رەسەيدە سوڭعى ايدا كەمٸندە 9479 مەديتسينا قىزمەتكەرٸنە كوروناۆيرۋس جۇققان. ەلدٸڭ 70-تەن استام ايماعىنان جارييالانعان اقپاراتقا سٷيەنگەن Associated Press اگەنتتٸگٸ وسىنداي مەلٸمەت جارييالادى.
اگەنتتٸكتٸڭ جازۋىنشا, 70-تەن استام دەرٸگەر كوروناۆيرۋستان قايتىس بولعان جەنە كەيبٸر مەديتسينا قىزمەتكەرلەرٸ ولاردىڭ سانى بۇدان دا كٶپ بولۋى مٷمكٸن ەكەنٸن ايتقان.
AP اگەنتتٸگٸ جارييالاعان ماقالادا COVID-19 ٸندەتٸ كەزٸندە رەسەيلٸك دەرٸگەرلەر ۇشىراسقان مەسەلەلەر تۋرالى ايتىلعان. ماقالادا اۋرۋحانالاردا قورعانىش قۇرالدارىنىڭ تاپشىلىعى, مەسەلەلەردٸ اشىق ايتقان قىزمەتكەرلەردٸڭ قىلمىستىق قۋدالاۋعا نەمەسە قوقان-لوقىعا كەزٸككەنٸ ايتىلادى.
اگەنتتٸك ٶزگە مەديتسينا قىزمەتكەرلەرٸمەن بٸرگە مەسكەۋ ماڭىنداعى رەۋتوۆ قالالىق ورتالىق اۋرۋحاناسىنىڭ دەرٸگەرٸ يرينا ۆاسكيانينانىڭ سٶزٸن كەلتٸرەدٸ. ونىڭ ايتۋىنشا, اۋرۋحانادا 40-تان استام قىزمەتكەرگە كوروناۆيرۋس جۇققان. "نوۆايا گازەتا" باسىلىمى سەۋٸر ايىندا رەۋتوۆ اۋرۋحاناسىنداعى قىزمەتكەرلەردٸڭ پرەزيدەنت ۆلاديمير پۋتيننەن كٶمەك سۇراپ, مەلٸمدەمە جولداعانىن جازعان ەدٸ.
"مەديازونا" باسىلىمى ەكٸ كٷن بۇرىن رەسەيدە كوروناۆيرۋستان كەمٸندە 186 مەديتسينا قىزمەتكەرٸ قايتىس بولعان دەپ حابارلاعان. باسىلىم زەرتتەۋٸندە رەسەيلٸك دەرٸگەرلەر ۇيىمداستىرعان كوروناۆيرۋستان قايتىس بولعان دەرٸگەرلەردٸڭ اتى-جٶنٸ جازىلعان مەموريالدىق جوبا دەرەگٸنە سٷيەنگەن.
