەلدە بولىپ جاتقان وڭ ٶزگەرٸستەردٸ حالىققا جەتكٸزۋ, جاس ۇرپاقتىڭ بويىنا سٸڭٸرۋ! بٸز پرەزيدەنت كٶرسەتكەن ساياسي مەجەگە, رەفورمالاردىڭ قارقىنىنا ٸلەسٸپ, جاڭا جاعدايدا جۇمىس ٸستەۋگە بەيٸمدەلۋٸمٸز قاجەت. وسى ورايدا «كٷشتٸ پرەزيدەنت – ىقپالدى پارلامەنت – ەسەپ بەرەتٸن ٷكٸمەت» قاعيداسى «جاۋاپتى قوعام مەن جاۋاپتى ازامات» فورمۋلاسىمەن ٷندەسٸپ تۇر», - دەدٸ ول.
«ٷشٸنشٸ كەزەكتە – جاڭا ساياسي مەدەنيەت. وزىق زاماناۋي ٷردٸستەردٸ ٷلگٸ تۇتقان جاڭا ساياسي مەدەنيەت قالىپتاستىرۋ – جاڭا قازاقستاندى قۇرۋدىڭ العىشارتى. ەلٸمٸزدە كونسترۋكتيۆتٸ مەدەنيەت, پٸكٸرتالاس مەدەنيەتٸن قالىپتاستىرۋعا تيٸسپٸز. ەر ادام جەكە باسقا ەمەس, ۇلتتىق مٷددەگە قىزمەت ەتۋگە تالپىنۋى كەرەك. قۇرىلتاي وسى ساياسي مەدەنيەتتٸ جاڭا دەڭگەيگە كٶتەرەدٸ دەپ بٸلەمٸز», - دەدٸ مەجٸلٸس تٶراعاسى.
